:: لو أعطيتم الفرصة .. أي جنسية ستختارون .. و لمآذآ ..؟ ::

[عاشقة الندى]

الجنسيه المريخيه ..


اصلآ ما أبــ غ أعيش على كوكب الآرض بكبرهـ ..

ودي اهاجر لكوكب آخر وأع ــيش بكيفي حُرة نفسي ..

كوكبنا أصبح لآاايُطااااق ولا البشر صرت تُطاآآق ..


::..::

[lovely one]

حاختار اي بلد يحمكو فيه فقط بكتاب الله وسنة نبيه "مو بس بالكلام " و الاسلام ضمن لنا الحريه ...
بس اعتقد هذي الدوله من الخيال :(
ولو حاختار من البلدان حاختار امريكا او بريطانيا او كندا لانو "اغلب" الي كانو عايشين هناك ورجعو السعوديه اصبحو يتخلقو بالاخلاق الاسلاميه

[..{ اسكــادا]

المشاركة الأصلية كتبت بواسطة خالد9921 مافي شك انو اساسا اي ارض او دوله زي كذا فيها حيّز للعنصرية بس المثل يقول امشي عدل يحتار فيك عدوّك للامانه الدرجات بالجنسيه الامريكيه تكاد تكون معدوومه ! خصوصا في حال انك تجنبت الامور اللي مالها داعي وكنت رايق يعني انا مثلا من الافكار اللي مستغرب منها عندنا لانو كنت ادرس هناك وبعدين رجعت السعوديه انو كل واحد مسلم عليه رقابه او يتبهدل واذا شافوك بالمسجد تصلي حققوا معاك !! مافي ولا شي من دا كلوو مبالغات وخوف لكن فيه ناس الله يهديهم من المسلمين ما يكون حذر مره يعني مثلا ساكن بمنطقه فيها مركز اسلامي و فيها مواجهات وتعصب ديني ويهود او عنصريين شي طبيعي لازم تروق المنقا انتا على ارضهم وما تتردد كل شويه عالمركز الاسلامي اللي بالمنطقه او اجتماعات وتظاهرات !! انتا بحالة مواجهه وحرب معاهم وضعيف وع ارضهم وهما معطيينك السلم في حال التزمت جوارك وصليت في بيتك او اي مكان ماحد بيقولك شي ! او مثلا زي قضية حميدان الله يفك أسره قوانينهم صارمه ما تقدر تقول شي قانون موجود بدستور الحكم والاحوال المدنيه عندهم ! انو ما يجوز تسحب جواز سفر الشغاله اللي زي عندنا وتقيّد حريتها ما تبغاها مشيها !! عشان كذا مسكين اتبهدل ولقو مداخل كثيره عليه يكبروها عليه .. بلدان قانونية للغاية !! مافي اي صعوبه بالمناهج كمناهج .. بالعكس الاجواء التعليميه اللي هناك تجبرك تحترمها جدا وتعطي بالمذاكره والاهتمام اكثر ماهو صعب هناك الانضباط مافيش مبزوطه خخخخ

ما أقصد التعصب الديني اقصد التعصب ضد العرق واللون
السود مثلا كانو لين قريب مالهم أي حقوق مع أنهم أمريكيين ما يفرقو عن البيض
ولو ماكان في تعصب كان من زمان شفنا رئيس أسود

وأهنيك صراحة على قوة ايمانك :)

الله يهديك بس

[فهد الجدعاني]

لو اعطيت الفرصة لفوتها.

[خالد9921]

ما أقصد التعصب الديني اقصد التعصب ضد العرق واللون السود مثلا كانو لين قريب مالهم أي حقوق مع أنهم أمريكيين ما يفرقو عن البيض ولو ماكان في تعصب كان من زمان شفنا رئيس أسود

التعصب اللي تتكلمي عنه يندرج بكل انواعه تحت المسمّى العنصرية
وزي ما تعرفي العنصرية انواع كثيره تشمل اللي قلتيها واللي انا قلتها ,,
انتي تقولي ان السود لين قريب مالهم اي حقوق وما يفرقو عن البيض
طيب قوليلي ايش اللي ممكن يتعرض فيه المواطن الاسود البسيييط اللي حاله حال نفسه
لمشكله كبيره بسبب العنصريه هاذي ؟!
انا قولت اول بلد زي كذا وممكن اي بلد بالعالم لازم فيه حيّز للعنصرية بشتّى انواعها
ولعلمك لهذا اليوم العنصرية مازالت موجوده بامريكا ضد السود من بعض البيض
صارت موروث شعبي عندهم فجأه لاعب اسود امريكي يسوي حركه وكاااي عليه بالمدرجات بيض وهتافات عنصرية ,, والعكس صحيح حتى السود عنصريين ضد البيض لعلمك ,, !
لا يغرّك ان اوباما صار رئيس خلاص اعطوهم حقوقهم ,,
المواطن الاسود عايش حياته هناك بالطول والعرض
وهم اكثر الامريكان عبثا وفسادا في الارض ويا كثر مشاكلهم ومع ذلك حتى حق الدفاع عن النفس مكفول لهم قدام القضاء الامريكي ولا قاصر عليهم شي
في حين ان البعض ع باله اوباما خلاص السود اخذو حقوقهم
ما يدرو انو اساسا هذا موضوع سيادي فضيع ولا يرضون لا اسود ولا غيره يمسه
وما صار اوباما رئيس الا بعد ما باس ايادي اليهود بإسرائيل لما شبع ,, ف عجبهم !



انا لما بتكلم بتكلم عن المواطن العادي حقوقه كتعليم كحياه آمنه كفائده من كافة الحقوق المدنية بالجنسية الامريكيه
الامريكي الاسود اللي تقوله عنه مظلوم تعرفي انو الجامعات تسحبه بالقووه لاقوى تخصص يدرسه مجاني عندها عشانو بس موهوب في الــ nba وراح يفيد فريق الجامعه ؟؟
وتعرفي انه يدج ويحوس بشوارع امريكا ويا كثر مشاكلهم وماشيه امورهم زي الحلاوه ,, !
يا ليت نفرّق بين الحقوق المدنيه العامه لأي مواطن بسيط
وبين مواضيع سيادية محكومة ببرتوكولات سرية من عشرات السنين زي الرئاسة الامريكية والحساسية تجاه الاديان الثانيه من بعض المتطرفين الامريكان ,, !

وأهنيك صراحة على قوة ايمانك :)

الله يثبتنا ولا يغيّر علينا ,, !

الله يهديك بس

ماحب الظرافه الزايده (:
ولا تسويلي فيها شجاعة زمانك
لا ضرر ولا ضرار ,, ناهيك عن فتاوى وآراء اكبر علمائنا
ان المسلم لما يكون في بلد زي كذا وفي حي او منطقه فيها عنصريين وممكن يسببوا لك مشاكل
ان تدفع بعض الامور زي الصلاه بالمسجد دراء للمخاطر اللي ممكن تصيبك من الصلاه علنا ,,
ما صليت في البيت مخيّر انما مكره ودفع لضرر والمكره معروف حكمه في الفقه والشرع ,, !
بس ما الومك انتي ما عشتي بأماكن زي بعض مناطق تكساس وبعض المناطق اللي فيها العرق الابيض الخايس زي بوش
وشفتي كيف فيه جماعات من اللوبي اليهودي او متعصبه وتتربص بالمسلمين وتجمعاتهم او حتى مجرمين خارج التغطيه يطلق عليك ولا فكر فيك ,, زي اللي ذبح المصريه في المانيا عشانها محجبه ,, !
وقتها من ابسط الذكاء اني احفظ نفسي وديني وما اعرض لنفسي لامور زي كذا ماني بحالة جهاد انا وغزو انا ع ارضهم ,, !!




يارب اهدي الجميع ولا توصلها معنا نشكك بإيمان الناس ,, !

[..{ اسكــادا]

من المشاكل الكبيرة اللي كانو يتعرضو لها انهم لو يموتو من المرض محد يطالع فيهم لأنه ببساطة مو من حقهم يعيشو زي غيرهم مع انها دولة مو ناقصها شي من الناحية الطبية .

وشي طبيعي يكونو أكثر الناس فسادا وأنا لو كنت مكانهم بأفسد أكثر منهم كنوع من رد الجميل اللي من لما ولدت وأنا ألاقيه :)

و أنا ما قصدت أنو كون أوباما صار رئيس يعني انحلت مشاكلهم ولا مشاكل غيرهم أساسا أوباما زي بوش زي اللي قبلو واللي قبلو كلهم مجرد صور مالهم أي كلمه الا على العرب ، بس كان قصدي انو بلد بالحرية اللي عندها فالمفروض نكون شايفين من زمان رئيس أسود أو من الهنود الحمر أو يريحونا ويخلوها رئيسه عشان نصدق حريتهم :) ( مع ان كلينتون صارت تتفلسف أكثر من الرئيس نفسه وكأنهم مسلمينها شؤون منطقتنا )

وإيش الفايده إذا كنت آخذ حقوقي المدنيه كامله وحقوقي الدينيه ماني قادره آخذها ولا احنا للأسف تعودنا إنو الدين آخر شي نفكر فيه ، مو هيا بلد الحرية ؟؟ فين الحريه اللي يزعمونها والتمثال اللي منصوب ايش فايدته ولا بس يضحكون علينا ؟ ما أعتقد إني راح أضر أحد لو صليت في مركز اسلامي ولا غيره ومشكلتهم لو كانو يشوفو كل مسلم ارهابي :(


الحمد لله على نعمة الاسلام وإن شاء الله ما أنجبر إني أعيش في دولة كذا ولا آخذ جنسية كذا

[99 ABDULLAH]

:

أخوي خالد / أختي اسكادا

ترى الحريات الدينية في المجتمعات الأوروبية مقدسة و محترمة جداً
أما عن الولايات المتحدة الأمريكية فأعتقد انتشار اليهود في أرجاء تلك الأرض
هو الذي يمنع المسلمون من آداء صلواتهم و مناسك شعائرهم الإسلامية
بكل حرية
:
لا يُجمع الأوربيين بالأمريكان أحفاد المجرمين المنفيين من أوروبا
,

[خالد9921]

ترى الحريات الدينية في المجتمعات الأوروبية مقدسة و محترمة جداً

بالضبط وحتى امريكا كمان .. لكن البعض فاهم غلط
انا حبيت اوضح ليه إعلامنا مضخم مسألة قمع المسلمين بأمريكا
إن بعض المسلمين مش حريصين على سلامتهم من التحرشات والمضايقات ببعض الاماكن اللي فيها متعصبين يهود او نصارى او غيرهم ,, ولو ادوا فرائضهم بالكتمان لكان افضل واولى لانهم بهالحاله في حالة المكره اللي يخاف الضرر من اداء طاعه جهارا على ارض الكفار
لكن تفاجئت بهز ولمز ماله داعي في إيماني ,, الله يسامح الجميع ,, !

من المشاكل الكبيرة اللي كانو يتعرضو لها انهم لو يموتو من المرض محد يطالع فيهم

ما ادري من فين المعلومه هاذي احسها معلومه رُميت جزافا
لكن اللي اعرفه ان نظام التأمين الطبي بأمريكا يشمل الكل حتى الاجانب مقابل مبلغ رمزي سنويا
,, الله يذكرني بالخير ايام سويت بطاقة التأمين الطبي هذا وانا سعودي كووح خخخخخخخخخ !

وحقوقي الدينيه ماني قادره آخذها

لكل مقام مقال .. واللي ترضاه ع نفسك ارضاه ع غيرك
على كلامك من حق النصارى اللي عندنا يسووا كنائس ويصلوا علني فيها ويحتفلوا بأعيادهم علني
والا بس الحريه للمسلم السعودي وغيره مش حر ؟
للمره العاشره اكرر ان الحياه في امريكا مافي احلى منها يا ناس انا عايش هناك 3 سنوات
وكل صلاة جمعه وانا محضر في المسجد واي حاجه واغلب صلواتي جماعه الحمدلله
والبلد هذا فيه حيّز حريه خيالي ما تلقاه عندنا خخخخخخ


لكن بس حبيت انبه ان سبب الكلام المبالغ فيه من ناحية قمع المسلمين
ان فيه اماكن ما ينفع تجاهر بأداء الواجبات الدينيه فيها لانك راح تعرض نفسك للخطر ,, الخ
لأن فيها اشخاص يضرووك لا هم حكومه ولا شي .. مواطنين وغيره متعصبين لأديانهم ,,
لكن شكل كلامي ما انفهم وتفاجئت بشطحات غريبه عجيبه ابتداء بإيماني وإنتهاء بإزدواجيه عجيبه في الحريات والسوود ما يلقوا علاج خخخخخ !

وتأكيد لأحدى المعلومات اللي ذكرتها برد سابق هنا بخصوص بعض المناطق مثل تكساس
اللي قلت ان العرق الابيض الخبيث اللي زي بوش منتشر فيها بشكل كبير
الحمدلله هذا تأكيد لكلامي انو بعض الاماكن المفروض المسلم يكوون فيها حذر اتقاء للشر وبعدا عنه

اعتقلت السلطات الأمريكية الخميس الشاب السعودي خ.الدوسري بشبهة التخطيط لشن هجمات 'إرهابية' في تكساس،

الحمدلله انا جاي انقاش من واقع حياه عشتها وخبره (:


عالعموم انا اكتفي بهالرد واتمنى ياخذ الموضوع مجراه الصحيح والكل يكتفي بهالقدر (:
موفقين !

[توليب *_^]

الجنسية السويسرية

[عروقي شماليه]

بكل صرآآآآآآآآآآآآآآآآآآآآآحه..

لو لي الفرصه...أخترت أكون إمآرآتييه..لانهم الشعبب الوحييد الي عايش حيآته ..يكفي ان الاجآنب انبهرو من التطور الي تعيششه بلادهم..
الله يرحم مين يصدق ان دبي كآنت صحرآء ؟..مآقوول غير الله يرحمك يآزآيد الخير..