بصراحه ماني عارف وش اسوي ....؟؟

[LeLou]

و عليكم السلام و رحمة الله و بركاته..
هو موضوع التسكين راح يكون على حسب درجات الطلاب و رغباتهم و الطاقة الإستيعابيه للكلية..
يعني مو بالضرورة أنه لو أنهم طالبين معدل 4.5 لكلية معينة مثلا انه تكتفي الكلية عند هذا الحد ممكن لو في اماكن و في طلاب معدلهم اقل و عندهم الرغبة ينقبلوا..
و إذا اكتفت عند 4.7 اللي معدلهم 4.69 ما راح يدخلوا..
و أهم شي النسبة أهم من المعدل ترى و النسبة الخاصة أهم و أهم..
يعني عشان تدخل طب درجات مواد خطة ب أهم من أ..
لانه هم طالبين النسبة الخاصة في الفيزياء و الكيمياء و الأحياء و الإنجليش تكون ما اعرف كم أظن 88 بس مو متأكدة..
و إنت لسا باقي لك الكيمياء و الأحياء لازم تشد حيلك فيهم..
إنت ذاكر كويس و رتب الطلبات زي ما انت حاب و لا تحط في بالك المعدل أبدًا..
رتب حسب رغبتك و لا شيء سوى رغبتك..
و ذاكر و شد حيلك و اتوكل على ربنا و سوي كل اللي تقدر عليه..
و لا تنسى التوكل و الدعاء..
و مسألة التخصص هذي حاجة ربك اللي عارفها و مقدرها فإنت استنى و شوف نتيجة الفرز..
بس هذا مو معناها انك تقول ربنا مقدر و تتهاون و تتكاسل انت لازم تاخذ بالأسباب كلها عشان يكون التوكل صح و في محله و تحصل التوفيق بإذن الله..
و حط في بالك انه التخصص اللي قدره لك ربنا هو اللي فيه الخير..
بالتوفيق~