ترم صيفي بدون رسووم

[منصورالطموح]

إضافة معلومة

عقلاً ومنطقاً ماراح يوافقوا

ماهو من باب التحطيم بس من باب العدل والمساواة بين الجميع

أضرب لكم مثال

خريج تبقى له مثلاً 18 ساعة وياخذ الشهادة الجامعية

التحق بالصيفي وأخذها ( بدون رسوم )على قولتكم وتخرج بتوفيق الله .

وهناك آخر خريج أجلها وأخذها بداية العام الجديد 18 ساعة وتخرج بتوفيق الله ( هذا دافع رسوم 3000 ريال ) .

من العقل والمنطق وش ذنب الطالب الخريج اللي أخذها في بداية العام ودفع الرسوم 3000 ريال

بس اللي أخذ الصيفي ما دفع رسوم وتخرجوا كلهم بنفس الساعات المتبقية .

اللهم الفارق بينهما الفترة الزمنية

الأول تميز بالتخرج قبل الآخر وما دفع ريال واحد بعكس الثاني وهذا ظلم بحد ذاته

إذا بتقولون لي يالله نطالب ونصوت إنها تكون عروض صيفية تقدمها الجامعة للطلاب والطالبات أقولكم أوكي

هذي الصراحة حلوه وأنا أول المصوتين لأنه تشجيع للجميع

بدل ما أقول خليني أتمشى بالثلاث آالاف بالصيفية أتنازل عن وناستي شوي على حساب مستقبلي

وأستفيد أخلص كذا ساعة بالصيفي وأستغل العروض وأوفر 3000 ريال للترم الجديد

وإذا أنا خريج أستفيد من العرض وأوفر 3000 ريال وأتمشى فيها لاخلصت الصيفي وتخرجت وطاحت الأسعار

وهذي كأنها مستحيلة كمان تجي بشكل عروض بس مع كثرة التصويت يمكن الدق يفك اللحام

ويقبلوا التصويت على العروض الصيفية يالرسوم المجانية ، أما غير ذلك فمن المستحيييييييييييييييييييييييل عقل ومنطق .

إلا بأمر الله ثم مكرمة من ولاة الأمر حفظهم الله

خلونا نصوت كمان على شيء ممكن يكون إذا شعللنا التصويت بانهم يشيلون شرط إجتياز 50 ساعة لأخذ الصيفي

مثل ماقالت وحده باحد الردود

لأنه ماكل طالب أو طالبة بيقدر يطلول 50 ساعة في أربع مستويات وأنا أولهم راسب بالنقليزي والاحصاء والترم الجاي الله يستر

يعني صعب السنة الجاية اكون خلصت 50 ساعة

نتسلف .. نجمع .. نخش جمعيات .. أي وسيلة المهم تخفيف الشرط عشان ناخذ صيفي ونتخرج بدري

بعدها ان شاء الله نحصل مجال ونتوظف ونسدد اللي علينا من أسلاف الجامعة .

سامحوني طولت عليكم بس حبيت أشارك معاكم وأوضح صعوبة الصيفي بدون رسوم إلا إذا وجد الحل وهو العروض

وكل طالب وطالبة براحته يلحق أو مايلحق ، لأن فيه ناس يقولك ماني رايق أجي الصيفي لو قالوا مجاني

خلني أتمشى وأريح بالي من الدراسة

وسلامتكم