الهندســـــــــه

[nono2010]

السلام عليكم
انا كتبت موضوع بدايه السنه

وبعد ماخلصت الفيزيا والرياضيات بالسنه التحضيره
حبيت اقولكم
اني جبت 86 رياضيات
والفيزيا خبصت جبت 75
بس الانجليزي واحد جبت 87 والثاني 95

ومعدلي 4.59
هل انقبل هندسه السنه الجايه في السليمانيه ولا لا:(
ترا هذا شي مخوفني:(

[حسام العوفي]

شد حيلك ووتطمن ان شاء الله تجي بالراحة
ونشوفك مهندس قد الدنيا وبالتووفيق

[dadado]

اكيد تمزح
معدلك اربعه ونص!وكمان تسأل ههههههههههههههههههههه
لو تبغى طب حتنقبل
يعني من الاخر انت ممكن تدخل اي تخصص تبغاه فالمكان اللي تبغاه ولك صلاحيه توقف سيارتك فالمكان اللي تبغاه ولك الاولويه انك تنقي الدكتور اللي تبغاه ويمديك تنقي دكتور واحد تفصلو من الجامعه
لا مو بس كذا كمان يمديك تنقي ماده وحده كل ترم تاخذ فيها الفل مارك
طبعا غير المكافأه زياده الف ريال كل شهر على طول الترم ايوا صح كمان انت معفى من مشروع التخرج وكمان وقت الحذف والاضافه ما تتبهدل وتروح للشؤون التعليميه ,يعينولك معقب هو يتصرف ويروح ويجي وانت نايم حتى لو تبغاه يحضر بعض المحاضرات بدالك عادي
اخوي انا ما حقدر اكتبلك كل المزايا ... بس اعتقد انو الباقي مالو داعي ينذكر

[Majest!C]

الهندسة مضمونة بإذن الله إذا معدلك مرتفع

[عبادي جدة]

ان شاء الله تنقبل وانت تضحك , الهندسة تقفل على معدل 4 تقريبا
وانت ماشاء الله معدلك مرتفع ودرجاتك طيبة خصوصا الانجلش
بالتوفيق

[M093B]

مبدئياً ماشاء الله معدلك حلو وبإذن الله تنقبل فيه وانت مرتاح
لكن في نفس الوقت على حسب دفعتك لو كانوا كلهم معدلاتهم عالية وقدموا على الهندسة
الكلية راح تأخذ عدد معين ويكون على حسب الأفضل

لكن تطمن معدلك ممتاز
الله يوفقك