استفسار بخصوص التسكين بشكل عام والتسكين بالكليات الصحيه بشكل خاص .. تكفون انتظر ردكم

[محمد بن عيضه]

موزونة الكلية مقصود فيها الدرجة الموزونة اللي هيا تجي مكتوبة بالأحمر فوق الجدول والمقصود بموزونة الكلية الحد الادنى للدرجة المزونة للقبول في الكلية

النسبة الخاصة بالكلية طبعاً في بعض الكليات مثل الطب والهندسة والحاسب تضع نسبة خاصة لها في بعض المواد مثلاً الطب النسبة الخاصة بها السنة اللي فاتت 85 هذا يعني انو لازم متوسط درجاتك في (( الكيمياء والاحياء والفيزياء والانجليزي )) 85 عشان تدخل المفاضلة وبعد كذا يطالعوا في الدرجة الموزونة اذا جبتها تنقبل

النسبة الخاصة بالطالب يعني الدرجة اللي جبتها في النسبة الخاصة بالكلية يعني لو كانت نسبتك الخاصة بالنسبة للطب مثلا 90 يعني انك جبت في متوسط (( الكيمياء والاحياء والفيزياء والانجليزي )) 90

وعشان تحسب النسبة الخاصة تجمع درجاتك في المواد المطلوبة وتقسمها على عددها يعني مثلاً تبغى تحسب نسبتك الخاصة في كلية الطب تحمع درجاتك في الكيمياء والاحياء والفيزياء والانجليزي وتقسمها على 6 لو انت بديت الانجليزي من ليفل 2

هذا وآسف على الإطالة