كيمياء .. وألله يستر

[مدحدر]

السـلام عليكم ..

بصراحه الماده هذي خايف منها من بداية السنه ماني عارف وش وضعها بالضبط
خصوصا ً اني شفت لها كذا كتاب بالمكتبه " كتاب مساعد عربي وكتاب مساعد انجليزي ، والكتاب الرئيسي " وماني عارف ايش

اتوقع ان الموضوع لخبطه بصراحه ..

صراحتا ً انا شايل هم هالماده بالذات والباقي ياربي لك الحمد تساهيل
خصوصا ً ان هالماده تعتمد فيها على التخصصات المطلوبه لي شخصيا ً

ف َ اتمنى من طلاب خطه ( ب ) يعطونا تجاربهم مع هالماده ، وكيفية التعامل معها

خصوصا ً ان هالماده " ليس لها لون ولا طعم ولا رائحه .. مادة دسمه قليلة الذوبان في الدماغ "

بالنسبه لي انا :

مع دكتور الله العالم فيه بصراحه ..

ف َ تداركت الموضوع وسجلت مع ( د . سيّــد ) ، يمدحونه ويمدحون ملخصاته كثير

آسف ع الاطاله : وياليت لو تفيدونا قبل لاندخل ف ِ الحديد

وآي استفسار بالنسبه لـ خطه ( أ ) انا حاضر ،، خصوصا ً اني عايشتها من واقع تجربه

وطلعت بافضل النتائج ولله الحمد وإلمنه



الفقير لله / مدحدر باشاا ..

[rose99]

الكيمياء ترا مادة سهلة وحلوة بس تحتاج مذاكرة اول باول

ويعتمد اغلبه على شرح الدكتور وفهمك انا عن نفسي دكتورتي كانت للاسف ماتشرح زين وماتوصل المعلومة اضطريت اروح لمدرسة خصوصية :(

وكانو الغالبية اذا مافهمو يرجعو لكتب الثانوي يترجمو منها ويفهمو بعدين يرجعو للكتاب

وفيه ملخصات لمدرسين شفتها مع البنات يمدحوها اتوقع تلاقي زيها في المكتبات فيها كل شي ملخص ومترجم

بس برضو لازم تفهم مع الدكتور وان شاء الله ماتحتاج ملخصات ولا حاجة :)

[Majed7]

وعليــكم السلام ..

أخوي بما إنو واضحك علي الاهتمام الشديد بمعدلــك وماده الكيميــاء .. فـ راح أهتم بهالرد خصيصا .!

أخوك الماثل أمامك أحد مساجين الخطه ب ( يعني درسنا الكيمياء والاحصاء والاحياء ) .. وبا إنك طلبت طريقه مذاكره الكيمياء فـ لك ذلك :-

1- اكتب مع دكتورك كل كلمه يكتبها .. وكل مسأله يحلها ( صح أحيانا ما بتلقى الفائده المرجوه لكن تتعود على الحل من الكلاس وفي نفس لحظه الدرس راح يكون لها فوائد جمه وعظيمه )

2- كتاب مختصر الكيمياء العامه .. هذا كتاب لـ محمد قاضي تلقاه في مكتبه الشقري اللي جوا الجامعه - هوا الكتاب بالعربي كله لكنه مفيد بشكل ما تتصور - .!

3- ملخص الاستاذ يوسف زويل ( وبما إنك سجلت عن سيد فـ أنا لا أتحمل تبعيات دراستك عنده ) .. طبعا أنا أتكلم كملخص زويل مش تدرس عنده :)

4 - وختام هذه الماده بالاختبارات السابقه .. وقانونها : على قد ما تحل نماذج .. ستجد كل سؤال بالاختبار ساذج .:)

ولو طبقت هالخطه بإذن رب العالمين ستجد درجتك وجنبها a+ وابتسامه عريضه على وجهك الغير بشوش في هذه اللحظه >> يحب يتفلسف ههههههههههه

موفق اخوي ^_^

[مدحدر]

أشكرك عزيزي / عزيزتي ..

لكن بالنسبه لك يا سنيور ماجد : ماتشوف ان سالفة " انك تكتب كل كلمه مع الدكتور صعبه شوي "

خصوصا ً ان الدكتور " درج " بالماده ، اي بمعنى اصح ( دااااااااااج )

بيني وبينك - انا افكر : اخترع " محلول " يذيّب فيه جميع الدكاتره الغير فطاحله بتخصصه

وبالنسبه ليوسف زويل طال عمرك : سمعت انه يدرس جميع مواد السنه التحضيري ؟؟

بما فيها " مهارات الاتصال " !!

أرجو إفادتكم يا سـاده

[بنووتة كيوت]

أنـا لسة دوبي ابدا ادرس كيمياء انت لاتحط في بالك من البداية انو مادة صعبة وانو ,,وانو ,,وانو ....

لاتسمع لكلام احد انا في الجامعه عند احسسن دكتورة وربي سمعت كلام قلت بس انا رح احمل الكيمياء

لكن برضو سمعت انو اغلب البنات جابو عندها a+ ....

ما احب اطول عليك .. لكن دكتورتي قالت في كتاب في الشقري اسمه مختصر الكيمياء العامه

والله مو فاكرة لمين .. لكن هي تقول انو بالعربي وشامل للمنهج .. يعني كمان مانحتاج نكتب معاها

أتوقع الكتاب رح يفيدك .. وكمان في دكتورة ليلى تشرح في المنتدى مررررررة رح تستفيد ان شا الله منها ..


سوري طولت عليك ..


بالتوفيق يارب ..

[مدحدر]

شكرا ً يا بنوته يا كيـوت

على امرك .. ماراح نسمع الاشاعات وانو وانو وانو

اي اوامر ثانيه طال عمرك : )

[بنووتة كيوت]

سوري انا ماكنت اقصد اكلمك بهذا الاسلوب .


ماكنت ابغاك تضيع نفسك بالاشاعات ..

مرة ثانية سوري ~