رشحـــــــولي افضل استاذه للتحليل الكمــــــــي .. والأقتصــــــاد الكلي ..."

[دربـ وفا ـي]

المشاركة الأصلية كتبت بواسطة عبق الورد~ شوفي سمر عندها شعبتين ليش ما تاخذي الشعبه الثانيه...وبدل الشعبه الى انتى فيها حطي مع منال,,,انا معاكي في مبادىء تسويق ولاتفكري تغيريها مع نعيمه ابدا

مافي طريقه الا حاولت استخدمها .. بس شعبتها الثانيه عندي تعارض فيها مع تسويق اضن


نو وي اغير جيهان


مافي الا اني احذفها .. بس اش احط ماده سهله بدالها

[دربـ وفا ـي]

المشاركة الأصلية كتبت بواسطة طالبة.مجتهدة منال افضل استاذه وممكن سوزان بس شديده تقدري تاخذي مع حاجه بس مو اقتصااد اصحــــــــــك تاخذي معاها اقتصاد انا اخذت الترم اللي فات اقتصاد وتحليل كمي مع حاجه شوفي في اقتصاد مرررة مو كويسه لكن تحليل كمي تمام بس تهلكك بالواجبات وكدا لكن اسئلتها نفس اللي في الكتاب بالززبط وشرح تمام طبعا في تحليل كمي موو اقتصاد بالتوفيق قلبوو

انا مع سوزان خلاااااااااااااااااص ومرح اغيرها جربتها مرتين تجنن

واجبات ايه << انتساب انا ياقمر فتحي عنونك

حاااجه نو وي اخذ معاها لو اتأخر سنه زياده هع مع نفسها هالأستاذه

[دربـ وفا ـي]

المشاركة الأصلية كتبت بواسطة رقي الأحاسيس التحليل الكمي سوزااان افضل شي بصراحة يجي الاختبار وانتي فاكرة شرحها بس شايفة نفسها شويه والاسئلة كانت موحدة لما اخذت المادة وتقريبا هي اللي كانت تحط الاسئلة كانت متفاوتة بين السهولة والصعوبة يعني اذا كنتي مذاكرة تمااااام حتجيبي درجة حلوة كل زميلاتي كانت درجاتهم حلوة وعقبالك يارب اما الاقتصاد فانا حاخدو هذا الترم وزيك محتارة بس استشرت وراح اتوكل علي الله واخذ عند منال بس مدري كيف اسئلتها وتصحيحها الله يستر

في التحليل الكمي خلااص مع سوزان فديتها

بس الأقتصاد الكلي شكلي رح احذفه وهذا الأكيد

ربي يوفقك مع منال انا مااقدر اخذ معاها لأنه في تعارض

[غلا&جده]

التحليل سوزان طبعا من غير كلام

الاقتصاد انا اخذتو مع حاجه مرا ماعجبني شرحهاا بس اسألتها كانت حلوه وتحسي السؤال اجابتو في السؤال التاني

[رقي الأحاسيس]

الله يوفقك يارب

مادة سهلة خذي نظام سياسي سعودي

الكل بيمدح المادة كنت ابغي اضيفها بس تخوفت من خالدة عشان كده بطلت

واذا تبغي مادة علمية خذي مالية دولية كمان بيقولو حلوة كنت ابغاها بس تعارض

ان شا الله الترم الجاي

بالتوفيق

[عبق الورد~]

شوفي حبيبتي انا نزلت نظام سياسي سعودي...مع خالده..
وسألت عطر الغلا..وهذا ردها
هلا عزيزتي
نظام سياسي سعودي حلوة مررررة واكثر مادة عجبتني هي ودكتورتها بالجامعة كلها أهم شي أكتبي كل اللي تقوله بالمحاضرة وراح تاخذين +a بالراحة إن شاء الله
فامررره تحمست وانا اثق بكلامها...وارسلتلها اعتمد على الله ثم ملزمتك في المذاكره وردتلي
عن نفسي ماذاكرت غير من الملزمة وأخذت 98 بفضل الله
بس عشان تكوني بالصورة في أسئلة جات بالفهم يعني مو موجودة نصا بالملزمة بس لو فاهمة المادة وحابتها راح تحلي
وملزمتها تلاقينها في المنتدي,,,

[%بحر العطاء%]

طيب لو أخذت مبادئ التسويق مع نعيمة حيكون سنترا صح أو لا؟؟!!

[عبق الورد~]

المشاركة الأصلية كتبت بواسطة %بحر العطاء% طيب لو أخذت مبادئ التسويق مع نعيمة حيكون سنترا صح أو لا؟؟!!

حبيبتى نصيحه..لاتاخذيها مع نعيمه بوقري...مافي احد ينصح فيها...مبادىء تسويق ماهي تعليم عن بعد حضور...

[دربـ وفا ـي]

المشاركة الأصلية كتبت بواسطة غلا&جده التحليل سوزان طبعا من غير كلام الاقتصاد انا اخذتو مع حاجه مرا ماعجبني شرحهاا بس اسألتها كانت حلوه وتحسي السؤال اجابتو في السؤال التاني

ياســـــــــــــــــلام بدأت اغير رأي طيب المذاكره من فين كانت من ملزمة عطر الغلا ولا الكتاب

وكيف في الدرجات .. يعني تظلمك ولا تعطيكي حقك

المشاركة الأصلية كتبت بواسطة رقي الأحاسيس الله يوفقك يارب مادة سهلة خذي نظام سياسي سعودي الكل بيمدح المادة كنت ابغي اضيفها بس تخوفت من خالدة عشان كده بطلت واذا تبغي مادة علمية خذي مالية دولية كمان بيقولو حلوة كنت ابغاها بس تعارض ان شا الله الترم الجاي بالتوفيق

ليه تخوفتي من خالده كثير يمدحوها .. ماليه دوليه صحبتي قالتلي عنها حلوه بس شكلها ماده علميه طيب المذاكره من وين .. من ملزمه .. واذا من ملزمه هل الملزمه كبيره << تكره الدش

المشاركة الأصلية كتبت بواسطة عبق الورد~ شوفي حبيبتي انا نزلت نظام سياسي سعودي...مع خالده.. وسألت عطر الغلا..وهذا ردها هلا عزيزتي نظام سياسي سعودي حلوة مررررة واكثر مادة عجبتني هي ودكتورتها بالجامعة كلها أهم شي أكتبي كل اللي تقوله بالمحاضرة وراح تاخذين +a بالراحة إن شاء الله فامررره تحمست وانا اثق بكلامها...وارسلتلها اعتمد على الله ثم ملزمتك في المذاكره وردتلي عن نفسي ماذاكرت غير من الملزمة وأخذت 98 بفضل الله بس عشان تكوني بالصورة في أسئلة جات بالفهم يعني مو موجودة نصا بالملزمة بس لو فاهمة المادة وحابتها راح تحلي وملزمتها تلاقينها في المنتدي,,,

تحمست والله .. ربي يسعدك ويوفقك انتي وعطر الغلا .. شكلي رح اضيفها .. بس ياريت تتأكديلي من وقتها عشان لايطلعلي تعارض واجن

المشاركة الأصلية كتبت بواسطة %بحر العطاء% طيب لو أخذت مبادئ التسويق مع نعيمة حيكون سنترا صح أو لا؟؟!!

لا مو سنترا .. بس نعيمه مايمدحوها ابد

[رقي الأحاسيس]

هلا حبيبتي

المالية ملزمة منزلتها عطر الغلا

بصراحة مدري فيها دش او لا لاني ما اخذتها بس بتلاقيها في قسم الملخصات اكيد وشوفيها قبل لا تضيفيها

اما خالدة جربتها اول سمستر في التفكير هي المادة غثيثة وهي كل كلامها كان سياسة كرهتها هي والمادة

بس راح اجرب ادارة عمليات مع امل دمنهوري وتخطيط مع كاميليا اذا مشي حالها اوكي واذا لا راح احذفها وانزل اما نظام سياسي او مالية

بس ابغى اسالك

انتي اخذتي ادارة عمليات او تخطيط ومع مين وكيف كانو وهل تنصحيني اكمل مع اللي عندي او اجربهم ولا ما اضيع وقتي واحذفهم واحط حرة بدالهم من البداية ؟؟؟؟

وبالنسبة لحاجة فعلا زي ماقالت الاخت زميلاتي وحده ما كانت تحضر ابدا والتانية تحضر وكلهم قالو الاسئلة مووووووووية وتجننن الاسئلة

وبالنسبة للمذاكرة كانت تقول اللي تبغوه جيبوه بس اهم شي انكم تتابعو معايا

يعني اللي تبغي هاني عرب واللي تبغي ملزمة عطر الغلا واللي تبغي ملزمة عبلة بخاري بكيفكم

يعني ماعندها شي معتمد

وزميلتي ذاكرت من ملزمة عبلة وملزمة عطر الغلا وجابت a+
ما شا الله

هذا اللي عندي وسوري لو كترت كلام

وبالتوفيق