د.حياة الصوفي بحث وتدريب

[وردة الاحلام]

السلام عليكم
بليزززز بنات اللي عندها بحث وتدريب مع حياة الصوفي او اخدت معاها قبل كده تقولي كيف طريقتها واسلوبها كيف وتنصحوني بيها ول لا لان انا معاها هاد الترم رجاء ردو عليا منتظره ردودكم

[قلبي الصغير]

هلا ياقلبي انا كمان عندها وارسلتلها على الايميل وقالت لازم نرسل الاسم والشعبه ورقم الجامعي وكمان قالت حترد من السبت اذا كنت في جدة روحيلها واذا سألتيها بالله تعالي وطمنينا
hayatsoufi@hotmail.com اذا تحبي تراسليها ان شاء الله اكون افدتك

[وردة الاحلام]

تسلميلي ياقمر اكيد افدتيني على الاقل اعرف انو في احد معايا وان شاء الله انا حروحلها بكرة ولو في شي ان شاء الله ابلغك ونكون على تواصل باذن الله انا نفسي اعرف اسلوبها كيف واللي اخدو معاها كيف تعاملها

[وردة الاحلام]

انا رحت اليوم للدكتورة وزي ماقلتي ادتني ايميلها ارسلها علية وادتني ورق كتابة التقرير

[عذاااااب]

انا كمان معاكم بس ابى اعرف متى ساعاتها المكتبية وفين مكتبها

[عبرى*النياف]

انا مع حياة صوفي
والله يستر

يا بنات بليز اللي تروح لها تقولها
تراعي ظروف اللي برى جدة
ارسلت لها من الاسبوع اللي فات وتقول لازم حضورك للمقابله
اقولها تيس تقول احلبووووه
ما اقدر اخضر مااااا اقدر فهموها انه فيه طالبات مستحيل حضورهم
لازم تتواصل معانا بالنت او لجوال

وكمان الله يسهل لكم بلغونا بكل شي يصير معاكم وايش تحصلون عليه بخصوص المادة والاستاذة حياة صوفي

[وردة الاحلام]

بالنسبة لساعتها المكتبية في عندها الاحد والثلاثاء من 8-11 و12:30-1
وفي السبت من 9-1 اما مكتبها فهو في كلية اقتصاد وادارة الدور الثاني

[وردة الاحلام]

ان شاء الله حاضر نبلغها وبالنسبة لاي شيء جديد فالحال كما هو عليهوان شاء الله لوفي شي حبلغكم

[وردة الاحلام]

بنااااااااااااات ضروري اللي مع الاستاذة حياة الصوفي بحث وتدريب تتواصل معاها على الايميل لان هي بلغتنا انو يمكن في بنات ماقدرت توصلهم عشان ماارسلولها ايميلاتهم فاللي مع حياة ترسلها بيانتها كاملة على ايميلها وهي حترد على اي اسئلة بس قبل 28/4 لان هي ماحتكون متواجدة بعد كده غير بعد اجازة منتصف السنة

[شذى@شذى]

السلام عليكم
خبرمهم جدا
اولا اود ان اهنئ نفسي ثم اهنئكم على مكالمتي مع الدكتوره حياه اليوم بالهاتف
لاني لست من جده
وهذا ماقالته لي بالضبط

اولا
ان ارسل لها رساله ايميل بها اي استفساروكذلك بها الاسم والرقم الجامعي والشعبه ورقم الجوال ورقم المنزل لان التواصل معها والاستفسار حتى ولو بالايميل مهم و عليه درجات
فيجب على كل طالبه ان تفعل ذلك
وفي كل رساله يجب ان تكتبي الاسم والرقم الجامعي والماده والشعبه والجوال لكي تضع الدرجات

ثانيا
يجب ان تخبريها عن المكان الذي تريدين التدرب فيه قبل التدريب لكي توافق عليه ويجب ان يكون في شئون الموظفين
ثم تطبعي الاوراق من موقع الجامعه على النت في التدريب التعاوني في شطر الطالبات وتذهبي بها للدكتوره لكي توقعها ولكن قبل ذلك تستفسري من المكان نفسه هل سيقبلونك في التدريب في الوقت المحدد ام لا قبل ذهابك للدكتوره

وكذلك تطبعي جدول من موقع السيره الذاتيه للدكتوره من ماده البحث والتدريب وهو مجهز لكي تكتبي فيه عن كل يوم تدريب ماذا يحدث معك

ثالثا
بالنسبه للتقرير الذي تحدثت عنه عبرى النياف قالت لي الدكتوره مهم جدا ان تاخذي اوراق التقرير منها او ترسلي احد ياخذها لك لانها ضروريه للتدريب وكذلك تحدثت عن عرض بوربوينت يجب عمله وسوف تحدد لكل طالبه موعد مقابله
لكي تعرض عملها وبحثها

رابعا
يجب ان يسلم البحث و تنتهي من التدريب قبل 11 -6

الساعات المكتبيه للدكتوره السبت 9-1
الاحد والثلاثاء 8-11
وقالت انها الاسبوع اللي قبل الاجازه ماحتكون موجوده في الجامعه
الى هنا انتهى الحديث معها
ومعليش طولت عليكم بس هذا من فرحتي انها ردت علي

وادعولي يااخواتي ان الله ييسر امري وامور المسلمين