هنيأ لنا بتاريخك يا شكسبير !! الى أين يا قسم اللغات ؟؟؟؟

[Romantic]

صراحه انا انصدمت من الموضوع واغلب الردود

ياناس شكسبير هو الاب الروحي للادب الانجليزي والله ان دراسه قصائده ومسرحياته انها ممتعه بعدين بالعكس المنهج انا اشوفه تمام يعني ندرس بالبدايه اللسننق والريدينق والرايتنق بس للامانه اغلب اللي يدخلون قسم اللغه والله لغتهم مره ضعيفه يعني مو من المنهج من نفس الطالب مو من المنهج


وحتى قصائد شكسبير له قصائد رائعه تحكي الواقع مثل السبع المراحل اللي تحكي مراحل حياة الانسان والله انه شخصيه لن تتكرر في الادب العالمي

وبالنسبه للي يقول ان مامنها فائده انا اقول بالعكس هذا هو اللي اسس وطور القصائد والمسرحيات في الغرب وطبيعي انا ندرس قصائده هو وبايرون

وبالنسبه للي يقول انها مامنها فايده اتمني الواحد يركز بقصائدهم والله رووعه خاصه شاعر الرومانسيه وررد وث هذا حكايه لحاله يالبي قلبه


وبالنسبه لشذي الوادي اللي تقول انه شبه حبيبته بالشمس اذا انتي مافهمتي وش يقصد فيها شكسبير فأسمحي اقولك ان ثقافتك الرومانسيه ضحله جدا عاد احسن من ربعنا الللي يشبه حيبيبته بالناقه بالعكس هو قصد انها تشبهها بالدفا والنور مو بالمعني الحرفي الله يهديك

ولو تسئلوني وش افضل ماده درستها وانا ان شاء الله خريج هذا الترم هي ماده الشعر 447 والله استمتعت فيها استمتاع مو طبيعي وماده شكسبير 448

صدقوني اللي دخل التخصص وهو حاب الانجليزي راح يمشي فيه لو حتى لو درسنا تاريخ مستر بن مو تاريخ شكسبير

عموما اختلاف الرأي لايفسد بالود قضيه وتقبلو ا وجهة نظري