كيف اذاكر !!؟؟

[نوره الغامدي]

المحاسبه من البور بوينت + تمارين الكتاب والامثله تبعته مررره مهمه + التست بانكـ وكمان هذا مهم جداً و فيه افكار مختلفه و حيساعدك كثييييير = a+ بإذن الله , والمذاكره لازم لاااااااازم تكون اول بأول لانه كل محاضره تعتمد عـ اللي قبلها , يعني ماينفع تراكميها على بعض :)


الاحصاء دووبي السمستر هذا اخذته , بس انا اشوف الكتاب مرررره مهم , اصلا هو كل حاجه متوفره للآن , واعتقد تمارينه حلوه و كمان مهم انك تحليها صح .. الاحصاء لازم تذاكريه تمام التمام و اول بأول وعـ فكره تقدري تجيبي فيه ممتاز ..


العربي و الثقافه من الكتاب اكيد , و كمان فـ العربي اذا كنتي مع استاذه كويسه زي فوزيه او رحمه ممكن تكتبي شرحهم فـ المحاضره و بيعطو امثله حلوه , عموما المادتين هذي سهلين و تجيبي فيها a+ بكل سهوووله بإذن الله :)


الاقتصاد الجزئي حلو كتابه , انا عني كنت اذاكر منه , كلمات الكتاب واضحه و الشرح سلس , كمان كنت اكتب شرح دكتوري محمد لان كلامه كان اوضح , غير كذا كان عندنا فـ الفصل الاول تست بانك حلووو كله اختياري , و للمعلوميه تلاقيه فـ مواقع الدكاتره الرجال ( فـ يدهم اسئلة الفاينل ) , وجابو لنا ف النهائي من هالتست بالنص ماغيرو الا كم سؤال , وهذي الماده مررره سهله و تجيبي فيها a+ بإذن الله ,,


الانقلش هذي الماده لعب عياااااااال , مره مررره تافهه و اختباراتها سخيفه , ما كنا نذاكر الا من الكتاب هو اهم شي و هو اللي فيه التمارين , و تجيبي فـ هالماده a+ بالرااااااحه , لدرجة انه اسهل من انقلش التحضيري بكثيييير ..


في كل الاحوال ترى هالمواد بشكل عام حلوووه و سهله , بس انتي شدي حيلك و نظمي وقتك , و اذا مافهمتي شي لااااازم تسألي استاذتك او وحده شطوره من زميلاتك , وغير كذاا لازم تشيكي عـ المنتدى دايم , تلاقي فيه كل الاخبار , و بالذااااااات قبل الاختبارات , و ترى على فكره الاولاد عندهم كل حاجه , يعني هم يساعدونا دائما الله يخليهم :))


موفقه وسوري احس اني طولت خخخخخ ^_^