تجمــع ( الطلاب ) وتبادل الآراء بخصوص الدكاتره .!

[مــــــحمد]

السلام عليكم ..
حبايبي أبغى أفيدكم بخصوص الدكاترة الي درسوني في الترم الماضي
أنا كنت خطة أ
درست الرياضيات عند فؤاد الملاوي وبصراحة ما أتوقع فيه أحد أحسن منه
ومعظم طلابه جايبين الـ a ,, وغير كذا دمه خفيف وما تحس بالملل في محاضراته <<= واحلى شي لما يقول بربنديكولر بلهجته المكاوية هع
بس المشكلة إنه إسمه مو نازل في القائمة الظاهر ما صار يدرس في التحضيري

ودرست الفيزيا عند علي الزين أو محمد علي الزين ماني فاكر اسمه بالضبط .. المهم إنه مرة سيئ أصلاً ما حضرت عنده إلا 4 أو 5 مرات بس .. شرحه مو واضح وصوته ضعيف يعني لازم تكون في الصف الأول ويا دوبك تسمع وخطه على السبورة خرابيش دجاج والله ما تفهم شي
يعني الي حضر زي الي ما حضر كلهم ما فهموا شي في النهاية ,, أنا دبرت نفسي مع مدرس خصوصي
بس أحلى حاجة في الزين إنه ما يحضّر وأصلاً ما عنده كشف

ودرست الحاسب عند جابر الحربي .. طيب وحبّوب , والمادة أصلاً سهلة ومو محتاجة شرح

ودرست مهارات الإتصال عند واحد مصري إسمه الدكتور طارق الخليفي
وهو واحد من مؤلفي كتاب المادة ,, الدكتور ممتاز ويفهم ويشرح تمام وبوضوح ويتجاوب مع الطلاب ويتفاعل معاهم و دمه عسل بصراحة ..

هذا بخصوص الي درسوني
أما الي حيدرسوني :: في الأحياء رفاعي محمد حسين حسن
وفي الكيميا محمد عبد السلام

ياليت طلاب خطة باء سابقا يفيدوني عنهم

وآسف على الإطالة..