يافرحة ماتمت :(

[Dina-s-b]

تصدق انك انت تتوه اكثر منهم..
كلمني زي ما اكلمك :( عربي :( << والله؟؟
يعني دحين فرأيك اني انقبلت طب اكيد ولا مو آكيد وممكن يشيلوه مني؟
تصدق اليوم كلهم اهل بابا يسألوني ايش اتخصصت..قلتلهم ما اعرف اخاف اقولهم طب واكل تبن بعدين =)

بعدين ايش اقولهم..انتو دخلتو غيري اسنان بواسطة ولالا :( حيقولولي لا طبعا دخلت بدرجاتها وانا كيف اتاكد انو واسطة ولالا !!
انا بس بقول لصاحبة ماما ولقريبي انو يكلموهم يحولوني اسنان وابدا فالاسنان مازبط اقلها يدخلوني انتظام عادي فالطب :( كمان المكافئة حلوة وانت سيد العارفين :p

[خالد9921]

تصدق انك انت تتوه اكثر منهم..

اها انا اتوه اكثر منهم .. وانا راضي انك طب اسنان
معناتو اكيد هما لازم يرضو انك طب اسنان لاني اتوه اكثر منهم هههههههههههههههههههه

كلمني زي ما اكلمك :( عربي :( << والله؟؟

طيب ابشري واذا شفتي كم كلمه الماني والا فرنسي غضي الطرف عنها (:

يعني دحين فرأيك اني انقبلت طب اكيد ولا مو آكيد وممكن يشيلوه مني؟

ايوه لاسباب كثيره
1- انقفل عندك سيستم التسكين ,, لا يوجد نتائج فرز
2- مثبت بعد التحضيريه طب موازي ,, بدون كلمة مفاضله بدون نتيجة فرز
3- اليوم جمعه وبكره خلاص اول يوم دراسه سبت يعني الامور دي انتهى وقتها

اقدر اقولك بالراااااااااحه مبروك عليك طب موازي لا تخافي (:

تصدق اليوم كلهم اهل بابا يسألوني ايش اتخصصت..قلتلهم ما اعرف اخاف اقولهم طب واكل تبن بعدين =)

لا عادي قوليلي لهم كول الحكايه حتى يكونو على بيّنه من التخبيص حقك هههههه امزح مش تخبيص بس عادي قولي لهم بالتفصيل عشان يدعو لك ض1

بعدين ايش اقولهم..انتو دخلتو غيري اسنان بواسطة ولالا :( حيقولولي لا طبعا دخلت بدرجاتها وانا كيف اتاكد انو واسطة ولالا !!

مو هاذي المشكله .. طبعا ما حتقولي دخلتوها بواسطه مو هرجه دي !!
لو لك معارف بكلية طب الاسنان كان ممكن تستفيدي لانهم راح يعرفو اللي جديد عالدفعه وكدا
بس وربي شي ما ينسكت عليه انا ابقى مرره مقهور لغاية اعرف فيه فعلا واحد اتسكن بدالي او لا

انا بس بقول لصاحبة ماما ولقريبي انو يكلموهم يحولوني اسنان وابدا فالاسنان مازبط اقلها يدخلوني انتظام عادي فالطب :( كمان المكافئة حلوة وانت سيد العارفين :p

اذا صاحبة مامتك لها علاقات بيمشي الوضع ان شاءالله
لأنو انتي قاب قوسين او ادنى من رغباتك يا دينا مانتي بعيده والدليل نتايج الفرز حقك كانت حلوه نوعا ما لولا المفاضله اللي عدمت الهرجه شويه
لا تيأسي وحاولي زي كدا من بكره بمعارفكم راح توصلي ان شاءالله
الطب الموازي دا اخر شي ان شاءالله توصلي قبله بطب اسنان او انتظام عادي طب (:

موفقه

[Dina-s-b]

اها والله كلامك يطمن :( بس المشكلة الجامعة الحلوة حقتنا ماتطمن
انا قلت لماما على كلامك وكدا ههههههههههههه جلست تقوول صح كلامو اكيد واسطة :(
المهم ياسيدي انو فالنهاية كلمت صاحبتها وصاحبتها قالتلها انو لمن كلمتهم فالعمادة يعني قالتلها اصلا التسكين كلو غلط فغلط..وانو يوم الخميس راح يغيروه..!!
انا قلت ياصاحبتها داجة ومو عارفة فين الله حاطها مع انها ساعدتني فاشياء كتيرة :p
يا اما العمادة بيخرفو عليها..
او انو من جد بس احس لو سووها من جد وغيرو للبنات التسكين حقهم..!! يبغالهم دبح..!!
لعبة احنا :(
عموما رايحة اانا اليوم وربك يسهلها..!!
دعواتك =)
وترى مررررررة شكرا يا رئيس جمعية حقوق البنات فجامعة عبد العزيز :p
محد يهون علينا غيرك ههههههههههههههههههههههههه
الله يوفقك =) ويوفقنا :(

[خالد9921]

جلست تقوول صح كلامو اكيد واسطة :(

ربنا العالم ما ابغى اظلم احد
لكن الاحتمال اللي مره قريب من الصحه انو ممكن بنت اقل منك تسكنت !

وصاحبتها قالتلها انو لمن كلمتهم فالعمادة يعني قالتلها اصلا التسكين كلو غلط فغلط..

شكلو في اغلاط عندكم يالبنات وكلام صاحبة مامتك صحيح
لانو شوفتي انتي كيف زميلاتك تبع الحاسب طلعو بنات انقبلو حاسب اقل منهم

وانو يوم الخميس راح يغيروه..!!

ليش لا
بس راح يتغير للناس اللي طالبت اليوم بتسكين جديد
يعني لو سكتي راح تبقي طب موازي انا متأكد (:

انا قلت ياصاحبتها داجة ومو عارفة فين الله حاطها مع انها ساعدتني فاشياء كتيرة :p يا اما العمادة بيخرفو عليها..

لا كلام صاحبتها صحيح لانو شفتي كيف زميلاتك تبع الحاسب طلعو بنات اقل منهم اتسكنو بالسليمانية .. الخ

او انو من جد بس احس لو سووها من جد وغيرو للبنات التسكين حقهم..!! يبغالهم دبح..!! لعبة احنا :(

راح يتغير للناس اللي طلبت تسكين جديد اليوم واثبتت انها اعلى من اقل طالبه انقبلت
وان شاءالله ما يأثر هالتغيير على بنات انقبلو سابقا (:

وترى مررررررة شكرا يا رئيس جمعية حقوق البنات فجامعة عبد العزيز :p محد يهون علينا غيرك ههههههههههههههههههههههههه الله يوفقك =) ويوفقنا :(

هههههههههههههههههههههههه العفو شكررن كثير عاللقب الحلو
انا اليوم رحت الكليه يسوولي جدول حلفت عليهم ما يسووه لغاية اطمن على مصير اخواتي الطالبات اللي يعانو من التسكين < احلى بكاش هههههههههههههههههههههه
العفو منك كل اللي اسويه معاونه ومقترحات لعلها تساعدكم لاني ارجو من وراها دعوه صادقه منكم اتوفق بسببها (:
وانتي اسمعي كويس ورب الكعبه لو لقيتي طالبه انقبلت طب اسنان او عام انتظام اقل منك وربي مشكلتك تنحل
خلاص تجيبيها عند العمادة عندكم وكمان صاحبة مامتك تضبطك وتمشي امورك
اسألي معارفك وشوفي يمكن توصلي لطالبه موزونها اقل منك
انا متأكد لو لقيتي طالبه اقل منك بجد بجد بجد بجد راح تنحل مشكلتك في وقتها صدقيني !!!

موفقه دينا

[اللؤلؤه الورديه]

معليش شكلي داخله عرض
بس إنتو دفعه 210
؟؟؟؟؟؟؟؟؟؟؟
لأنو التسكين؟؟؟؟؟

[خالد9921]

بس إنتو دفعه 210 ؟؟؟؟؟؟؟؟؟؟؟ لأنو التسكين؟؟؟؟؟

ايوه دفعه 2010
اللي فيهم ناس انقبلت ترم ثاني السنه الماضيه + الراسبين
جاء وقت التسكين حقنا واتسكنا

موفقه (:

[مَـزٍآج ..}..]

اول شئ مبروك على القبول سواء بشري او اسنان ..

وعلى فكره الأودس ما ينزل فيه شئ ابدا .. لا درجآت ولا جدول ولا فيه خانه حذف واضافه ..

لأنه جدولنآ ثآبت من الكليه وينزل في موقع الكلية .. الدرجآت تنزل في الاودس نهاية السسنـه ..

يعني مرره ما نفتحه طول السنـه .. انآ اشوف انك تروحي عند كليتنآ .. وتسالي هناكـ تشوفي ايش وضعكـ

وادآ بتروحي مبنى كلية طب الأسنان في الميل سآيد الدور الثآلث .. مكتب دكتوره هبة ما تخرجي من عندها

الا خاطرك طييب عسسل الدكتوره دي >> شكله بيجيه باند ماشي الفيـن ..

ومبـروكـ !!

[اللؤلؤه الورديه]

ااهاا
الله معاكم
:)
بس ممكن أيأل سؤال كم معدلاتكم إلي قبلوكم بيها في طب الأسنان
وخصوصا بالإنقلش كم أخذوا عليه
لأني كنت حاطه ببالي طب أسنان بس بعد درجاتي بالإنقلش
هونت

[خالد9921]

بس ممكن أيأل سؤال كم معدلاتكم إلي قبلوكم بيها في طب الأسنان وخصوصا بالإنقلش كم أخذوا عليه لأني كنت حاطه ببالي طب أسنان بس بعد درجاتي بالإنقلش

والله مدري انا بالهندسه ان شاءالله الاخوات اللي تخصصو طب اسنان يفيدوك
او اسألي بمنتدى كلية طب الاسنان
وعالعموم هما يجمعو درجات المواد الخاصه كامله يعني ممكن درجات مواد ثانيه تكملك النقص بالانقليش

موفقه (:

[Dina-s-b]

احم احم...
اولا شكرا مزاج :(

بس كلامكم كلو للاسف يعني ماصار ينفع دحين
اللي حصل..
احم احم << تمسك المايك هع

الصباح اول ماصحيت حضرتي فتحت الاودس الجميل..
لقيت مكتوب بشري موازي..وجلست لين قبل ما اخرج من البيت لقيتها نفس الشي..
بعدين لبست ورحت هناك وشفت البنات واول ماطلعت الادمية كلمتها انو كاتبينلي طب موازي
ما لحقت خلصت كلامي قالتلي انو مافي طب هادي غلطة ماعندنا احد طب انتي فنص الترم
روحي دحين افتحي الاودس حتلاقيه اتغير
رحت فتحت لقيتهم كاتبينلي انو تحضيري انتظام :(
وتحطمت انا ههههههههههههه
بس انا من بداية الترم اللي راح قالولي انو ازا ما اتسكنت اقدم تأجيل ترم..
يصير بعدين اقدم تسكين مع الدفعة الجديدة
رحت زاحمت مع مسوري وشلتها هههههههههههههه
لين دخلت عندها..قلتلها كيف ااجل؟؟
قالتلي طلعولك تخصص؟؟ قلتلها لا :(
حطولي سنة تحضيرية
قالت حلو لان لو حطولك تخصص ماراح ينفع توقفي..
قلتلها طيب ايش اعمل قالت روحي عند غرفة 15..
رحت عند الغرفة الجميلة وساعتين بالزبط وانا عند الباب :(
ودخلت وربع ساعة وهيا تهرج فالجوال ..لين قفلت
جيت اكلمها اقولها ابغى اعتزر قالت ايش خصصوكي قلتلها ماحطوني تخصص..!!
ود.ابتسام قالتلي انو المفروض مايخصصوني عشان اقدر اوقف الترم..
قالتلي مو على كيفك :( رضيتي ولا مارضيتي راح تتخصصي روحي قدمي ورقة تسكين دحين انا ما اقدر افيدك

رحت زي الحلوين طلعت من الغرفة وصفيتها طبعا مارحت قدمت ورقة تسكين قلت اخلي ماما تكلم صاحبتها بس اخافهم يحطوني تسكين قبل لا اقدم على تأجيل الترم :( وموو عارفة شسوي..
موضوع الرجال راح اشوفو بعدين لانو مو عارفة حتى لو راحو عند الرجال ايش يسوو..؟؟ ايش يقولو بالزبط اخاف يخربو الموضوع ويحطوني تسكين من فوق خشمي ههههههههه :(