تم ارسال هذا الخطاب برقيه عاجله لخادم الحرمين الشريفين (اليوم)

[احمد الحويطي]

اخواني افيدكم انه تم ارسال نسخة من الشكوى المرفقة في الموضوع الى الصحفي خلف الحربي في جريدة عكاظ هذا اليوم وان شاء الله يكتب عن الشكوى

اخوكم احمد الحويطي

[سكون الورد k.a.u]

المشاركة الأصلية كتبت بواسطة احمد الحويطي اخواني افيدكم انه تم ارسال نسخة من الشكوى المرفقة في الموضوع الى الصحفي خلف الحربي في جريدة عكاظ هذا اليوم وان شاء الله يكتب عن الشكوى

المشاركة الأصلية كتبت بواسطة احمد الحويطي اخوكم احمد الحويطي

اللهم يامن على العرش استوى .. يامن خلق فسوى .. وقدر فهدى .. واعطى كل شيء خلقه ثم هدى ..
انك توفق اخوي (احمد الحويطي) بالدارين وتيسر أمرهـ وترفع قدرهـ وتعلي شآنه ومكانه .. الله يحفظك ياخوي ويكفيك شر نفسك .. ويرزقك عدد العباد والبلاد واعداد مشي رجليك..

هذي هي الرجااااال اللي كنت اتمنى انها تفزع لنا وتستخدم علاقاتهاااا فيما يخصنااا ويعنينا ..

تدري .. والله مانيب عارفه شقول ؟؟؟

لكن والله اني لخلي حتى امي تدعيلك ^_^
لانك جبتهاااا صح ...

انا اتمنى انك تبقى ورااا الصحفي الحربي إلين نقرااا الخبر ونشوف الخطاب بالجريدهـ ...

تأكد انك بتفك كرب نااااس وضعهم مايعلم به الا الله ...

والله الذي لااله الا هو يااخوان ويااخوات .. انني ولله الحمد في حال ميسور ولا تضايقني تكاليف الجامعه .. لكن والذي نفسي بيدهـ ... لما سمعت وشفت وقريت عن احوال اكثر طلاب وطالبات الانتساب ... والله ان قلبي حزن وعيني اذرفت الدمع بسبة المعانات اللي اوصلتني واللي دريت فيهاااا ...

والرسول صلى الله عليه وسلم يقول : « أحب الناس إلى الله أنفعهم للناس ، وأحب الأعمال إلى الله عز وجل سرور يدخله على مسلم ، أو يكشف عنه كربه أو يقضي عنه ديناً أو يطرد عنه جوعاً ، ولأن أمشي مع أخِ في حاجه أحب إليَّ من أن أعتكف في هذا المسجد - مسجد المدينة - شهراً ومن كف غضبه ستر الله عورته ، ومن كتم غيظه ولو شاء أن يمضيه أمضاه ، ملأ الله قلبه رجاءً يوم القيامة ومن مشى مع أخيه في حاجة حتى تهيأ له أثبت الله قدمه يوم تزول الأقدام .. » صححه الألباني الأحاديث الصحيحة رقم (906).

واناااا والله ياخوي علشان هذا الحديث تعنيت وكتبت الخطاب ...
اقسم بمن رفع السماء بلا عمد .. اني ارسلت الخطاب بإسمي وسجلي المدني وبياناتي اجمع لخادم الحرمين الشريفين .. وماخفت من اي شي بالرغم من انني لست من ذوي الحاجة الملهوف (اللهم لك الحمد والشكر) لكني حسيت بالناس ومعاناتهم ووضعت نفسي مكانهم لو انحرم من طموحي وحلمي وش بيبقى لي في نفسي ؟؟؟!!!
ولاني ادري ان يد لحالها ماتصفق .. وربع ٍ تعاونوا ماذلوا

انت ماتدري ياخوي وش سويت لنا الحين !!!!
انت ماتدري ياخوي وش احدثت في انفسنا !!!

بس ان شاء الله ان الصحفي مايوقف الخطاب عنده .. وان شاء الله انه ينزله بنفس الصيغه
وان شاء الله انه يسعى بإيصال صوتنا ...

الله يوفقك ويعلي شانك ويقويك ولا يقوي عليك
اتمنى توافينا بالمستجدات ... واتمنى انك تكمل جميلك ... وانك تسعى للعمل الرجولي اللي شفناهـ منك ... وهذي بادرهـ طيبه ماتصدر الا من الطيبين ولايهونون الباقيين ..

وان شاء الله ان اخوانا اللي معنا بالمنتدى يسوون اكثر من كذاااا لعلنا نقدر نسوي شي ..

تخيلووو ياجماعه لو نكون سبب في تفريج كربة مسلم/ـه .. تخيلووو ان الله يتكرم علينا بالامور اللي ذكرها الرسول صلى الله عليه وسلم في حديثه اعلاهـ ...!!!
انتم متخيلين معي وش قيمة هالكرامات اللي بالحديث ؟؟؟

يارب انه يجعل لنا فيها نصيب .. اللي كتب واللي ارسل واللي توسط واللي يمون على مسئول .. واللي يوصل صوتنا .. الله يجعل لنا ولهم نصيب باللي ذكرهـ سيد الانام عليه الصلاة والسلام


اخوووي احمد ...

لايسعني الا ان اشكر لك تعاونك ... واشكر لك رجولتك ... واشكر لك حسك وذوقك

لاخلا ولاعدم ياخوي والله يكثر من امثالك

دمتم بود