درجات استثمار :s

[صمت الدنيا]

يعني ماناخد المــاادة ؟؟
خوفتوني وانا من قبل كنت متخوفة من الكلام اللي وصلني
بليز بناات ردو قولو لنا ايش صار معاكم بعد ماراجعتو عشان نعرف ناخد الماده او لا ؟؟

[roro queen]

انا مع سحر بس بكره مايمديني اروحلهآ
بليز اللي تروح بكره تقولنا اش سار معاها !!

[BoBy]

حبايبي نسمـــــــــه و سحـــــر مو جديد عليهم
وحطو خطين على نسمه الله لا يسامحها ولا تقولوا حرام تدعي
لا بصراحه كلو ولا الظلــــــم وخصوصا في شيء زي الدرجات يعني شيء بتتعبي وتحطي جهدك عشان تاخديه
شوفوا انا ما اخدت استثمار مع انو الكل قالي مادة سهلة وتافهه
ليـــــــــــه ؟؟؟ اكيد عشان الاستاذات الظالمات اللي بيعطوها وانا شخصيا اسميهم ريا وسكينه من كتر ما البنات ينظلموا معاهم واساسا هما مشهورين بكدا
انا بتكلم من قهري اللي لسه ما نسيتوا مع انو من زمان ماخده المادة
مالية شركات مع نسمة
والله يا بنات كنت متأكدة ما حاخد اقل من 95 واخر شيء الاقي 83 شيء يقهر
ورحت وراجعت انا وصحبتي وقعدت كل يوم تقولنا بكره وبعدو ومارضيت الست نسمه تورينا الورق الا بعد ما اشتكيناها عند اقبال وطبعا راحت ورتنا الورق من غير النماذج ولا شيء وقعدت تطول لسانها وتتفلسف انها مابتغلط
وخلاص رحنا وسبنا حقنا من كتر المرمطه عالفاضي

[didi123]

بنات انا اليوم رحت راجعت درجتي عند نسمة و طلعت مسجلة درجة الدوري الثاني غلط في الكمبيوتر

الدوري الثاني جبت ٢٥ و سلجتها ١٧

و الحمدالله اتغيرت درجتي من ٨٣ الـى 91

[ريلام]

<<< يوووووه من b إلى a

على كذا كل درجاتنا بتكون مسجله غلط

حتى أنا درجتي في الستين مع أني حليت كويس

مو معقوول كل البنات تشتكي

سووحقا ><

[JOoOdi 0]

عن جد سحر دايما تظلم البنات بالدرجات وماني عارفة ليه تسوي كدا
انا اخذت معاها مالية شركات وجبت a+ بس والله بمجهودي لاني كانت درجاتي كاملة قبل الفاينل ومع كدا خسفتني 4 درجات ماني عارفة كيف بس طبعا لاني درجتي حلوة قلت مابراجعها
ودحين ماتبت منها اخذت معاها استثمار والمادة صراحة كريهة يعني هي مو صعبة بس اذا غلطتي غلطة وحدة تروح كل درجاتك لانو يترتب على بعض انا انخسفت 7 درجات بسبب سؤال واحد وطبعا برضوه خسفتني ونقصتني 6 درجات من راسها بس مابروح اراجعها ماني ناقصة تقعد تمرمطني كل يوم وتهزأ خلاص اقتنعت بدرجتي

الاخت اللي تسأل عن المادة صراحة ما انصحك تاخذيها المادة مش مرة سهلة وكلها قوانين تلخبط وغير كدا مافي غير سحر ونسمة اللي يعطوها كل سنة

[صفاالورد]

بنات اللي راحوا يقولولنا ايش صار معاهم
لأني كمان درجتي مو حلوة

[عطرالورد]

السلام عليكم
والله أنا ما عجبني النظري وقلت يمكن انقص فيه 3 درجات واقدر اجيب 95 لان ناقصة 2 من الدوري الاول
لكن طلعت ناقصة 7 درجات على قد فقرات النظري واعطتني 91 وانا خلاص تخرج لكن ممكن نقصت بغلط من عندها الله اعلم ... بس الا اعطتهم في الستين لا تسكتوا عن حقكم انا لو ماني خلاص اتخرجت ولادرجتي في ال90 كان رحت لها واخذت حقي
وبالتوفيق وعقبالكم تتخرجو زيي :)

[MaNNo]

والله يابنات انا زيكم
استغربت من درجتي..مستحيل اتوقع 72 ..
انا مانكر اني ماحليت في الدوري الاول بس في الدوري الثاني نقصت درجتين..اللي يقهرك تغلطي في فقره اللي بعده كله غلطططططط
كان 90 وقلت اذا مرررررررره خبصت بنقص بالكثير 10 واجيب 80
.لكن لما شفت 72 ..وكمان حسيت نفسي حليت والله اعلم وكمان الماده سهله

والله مالي خلق اروح اتمرمط معها..خصوصا جدولي مره ضغط

قولو لنا ايش صار معاكم عشان لو طلع فعلا الاغلب كذا والله مستعده اروح ..تفرق معي لو درجه!!