مناقشة حول دراسة الطب والكليات الصحية

[ShiQ]

موضووع حلوو اول مره ادخل موضوع واقرا كل الردوود معنها طوييله :d:

المهم انا خلصت من الثنوي وقدمت ف كل شي ف العالم والحمدلله انقبلت فيها كلها

بس وقت الماقبلات والتاكيد سحبت علييهم كلهم ولقيت نفسي ف جامعتنا العزيزه :)

التخصص اللي ابغااه الطب إن شاء الله لعدة اسباب

* الاجر من الله
* مسااعدة النااس >>>>>>تخيل تنقذ واحد من الموت
* الرااتب
* المكانه ف المجتمع

بس ليين دحين محتاار بشري ولا اسنان مشكلة البشري انو حتدرس اكتر شي واصعب ومسئوليتها اكبر ومشكلة الاسنان انو وظاايفها بدات تصيير محدوده او صعبه بذات ف جده<<اخواني اثنين تخرجو اسنان وقالولي

إن شاء الله ادخل واحد من الثنين ف بدااية الترم كنت خاايف بس دحيين الحمدلله ارتحت

ثاالث خياار الهندسه ومدري اش طبختهاا ولا اعرف عنها شي

وبتوفييق للجمييع

[صريحه وطيوبه]

المشاركة الأصلية كتبت بواسطة !..rahooofa..! ياحبيبتي دراسة الاشعة آمن 100 % انا بنفسي سألت معيد في جامعة الملك عبد العزيز اصلا هما يضمنو أمانك وحتى آخر الترم يقيسوو مقدار الاشعة في جسمك وان جيتي تشتغلي اصلا حتكوني بعيدة عن اللي بيعملو تشخيص في الاشعة اذا ماكنتي في غرفة تانية .. صح كلامك .. انا معلوماتي كلها من النت بصراحه التخصص مررة حلو لكن اللي خوفني هالنقطة لاني قريت اكثر من موضوع ان في بعض المستشفيات مايهتموا لدا الشئ .. انا بقولك كدا لانو رغبتي متفاوتة كانت بين الاشعة والطب ..

الله يكتب لك اللي فيه الخير واذا انتي تحبيها كلها يعني ماتفرق اذا قبلوكي بالطب او الاشعه ..
يسلمووو حياتي ع المعلوماات

[صريحه وطيوبه]

المشاركة الأصلية كتبت بواسطة تركي4444 الله يسلمك اختي بالنسبة للطب هو صح دراسته مكثفة وطويلة لكن مو صعب ولا شي انا بقول لك حاجة (تخيلي نأخذ طالب من المرحلة المتوسطة وندخله المرحلة الجامعية على طول من دون مايمر على المرحلة الثانوية اكيد راح يفشل ) فالطب نفس الحكاية انتي راح تبدأي من الصفر بعدين راح تتعمقي تدريجيا في المادة فما اشوف انه صعب زي ماكل الناس يقولون شوف الطب احسه ممتع لناس وصعب وممل لناس تانية يعني انا لما عرفت عنه اكثر ماحبيته لان انا نفسي ماحب التعب والتعقيد >>> اجل ليش داخله جامعه .. وماحسيته ينفع لي لكن بالنسبة لشخص اخر بيعجبه . كل انسان ع حســب ميوله . اما بالنسبة للأشعة ابدا ما فيها اية اضرار لانه اخصائي الاشعة يكون عامل احتياطاته اصلا تبع الاشعة احيانا وقت التعرض للاشعة يعطوهم بدلة من الرصاص <<< يعني لا تشيلي هم ماخذين بالاحتياطات المهمة وانا انصحك تدخلي على هذا الرابط وراح تعرفي قد ايش تخصص الاشعة رائع أسرة الأشعة التشخيصية تبارك لكم التسكين ولله الحمد .. وترحب باستفساراتكم ..

صاااادق والله بكل كلمة قولتها ومررررررررررررررة شكرا ع الرابط
مجاوبين ع كل الاستفهامات اللي فوق راسي يعطيك الف عافـــية
والحين اقدر احط هالتخصص مع اللسته حقتي لاني ارتحت له ....