اللي بالها طويل وعندها خبره تتفضل

[LADY GAGA]

مرااحب ..اسبوعين اروح للكليه عشان اسئل رئيسة القسم عن الساعات المتبقيه لكي اتخرج ..محسوبتكم جديد عليها النظام عشان كنت ادرس على نظام الكليه والمفروض باقي لي سنه واتخرج لكن انقطعت عن الدراسه سنتين والسنه هاذي رجعت ونجحت الترم الاول ونزلت مواد الترم الثاني..اللي ابغى اوصله ابغى اعرف ايش المواد اللي راح ادرسها وللا هم بيعيدون لي من اول وجديد ..ابغى اعرف عشان احدد اذا راح اكمل دراستي او لا..المشكله سئلت رئيسة القسم ولا فادتني بشي..احس اني ضايعه في هذي الكليه يااااارب..بنات انا مكتوب عندي في الاوديس الساعات المسجله 217 والساعات المكتسبه158 حسبتها باقيلي59 ساعه معناها عندي 20 ساعه تخصص..صح كلامي ..على فكره انا اخذت تطبيق عملي في نظام الكليه سنه ثالث هل ارجع اطبق مره ثانيه وشكرا

[بلاسس]

ان شاء الله البنات يفدونك

[candy]

السلام عليكم

كيف عدد ساعاتك المكتسبه فوق 150 و هي اجمالي ساعات التخرج 130

هما سوو ليكي معادله مواد ولا لسع؟؟؟؟

و بالتوفيق

[RoRo-20]

والله قصتك صعبة
احنا اللي درسنا سنه ونص من نظام الكليه عادلوا لنا مواد كثير
فمن باب اولى انه انتي كمان تتعادلك مواد اكثرررررر بكثير
طيب
انتي الترم اللي فات نزلوا لك مواد من اي مستوى؟؟؟
اذا من السابع فاكيد خلاص مابقي لك شئ كثير
مااعرف اذا مثلا موادك كاننت هي نفسها الخطه القديمه
لاني اشوف البنات اللي عندهم مواد متبقيه للاعاده بيداوموا وبيختبروا فيها
فماادري انتي مع اي فئه
موادك اللي الان بتدرسيها القديمه والا الجديده؟!!
ممكن لو وضحتي اكثر نفيدك
رغم اني متوقعه انها القديمه
لو غير كذا كان اكيد سوو لك االمعادلات

موفقه

[LADY GAGA]

رورو انا اخذت الترم الاول مقدمه في اللغويات ..مبادئ اداره عامه..لغه فرنسيه1..مناهج بحث والترم الثاني عندي الصرف لغه فرنسه2 القراءه1 الكتابه 1 الاستماع والتحدث 1
المواد تتشابه في المضمون وليس في المسمى..عندك مثلا اخذت في نظام الكليه مادة مورفولوجي وسينتاكس هذي الماده في نظام الجامعه مقسمه على ثلاث مواد اللي هي الصرف و النحو وعلم الاصوات
طبعا حملت هذي الماده في الترم الثاني وعندك الروايه اخذتها من سنه اولى الى ثالث في الترمين كل ترم
روايتين وطبعا حملت هذي الماده في سنه ثالث في الترمين فما ادري اذا يعادلوها بالروايه اللي درتها في سنه اولى وثاني..يااارب تكوني فهمتي علي
بلاسس وكاندي شكرا على الرد

[aws1111]

وضعك مخلبط الساعات المحححححححححدةدراستها 130ساعة. نصحية راجعي رئيسة القسم .

[نبراس الحب]

حبيبتي اجلسي على روسهم لحد مايعطوكي جواب هما كذا لازم تزني على روسهم لحد مايخلصو لك شغلك روحي لعمادة القبول واساليهم واذا قالو لك مو عندنا قولي لهم انا رحت لرئيسة القسم وماردت عليا صار لي اسبوعين معاها..
تخيلي انا كنت توي محوله انتساب .. ومع الخربطه مانزلو درجاتي وبهذلوني كل وحده ترميني للثانيه وحده تقول روحي لرئيسة القسم ارووح لرئيسة القسم تقولي روحي الشؤون اروح لهم يقولو روحي العماده رحت لهم قالو مو من عندنا قلت هما قالو لي اجيكم قالت روحي الشؤون وانا على نياتي رحت قالو عند العماده مره ثانيه واروح لهم قلت انا ابغى درجاتي شوفي لي حل قالت روحي لرصد الدرجات وانا اكلمها ورحت قالت مو عندي قلت في العماده قالو لي من عندكم قالت طيب روحي شوفي الاستاذات اللي درسوك وخليهم يعطوكي الكشف وجيبيه ورحت لدكتوره قالت كيف اعطيكي الكشف ممنوع روحي وقولي لها الدكتورة الفلانيه تقولك الدرجات كلها عندك وهذا شغلها مو تخليكي انتي تدوري ورجعت لها وقلت لها الكلام ودورت وطلعت على مكتبها وربي جلست ادعي عليهم حرااام..
انتي روحي وربي معاكي واذا قالو لك مو عندنا اسالي يعني اروح لمين اش اسم الحرمه اللي اروح لها اعطيني رقمها زي كذا والله يعيينك وتتخرجي الترم هذا يااارب
آسفه طولت عليكي قلبوو..

[LADY GAGA]

نبراس الحب شكرا على الرد
حبيبتي انا رحت لرئيسة القسم ما عمري دخلت عندها وادتني الاجابه الشافيه..دايما اجاباتها مقتضبه ومبهمه وغير واضحه..اقولها ابغى اعرف عدد الساعات المتبقيه تقولي احنا نزبط جدولك!اش دخل هذي في هذي..قولتلها انا من نظام الكليه القديم وابغى اعرف ايش المواد اللي معادله لي تقولي يااابنتي انا اعرف وراح اسوي كل شي خلااااص ..شوي وتقوم تطردني الله يسامحها..المهم خرجت من المولد بلا حمص..يااارب رحمتك.. والله حرام تعب سنيييين يرجع ينعاد من اول وجديد ..اذا عادو لي من اول ماراح اكمل دراستي وذنبي في رقبت كل واحده ساهمت في ذلك..ياارب ساعدني ماالي غيرك..بالله يابنات ادعو لي تتسهل اموري ومايبقالي شي على التخرج

[نينا..]

مساء الخير ..


أول شي ارجعي احسبي بالاله مجموع ساعاتك اللي درستيها واتأكدي من الرقم صحيح اولا !!

ثانيا قبل ماتدرسي مواد هذا الترم .. لازم تروحي لرئيسة القسم وتطلبيها ورقه للمواد المعادله عشان لاتدرسي ماده وهيا متعادلتلك راح تطولي في الكليه وتتخرجي بساعات كثيره ..

الله يوفقك بس لاتأخذي عالكلام هنا لازم تراجعي الجامعه وهما فاضيين الحين قبل ماتبدء الاختبارات والزحمه ..