عفواٌ...ياجامعتي..!!؟

[علي صنبع]

المشاركة الأصلية كتبت بواسطة Black Berry السلام عليكم ورحمة الله وبركاته .. وبعد طبعاٌ هذي اول مشاركه ليا .. في بداية الموضوع احوووب انو اقولكم ليش حطيت هذا العنوان اولاٌ نحن طلاب وطالبات الجامعة نعاني من كثير من المشاكل الموجودة داخل الجامعة بدايةٌ اتمنى منكم جميعا التفاعل مع الموضوع لانو يهم كل طالب وطالبة داخل الجامعة حنا رسمنا اهدافنا منذ دخولنا الجامعة ولاكن..! هل سنحقق اهدفنا التي رسمناها مع الأنظمة الجديدة..!؟ ام سنحقق اهدافنا مع السنة التحضيرية او بالأصح (( التحطيمية )) الكثير منا يعاني من هذه السنة التحطيمية التي فعلاٌ حطمت اهداف الكثير من الطلاب والطالبات هل تعلمون نسبة الرسوب في مادة الرياضيات .. كم تتوقعون..؟؟ 20% او 50% او 70% ...... تخيلو نسبة الرسوب 90% اليست بنسبة كبيرة.. او مادة اللغة الانجليزية اللغة التي الكثير يعاني من عدد محاضراتها... والاكثر من ذلك الترم هذا 4 محاضرات ...لماذا؟؟ هل هم يعتقدون ان لنا عقول لا تتعب من كثرة المعلومات ..واجساد من حديد.. ام ماذا يعتقدون لا والأكثر من ذلك اصبح الآن الدوما من 8 صباحا وحتى 4 عصرا اسامه طيب مدير او كان رئيس لجامعة الملك عبدالعزيز ما يداوم من 8 الى 4 ولا كمان مافي وقت لا للفطار ولا للغداء بمعنى انك تداوم ولا تاكل اي حاجه او المكافئات التي يصرفوها لنا 840 ايش تسوي ولا شي اذا كان سكن الطلاب والطالبات لايتسع وكمان يشترطو معدل فين اسكن استاجر ..؟؟ الاجارات على 1000 وانت طالع.. 840 لاتكفي واذا كان ماعندك سيارة تاكسي بكم يوصلك ويجيبك قول 20 ريال يعني 600 واحذف منها خميس وجمعة وهاذا اذا مكان عندك اختبار يوم خميس والكتب والمتطلبات الجامعية و و و....الخ حتى السيكيورتي حق الجامعة يستلم افضل من الطالب. عزيزتي جامعة الملك عبد العزيز .. اود ان اقول لك بأن مكافئاتك لاتكفي لتلبية احتياجات الطالب والطالبة (( الظرورية )) لازم تعطيننا بدل سكن وبدل مواصلات...وركزو.. ما تتلبى طلباتنا الا لمن نصرخ بصوت واحد حتى يعرفو ان كلنا يد وحده ولو اتكلم من اليوم ليوم الدين وماكنا يد وحده ((( ماراح يتغير شي ))) ياشباب وانتو كمان يابنات لازم نطالب بالتغيير اول طلب الغاء السنة التحطيمية لانها مافيها اي فائدة والسبب اعطاء او بالاصح اجبار الطالب ما لا يرغب من مواد والمشكلة لو فكرت تتخصص وانتا اداري تبغى تخصص حاسب ماتقدر طيب ما اقدر اتخصص ليه ادرسها ؟؟؟!!!! او رياضيات ... لذا لازم نطالب بالغاء السنة التحطيمية و لازم نطالب بزيادة المكافئة وانو ماتقل عن 2000 ريال وكمان قليلة قولو اقل شي وانو لازم يتغير دوام طلاب وطالبات وهو اهم شي ويكون من 8 الى 1 او الجدول اللي يختارو الطالب او الطالبة وانا اقترح اذا كان ولا بد من السنة التحضيرية انو يكون مادتين فقط.. اللغة الانجليزية والحاسب الآلي والآن اللغة الانجليزية 4 مستويات بالسنة انا مو داخل معهد تديني مكثف؟؟ انا ادرس 4 مواد غير الانجليزي حقيقة علمية من تأليفي... يصعب على الطالب والطالبة دراسة 4 مواد وانجليزي مكثف ايش العقول اللي معاهم انا اطالب من وضع السنة التحطيمية انو يديني عقلو .. لسنة فقط ولو 850 ريال شهريا باديه 10 ريال تامين عقلي وزي ماقلت لكم تكون انجليزي وحاسب ومبسط كمان يعني الترم ياخذ مستوى واحد والثالث والرابع مع التخصص ان شاء الله وكمان الان نعاني من مو اقف السيارت انا انسحبت عليا 2 في الترم اللي راح وغيري يمكن اكثر بكثير طيب انا جاي ابغى الحق المحاضرة وما حصلت موقف لازم الطالب يفوتو وحدة من الثنتين يالمحاضرة تفوتو ويروح يوقف عند كنتاكي ويجي كععابي او يوقف وقوف خاطئ ويسحبونها عليه ويدفع 100 ريال يالله تكفي الطالب المكافئة بعد 100 ريال يعني ما يكفي ساهر (( سارق )) والمخالفات الا كمان الجامعة انتظر ردودكم ولسا عندي كثير دمتم بخير

ـــــــــــــــــــــــــــ
السلام عليكم ورحمة الله وبركاته
أخوي Black Berry

أولاً : حاس جدا بمعاناتك ومعاناتي ومعانات كل طالب في الجامعة .
ثانياً : أجب
أتمنى من الجميع أن يجيبو على على أسئلتي التالية :_

أ- في وجهة نظرك الشخصية ما هو سبب وضع السنة التحضيرية بعد حصاد دراسي 12 سنة دراسية - ابتدائي , متوسط , ثانوي - ؟
ب- أريد منك أن تعطيني نسبة تحمل فيها المقصرين في تعثر حياتنا الدراسية وهم ( البيت , المدرسة , الجامعة , الطالب )؟

ثالثاً : موضوع مثل هذا بالنسبة لي لو أكتب عنه في المنتدى ممكن أحتاج لأكثر من 3 ساعات كتابة - مما في داخلي - لأن في جعبتي الكثير والكثير والكثير فلو أتشرف بلقائك في أي يوم مثلاً سأعطيك ما لدي ؟

أخيراً : أعرف شخص على باب التخرج من جامعة الملك سعود
يقول لي : يا ليتني لحقت السنة التحضيرية .
أجبته قائلاً : ولماذا , نحن نريد الفكة منها ؟
أجابني : لن تعلم فائدتها إلا في آخر أترام الجامعة .
س / رأيك في هذا ؟
ــــــــــــــــــــ
انتهت الأسئلة>>هههههههههههههههه
طبعا الشاهي إلي قاعد أشربه وأنا أكتب برد لكن قله فدا لكم ولفائدة الجميع

آآآآآآآآآآآآآآآآآسف على الإطالة