متوسطه 2 مع د. صادق حسنين ، افيدوني يا طلاب عن الدكتور صادق

[خابت آمالي]

،،
السلام عليكم

اسعد الله مساكم بكل خير

طلاب المحاسبه .. اللي قد أخذ مع الدكتور صادق حسنين مادة متوسطه 2
يعلمني عن الماده مع هذا الدكنور

لان فيه شعبة الاستاذه الجوهره وما ابي اخذ معها صراحه درجاتنا فموادها ما عجبتنا مره
والشعبه الثانيه مع الاستاذه صفيه .. وصفيه صراحه غنيه عن الوصف

مع احترامي
لكن كيف الاستاذ هذا اضفت معاه و ابي احد يطمني
علما انه شعبة انيسه اللي تمنيت اسجل فيها سكرت ..

بانتظاركم
/

[ĂŵŖąĢ МāŇšİą]

اهلين .. هذه بعض اراء الطلاب فيه ,, جمعتها لك

المشاركة الأصلية كتبت بواسطة zeezo:9 أنا خويي أخذ عنده الترم الي فات وأداه 95 وقلي انصدم ما درجه اتوقع على حله ياخذ بالكثير 85 عاد ما تدري نزلت بالغلط ولا الدكتور كريم بس ان شاءلله يكون كريم ويفوقكم يارب .. أما كشرح ما ادري عنه افتكر خويي يقول ما طلبنا نشتري الكتب هوا يوزعلكم اوراق بس اغلبها كلام فاضي كثيره يعني لو طالب بالكتاب اصرفله بس المهم انتوا ذاكروا وسوو الي عليكم الله ما يضيع تعبكم اتمنى اني افدتكم ,, بالتوفيق ,,

المشاركة الأصلية كتبت بواسطة اسامة كردي هع الدكتور صادق على حسب ما سألت عنو طلابو يقولوا انو يفهم وشرحوا كويس بس شوية يفلسع ... ممكن يهوج على واحد او يهزء اواحد او اي شي ... على قولتهم حالة نفسية طبعا هادا مو كلامي ... دا الكلام منقول من اللي سألتهم وبالنسبة للي تسال عن د زايد ابو شناف ... على قولتهم مررة عسل وشرح تمام والله يوفقنا انا الترم دا منزل معاهم الاتنين

المشاركة الأصلية كتبت بواسطة مداوي الجروح الدكتور صادق في المراجعة اعرفو اخدت b طول الترم يعيد ويزيد في نفس الموضوع وكلامو كتير بس يكتب بس لو الشعبة فاضية زي العسل يضحك ويمزح اوما شعبة فل وجه تاني لو حفظ اسم الطالب بيساعدو وبس ^_* موفقين

المشاركة الأصلية كتبت بواسطة أحمدو بالنسبة ل د.صادق زي ما قااالو مفلسع بكل ما تعنية الكلمة لكنة طيب شرحو ممتاز يفهم لكن صراحة أسألتة صعبة انا اخذت عندة مراجعة واحد بالقوة نجحت أما الاخت الي تسأل عن د.أبوشناف أقسم بالله انة عسل هذا الدكتور ويعطيك حقك وزيااااااااادة حطي تحت كلمة زيادة 100 خط شرحو مرررررة ممتاز وفلة لكن لو زعل الله يعينك يهزأ الين تطفشوو بالتوفيق هذا رأي الخاااااص

[خابت آمالي]

اخوي اوراق منسيه .. يعطيك العافيه والله ما قصرت :)
وتوكلنا على الله مفلسع
ولا دكتوره ماتعطيك حقك بالدرجات
...

[مداوي الجروح]

من الاقتباسات كان ردي عن الدكتور صادق
أنا من نظري أشوفو افضل في المراجعة لأنو المادة نظرية بس في المتوسطة 2 يبغالها شرح والله أعلم كيف شرحو
بس للعلم اللي أخد عندو محاسبة 101 أو 102 يمدحوه
واللي بيآخدو عندو محاسبة 117 انقلش كمان يمدحوه
انتي اتوكلي ع ربنا وخديها عندو ماشاء الله دمو خفيف وراااايق أهم شي لاتعصبوه ههههههههه
تراه بروف مو دكتور ^_*

[خابت آمالي]

اهاا هههه ايه العصبيه مشكله تطلعهم من طورهم ويحق لهم والله
بس خير يارب انا توكلت على الله مع صادق حسنين ومشينا
...