استفسار عاجل ( التحويل إلى متوقع تخرجه ) ..!

[xssxssx]

::
::



السلام عليكم ورحمة الله وبركاته ../


أسعدكم الله ووفقكم دائماً وأبداً ..


لدي استفسار عاجل وأتمنى إجابتي ، مشكورين ..:

أنا رايح للجامعة إن شاء الله بعد يومين ..

وحبيت أسأل التحويل إلى متوقع تخرجه ويــن ( المكان ) ، وعند مـيــن ( اسم الشخص ) ؟؟


أنا طالب في كلية الادارة والاقتصاد تخصص موارد بشرية


شاكر ومقدر مقدماً تجاوبكم وافادتكم ..


وللجميع مني التحية والتقدير والامتنان ..



::
::

[انتسابي]

لو اخذت لك لفه على المنتدى ولو بشكل سريع راح تلاقي اجابه سؤالك

ولكن بشكل سريع .... روح لمبنى تطوير الاعمال المقارب لمبنى كلية الإدارة الإقتصاد

روح عند الشباك واطبع كشف بالدرجات .. بعدين اسأل عن اما الدكتور محمد الإدريسي .. او الأستاذ ابو طالب ( على فكره .. هالشخصين نادر مايتواجدون في مكاتبهم .. يعني يبغالك تعسكر في المبنى لما يجوون )

بعدين هاذين الشخصين راح يشوفون كشف الدرجات واذا كان هذا الترم فعلا هو آخر ترم لك راح يختمون على ورقتك وتروح تختمها من قسمك في الكلية وتروح بالورقة هذي - كشف المواد - الى عمادة القبول والتسجيل .. وبعدين تعطيه الشياك ويحولك الحالة الى متوقع تخرجه .

اما اذا شافوا هذا الكشف الدرجات ووجدوا ان هناك ماده او مادتين مو مطابقة للتخرج ( اقصد المواد الحرة او الإختياريه ) فراح يقولون لك ان هالترم ماراح تتخرج ويبغالك تسوي كذا وكذا .

هذا بالتفصيل مايجب عليك عمله لتحويل الحالة الى متوقع تخرجه

موفق ان شاء الله

[البرنس الذهبي]

اخوي انتسابي مامدى اهمية التحويل الى متوقع تخرجه يعني ايش الفوائد

[aon-sh1]

انا ماحولت والترم هذا اخر ترم وسبق انى تاكدت منهم بعدد الساعات المتبقيه فهل لازم انى اغير الان او استطيع اغيره مع الاختبارات لانى من برى جده

[انتسابي]

المشاركة الأصلية كتبت بواسطة البرنس الذهبي اخوي انتسابي مامدى اهمية التحويل الى متوقع تخرجه يعني ايش الفوائد

البعض يقولون ان الدكاتره عند التصحيح يراعون في التصحيح اللي حالته متوقع تخرجه ...


والبعض يسويها علشان يتأكد انه فعلا بيتخرج لأن البعض يظن انه بيتخرج ولكن الواقع تكون عليه ماده او مادتين تعطله عن التخرج .. فتحويل الحالة الى متوقع تخرجه هو كالضمان للتخرج في نفس الترم


انا - محاكيك - لما حبيت اعمل حالتي لمتوقع تخرجه في نفس ايام الآمتحانات للترم الماضي تفاجأت ان علي 3 مواد باقية ( اختياريه ) ما اخذتها .. والمواد الإختياريه اللي اخذتها في السابق كلها غير صحيحه !!!!

لما دخلت على عميد القبول والتسجيل - الله يوفقه وين ماراح - وشرحتله حالتي وانه لازم اتخرج هذا الترم لظروف اسرية .. تفاعل معي واضافلي 3 مواد جديده في ايام الامتحانات ( تخيل ) ولله الحمد كان امتحان وفترة قاسية بالنسبه لي .. وبفضل من الله عديتها وتخرجنا :)

هذا هو سبب تحويل الحالة الى متوقع تخرجه .. للضمان

[انتسابي]

المشاركة الأصلية كتبت بواسطة aon-sh1 انا ماحولت والترم هذا اخر ترم وسبق انى تاكدت منهم بعدد الساعات المتبقيه فهل لازم انى اغير الان او استطيع اغيره مع الاختبارات لانى من برى جده

اذا انت متأكد من المواد الباقية لك بموجب زيارتك لهم .. فمو ضروري تغير الحالة الى متوقع تخرجه

وتقدر بعد تحولها ايام الامتحانات الجايه لما تروح جده .. وحتى لو ماعملتها زي ماقلت لك مو ضروري ( بس بشرط يكونوا ختمولك على ورقة كشف المواد بالمواد الباقية علشان ماتتوهق معهم )

[M7AMMED]

أول خطـوه تسويها تروح للشئون التعليمية فالمبنى المقابل لكلية الاقتصاد ، بعدها تطلب من احد الموظفين اللي على الشباك كشف درجات والساعات المتبقية عليك وأهم شي توضح لهم بتعدل الحالة من طالب إلى متوقع تخرجه ، راح يعطونك نموذج ترفقه مع نموذج كشف الدرجات وتروح بعدها لمسئول شئون طلاب الانتساب في نفس المبنى ، بعد ما يوقع عليها ويختم ، بيحولك على وكيل العمادة الدكتور عابد المشايخي ، اذا رحت له بتعطي السكرتير اوراقك وبيحول الحالة الى متوقع تخرجه ، اذا قال لك السكرتير خلال اربعة وعشرين ساعة راح تتعدل الحاله اطلب منه يعدلها في نفس الوقت عشان بتضيف مواد على الجدول وما يقصر معاك راح يعدلها لك ،، وبعد ما يحول حالتك ترجع للشئون التعليمية وتطلب نموذج إضافة مواد وتضيفها وتعطي الموظف ، أهم شي تكون اجتزت عدد الساعات 105 المكتسبة وليست المسجله .. وبكذا يضيفونها لك وفالك النجاح ان شاء الله

[xssxssx]

::
::



لجميع من رد وأفادني بالمعلومة وخاصة الأخوين انتسابي و m7ammed

شكراً من القلب ووفق الله الجميع دائماً وأبداً




::
::

[عاهتك ياوطن]

الله يوفقك ويسهل امرك اليوم عملت الاجراءات تحويل الحاله وتسهلت مثل ماقالك اخوي محمد
وانا حولو حالتي في نص ساعه