استفسار عن التسكين

[مـ ـهـ ـا]

السلام عليكم كل وحده بأسمها
انا حبيت اسال عن وضع وحده من صديقاتي ضايقه فيها الدنيا احب اسمع رايكم فـ اللي حصل لها واللي عندها معلومات تفيدني فيها الله يفرج كربكم يارب برضو كل وحده باسمها =)
حطو نفسكم مكانها اوكي هع
هيا خلصت التحضيري بعد سنه و سيمستر صيفي اتاخرت درجتها في الرياضيات بعد 3 اسابيع من سنه التخصص معدلها 1.98
قالوا لها في العماده خلاص تسحبي ولا تحولي انتساب تخيلوا الوضع !!!اش تقدر تسوي دحين ؟ووحده معدلها 1.60 اتخصصت كيميا
الله يسعدكم قوقوا لي ش الحل ؟؟؟؟

[خالد9921]

وعليكم السلام ورحمة الله وبركاته

هوا حسب النظام اصلا اذا جبت معدل أقل من 2 نهاية التحضيري يتم طي قيدك يعني مفصول ..
لكن بنشوف انو يقولو لهم تبغوا انتساب
لانو فيها فايده للكل سواء للطالب كفرصة قبول وسواء للجامعه من ناحية رسوم الانتساب ,,
بس موضوع انو وحده ماخذه 1.60 وداخله كيمستري !!
اذا هذا الشي متأكدين منو والبنت تعرفوها روحو اعترضو عند العماده اذا البنت موافقه !!
لانو مافيش حل غير كذا لو بتروح تقولهم بدون دليل بيقولو لا مافيش مستحيل دي مفصوله !
كمان اذا شهادتها الثانويه مش قديمه ويمدي تقدم بيها السنه الجايه انتظام والقياس عندها عالي
خليها تقدم السنه الجايه انتظام بس يمكن عليها فصل اكاديمي ودي مشكله تانيه :/


الله يعينها ويسهل لها

بالتوفيق (:

[مـ ـهـ ـا]

لما راحت العماده تسال قالو لما تكون لسى ماخلصت التحضيري تتحول انتساب او تسحب لكن هيا خلصت تحضيري
=( ساعدوها

[خالد9921]

لما راحت العماده تسال قالو لما تكون لسى ماخلصت التحضيري تتحول انتساب او تسحب لكن هيا خلصت تحضيري

طيب وايش يعني وضعها الآن مفصوله أكاديميا لانها خلصت تحضيري بمعدل اقل من 2 ومالها اي فرصه حتى لو إنتساب ؟
للاسف اعتقد هذا النظام بصراحه ولكن انا سمعت إن اللي يتعثرو بنفس طريقتها يخيروهم
بين التحويل للإنتساب او سحب الملف ,,
عموما الله يسهل لها يبدو موضوعها صعب :/ ,,
إن كانت شهاده الثانويه ما مضى عليها 3 سنوات ودرجات القياس تبعها كويسه
خليها تسحب وتقدم الصيف هذا ماحد عارف ممكن تنقبل او تقدم بجامعه ثانيه
او انها عالاقل تحاول تكسب فرصة الانتساب
وانو يخلوها انتساب الآن بجامعتنا اذا رغبانه بالدراسه !

بالتوفيق

[سحوي لزوزه]

يا حلوين انا معدلي بالترم الاول 1.5نازل وانا الحين بالترم التاني شاده حيلي في امل اني ادخل تخصص كوويس وان شاء الله بشد حيلي بالصيفي>>الاخت محمله