حلمكم كليات صحيه طيب اعملو بهذة القاعده

[abo0orh]

كثير اشوف مواضيع في المنتدى يبغوا يدخلو طب او كليه صحيه ودايما نسمع انو حلم حياتي
طيب انتو فكرتو كم مره قبل لا تقررو انكم تدخلو هاذا التخصص بصراحه انا مادخت جامعة عزوز الا عشان الطب وكنت اقول اذا مادخلت طب راح انقل من الجامعه بس اتكلمت مع كثير من البنات الي في الكليات الصحيه وخصوصا بنات الطب اغلب البنات يقولولي حولنا لأنو جدا ضغط بس انتو شوفو نفسكم بعد ماتخلصو دراسه حتكونو منعزلين عن العالم حتى وان كنت او كنتي اب او ام صدقوني حتقصرو مره في حقوق اولادكم بعدها حاولت افكر بالموضوع بصراحه غيرت رأيي
بس الشي المهم من هاذا الكلام كله
قبل لاتحطو اي تخصص في بالكم

1- اكتبو في ورقه كل التحصصات الي تحبوها او تناسب شخصياتكم
2- حوالو تجمعو اكبر عدد ممكن من ايجابيات وسلبيات كل تخصص وانصحكم في هذه المرحله الأستشاره بذوي الخبره او الطلاب المتخصصين
3- راجعو التخصصات الأقل سلبيه والأكثر ايجابيه ورتبوها تصاعديا
4- وهي الأهم والأهم قاعدة 2*2*2
وهي الأستيقاظ الساعه 2 وصلاه ركعتين والأبتهل الى الله بدمعتين واطلبوه ان يدخلكم التخصص الذي فيه خير لكم
ان شاء الله ماكون طولت عليكم بس ادعولي ان تحقق امنيتي

اطلعو على هاذا الرابط http://www.algazalischool.com/vb/showthread.php?t=45862

[Dr:HQ]

شكرا لكي والله يجعله من موازين حسناتك

[AM00NA]

تسسسلمي اختي العزيزة ع النصائح الاكثر من رائعة ..

بس عندي وجهة نظر مختلفة عن اللي كتبتيه
تقولين انو اغب بنات الطب حولوا لانو ضغط وحينعزلون عن الناس !
طيب اللي داخل طب ومو منظم وقته ويحسبوا زي التحضيري شي طبيعي حيحس بالضغط بعدين مو شرط يكونون منعزلين .. في عايلتنا بنات واولاد داخلين طب ومن احسن مايكون ماشاءالله لانهم منظمين وقتهم صح ومذاكرتهم أول بأول ..
بعدين مو شرط اللي يدخل طب على طول=تقصير في حقوق البيت
اللي ترتب مسوؤلياتها بين الطب ومسؤوليات البيت (زوج+أطفال) صدقيني ماراح تقصر ..
والله يكتب لنا اللي فيه الخير ..

[abo0orh]

اشكرك اخت امون على وجه نظرك بس لو كنتي انتي امرأة والوقت الي تقضيه في المشفى اكبر من الوقت الي تقضيه في المنزل فكيف تكوني اديتي كل شيء حقه وبالنسبه للبنات الي منعزلين الي اقصده ان الطلب في الطب لا يرجع الى المنزل الى في وقت متأخر فلا يكون له وقت كافي لتواصل مع العالم لأنه لابد من مراجعه دروسه والأختبارات المتكرره

[KitKatـه]

المشاركة الأصلية كتبت بواسطة am00na تسسسلمي اختي العزيزة ع النصائح الاكثر من رائعة .. بس عندي وجهة نظر مختلفة عن اللي كتبتيه تقولين انو اغب بنات الطب حولوا لانو ضغط وحينعزلون عن الناس ! طيب اللي داخل طب ومو منظم وقته ويحسبوا زي التحضيري شي طبيعي حيحس بالضغط بعدين مو شرط يكونون منعزلين .. في عايلتنا بنات واولاد داخلين طب ومن احسن مايكون ماشاءالله لانهم منظمين وقتهم صح ومذاكرتهم أول بأول .. بعدين مو شرط اللي يدخل طب على طول=تقصير في حقوق البيت اللي ترتب مسوؤلياتها بين الطب ومسؤوليات البيت (زوج+أطفال) صدقيني ماراح تقصر .. والله يكتب لنا اللي فيه الخير ..

+1
نفس اللي كآن خآطري اقووله

[abo0orh]

ايضا اشكرك KitKatـه على المرور ولاكنها مجرد وجهات نظر قد نصيب وقد نخطأ

[rano00nah]

يسسسلموؤ abo0orh

ربي يوفقكـ =) ,, آمين ,,

[Nada YK]

انا من اول بقول كدا بس محد سامعني

يسلم بؤك ياعسل

وفي النهاية .. ربي يحقللنا احلامنا وكل ياللي نتمناه

بس علينا نجتهد ومانترك لنفسنا فرصو او مجال عشان نقول ياريتني سويت وفعلت

مابقيلنا غير ترم نقدر نحدد عنجد نحنا ايش نبغى وليش عشان حياتنا حتترسم دحين

فــ ضروري اختياراتنا تكون صحيحة عشان نقدر نكمل في التخصص بكل حب وعطاااء ^^

\
|

[abo0orh]

المشاركة الأصلية كتبت بواسطة nada yk انا من اول بقول كدا بس محد سامعني يسلم بؤك ياعسل وفي النهاية .. ربي يحقللنا احلامنا وكل ياللي نتمناه بس علينا نجتهد ومانترك لنفسنا فرصو او مجال عشان نقول ياريتني سويت وفعلت مابقيلنا غير ترم نقدر نحدد عنجد نحنا ايش نبغى وليش عشان حياتنا حتترسم دحين فــ ضروري اختياراتنا تكون صحيحة عشان نقدر نكمل في التخصص بكل حب وعطاااء ^^ \ |

كلامك سليم ميه ميه والأهم التوفيق في كل خطوه من خطوتنا