ايش يعنى ساعات مكتسبه ومسجله

[هيام 2]

مكتوب عندي فى الصفحة الخاصة بي فى الاديوس عدد الساعات المسجلة والمكتسبه

المسجلة 76

المكتسبة 67

مع العلم انى مخلصة 74 ساعه

يعنى اخذت 22 ماده من 3 ساعات يساوي 66 ساعه

واخذت 4 مواد من 2 ساعه يساوي 8 ساعات

مجموع عدد الساعات اللى مخلصتها 74 ساعه

فمن فين جاتنى باقى الساعات اللى مكتوبه عندي وليه حاطين انى مخلصه 67ساعه

مع العلم انى مو حامله اى ماده فى كل المستويات اللى عديتها وانا الان مستوي 5

ارجو الرد والافادة منكم

[مداوي الجروح]

الساعات المسجلة هيا اجمالي عدد ساعات المواد اللي نزلتيها من بداية تسجيلك في الجامعة لحد السمستر الحالي
والمكتسبة هيا الساعات اللي عديتيها بنجاح في المواد بس غريبه تقولي ماحملتي ولا مادة وفيه فرق 9ساعات
يعني 3 مواد بـ 3 ساعات أو 4 مواد

ممكن تتأكدي من اودس كشف الدرجات شوفي لو عندك مادة f او dn أو من السمستر اللي فات ic
= مع انو الاي سي مستبعد لأنو مايكون داخل في عدد الساعات الا بعد ماتترصد درجتو

ولو ماعندك اي حمل لأي مادة تراجعي الوكيلة او العميدة مادري ايش النظام عندكم

وبالتوفيق يارب

[رويده عباس]

يمكن في مواد ما سجلوها لك راجعيهم

الله يوفقك و ييسر لك