مناقشة حول دراسة الطب والكليات الصحية

[تركي4444]

السلام عليكم ورحمة الله وبركاته

كيفكم كيف الاجازة معاكم

هذا الموضوع لمناقشة كل ما يدور حول كلية الطب والكليات الصحية ونبغى نسمع اراء من الكل يعني عندك اي معلومة مثلا

عندك اي فكرة عندك اي شي يدور في ذهنك

اطرحه هنا >>>> طلاب وطالبات

مثلا تقول سبب رغبتك إنك تدرس الطب أوإحدى الكليات الصحية

مثلا تقول إيجابياتها وسلبياتها من وجهة نظرك

مثلا تقول لنا البدائل في حال مانقبلت في كلية الطب أو الكليات الصحية

وانا اول واحد راح ابدأ أوووووكي

طيب انا بقول لكم شي الطالب حتى يخلص الطب عمره حيكون 26 سنة تقريبا >>> تذكروا هذا بكالريوس فقط >> يسمونه طبيب مقيم

وعشان يصير اخصائي لازم يدرس مابين 3 الى 6 سنوات تقريبا يعني عمره حيكون32 تقريبا على اقصى حد >>> طبعا الدراسة راح تكون على راس العمل )

>>>> هذا عشان يصير اخصائي فقط

وعشان يصير استشاري لازم يدرس زمالة ومدتها مابين 2 الى 5 تقريبا يعني عمره راح يكون 37 تقريبا << هذا

عشان يصير استشاري فقط ( طبعا الدراسة راح تكون على راس العمل )

وانا لهذه الاسباب رغبتي كلية الطب بصفة خاصة والكليات الصحية بصفة عامة ( الفرص الوظيفية كبيرة , الرواتب عالية , السمعة الطيبة والنظرة المحترمة من قبل المجتمع , حلمي من الطفولة >> اهم شي

طبعا بعد كذا راح يكون هنالك مرتبتين متبقية

اللي هي الماستر والدكتوراه

طبعا اصحاب الماستر والدكتوراة غالبا يكونو مدرسين في المعاهد والجامعات

وقليل من الناس اللي يكملو لهذا الحد

وفي الاخير لا تحسبوا اني كتبت هذا الكلام للتخويف

لا بالعكس عشان تكون عندنا فكرة بس

ما اقول الا الله يعين ومن طلب العلا سهر الليالي

وبالتوفيق للجميع

[تركي4444]

* عندي كمان نقاط إضافية *

أنا كمان بديت احط لي عدة خيارات غير الطب ومقتنع بها من الان عشان لو مانقبلت في الطب لا سمح الله

مانصدم وايأس من حياتي ووو الخ

طبعا اول شي طب ثم طب اسنان ثم صيدلة ثم علوم طبية تطبيقية <<< وبديت اقرا عن ال 4

تخصصات هذه لقيت كل تخصص احلى من الثاني وصرت كل يوم ادخل الاقسام تبعهم والموجودة هنا في المنتدى واطلع عليهم يعني ماعندي مشكلة لو انقبلت في احدى هذه ال 4

بالله برأيكم مو افضل انو الواحد يحط لنفسه عدة بدائل عشان في حال الإخفاق لا ينصدم ولا يزعل

اما بالنسبة للتحطيم /

المحطمين >> هدفهم الاول توفير المقاعد الدراسية لأنفسهم غالبا وليس دائما والمتحطمين >>> دائئئئئما يطبقوا قانون سوء

الظن بالله تطبيق 100% شغل نظيف يعني عاد هذولا قصة ثانية كأنهم نسوا انه لسا باقي علينا ترم ثاني وراح ندخله ان شاء الله بمعنويات عالية وبالحمااس اللي بدينا فيه الترم الاول وفي

فرصة انه كل واحد يجيب 5 من 5 ونقدر نعدل اوضاعنا فحرام تعملوا بارواحكم كذا


وحتى لواخذت صيفي يمديك تخش كلية العلوم وتجيب معدل عالي وتحول بعد سنة للكيات الصحية >>> يعني الامور سهالة في سهالة

عليكم كالهتحطيم قدامنا ترم ثاني وان شاء الله كلنا نصلح اخطائنا المسألة محتاجة تنظيم وقت لا أقل ولا أكثر

وفي كمان ناس يقعدوا يعدو الطلاب خايفين على مقعدهم في الطب وحالتهم حالة يرثى لها >>> بصرااحة هذولا تحفة يموتوني


من الضحك خذوها مني لو ربنا اراد انك تنقبل راح تنقبل ولو كان العدد 10000000



انا بقولكم قصة حصلت لولد خالي الله يذكره بالخير طبعا هو يدرس في جامعة أم القرى هو ماشاء الله


عليه ممتاز داافوووور صح فالمهم العام خلص الثانوي زي حالتي وقدم على كلية الطب بجامعة ام القرى وانقبل فيها واتحقق حلم حياته واعطوه موعد

يجي يراجعهم ويكمل اوراقه في كلية الطب

لكن شوفو المصيبة اللي صارت مسكين هذاك اليوم راحت عليه نومة

وراح لهم اليوم الثاني قالو له معليش صار اكتفاء في العدد لكلية الطب ( طبعا انتو عارفين نظام ام القرى اذا واحد سحب عليهم يحطو واحد مكانه على طول ) اقسم بالله العظيم رجع يبكي دم

في البيت تخيل انك تدخل الطب وتقعد فيه يومين وتنشال منه >> يافرحة ماتمت

والان ماشاء الله دخل تخصص رياضيات ومبسوط ونسي كل اللي صار له العام >>>

يعني شوفو سبحان الله ربنا ما اراد له هذا الشي فما صار بالرغم من تحقيقه لشروطهم

فمابالكم بحالتنا احنا >>>> يعني اهون بكثير من ناس ثانين

فالواحد مايعرف ايش ربنا كاتب له

وفي الاخير معليش اعذرووني عالاطالة انا عارف اني اتكلمت زيادة عن اللزوم لكن انتم في الاخير

اخواني واخواتي

ما اقول الا مايصيبنا الا ماكتب الله لنا ولكل مجتهد نصيب

مع خالص تقديري وحبي واحترامي لكم وبالتوفيق للجميع دنيا واخرة

والسلام عليكم ورحمة الله وبركاته

أخوكم / تركي

[د. هدّولا]

يعطيك العافية ياتركي ..
أنا بقولكم ايش صار معااياا ...

الصراحة أنا لي 5 سنوات وانا حلمي أدخل صيدلة ...
وسنة عن سنة يزيد حماسي ...
طبعا ايام التقديم قدمت في جامعة أم القرى
وعزوز ..
جامعة أم القرى كان موعدي فيها أول يوم ...
وجامعة عزوز ثاني يوم ...

المهم أني لو رحت موعدي في أول كان انقبلت في الصيدلة دغري
لأنه معروف أن اللي موعدهم اليوم الاول لهم فرصة كبيرة جدا يدخلو الكليات الصحية
اللي حصل .. أني سحبت على أم الموعد وقررت أني أكمل دراستي في جدة
أولا لأنه عزوز مافي مجال للمقارنة بينها وبين أم القرى من ناحية قوة الشهادة والنظام ..
ثانيا أن عزوز أول جامعة في المملكة طبقت نظام الفارم دي في الصيدلة


المهم الحمدلله انقبلت في عزوز ويوم عن يوم حلمي يكبر واشوف نفسي في الصيدلة ..
بس على نص السمستر الأول بدأت رغبتي وإصراري عالكلية يتلاشى
لدرجة صرت خايفة أدخل قسم ماخططت له كويس وأندم بعدين
لأني أصلا أنا كنت حاطة في بالي شي عن الصيدلة وطلع شي ثااني مرة
من ناحية الدراسة والوظيفة اللي في الاخير اتخرج بيها والمسمى الوظيفي
يعني أتخيلو ادرس 6 سنوات عشان اتخرج دكتورة صيدلية
وفي النهاية اشتغل زيي زي أي طالب يحمل بكالوريوس صيدلة لييش !
لأن في المملكة عندنا مافي مسمى وظيفي للدكتور الصيدلي ..
بمعنى أنه حامل هالشهادة مايشتغل الا بوظيفة أقل ..
أو أنه يكمل الرزدنس .. هذا سبب

السبب الثاني .. أنه الكلية حفظ × حفظ × حفظ والطلاب مايشوفو رقعة المستشفى إلا في الانتيرن
ييعني مايتعودو على جو المستشفى من البداية ..
وأنا ابغى تطبيق عملي أكثر من الحفظ ...


المهم اني غيرت رأيي 57849203989432 ألف مرة
دورت على أقسام جديدة ..
حطيت ضمن رغباتي ..
طب
طب مختبرات
علاج طبيعي


أحيانا ألوم نفسي ياريتني دخلت في مكة جنب أهلي ومع صاحباتي ودخلت القسم اللي أحلم بيه أصرفلي
بدل دي الشحططة والحيرة ...
ودحين قلت في نفسي يابنت الناس ركزي عالتحضيري
ولمن يجي وقت التسكين استخيري وربي يكتب لك اللي فيه الخير
بس نفسي أرجعي لحماسي الاول عشان يعطيني دافع أكبر


^
سوري عالهرج الكتير
بس كل محد يسألني ايش تبغي تتخصصي
انقهر لمن ما ألقى جواب :(

[rano00nah]

::

و عليكمـ السسلآمـ ^.^

::


انــآ عن نفسي كنت أبغى هندسهـ خخ بس مافي ,, و قلت بسافر و قالولي طيب ×_×
بس انــآ أعرف اني مآ أقدر أعيش لحآلي << خوآفهـ

بعدين ,,

,, في البدآيهـ انــآ مآ حددت رغبتي الآ لمن عرفت اني أبغآهآ و حتى لو مآ قبلوني بروح للمكـــآن و أزورو < عنآد يعني ؟

المهمـ ,,

حآولت أقنع نفسي ببآقي التخصصآت ع أساس اني أحطهآ رغبهـ ثانيه خخ لكن للأسف مني قدهآ ,,
يعني مثلن حطيت رغبتي الأولى اللي هيآ أبغاهآ
( علومـ طبيهـ تطبيقيهـ ) ,,
لو مآ قبلوني (ان شا الله لآ =( ) أكيد مآ حيقبلوني في باقي التخصصآت الطبيهـ
::

الرغبهت الثآنيه ايش حتكون ؟ :( ,,
دكتورهـ أدرس في الجآمعهـ ؟ حلو مرآ حلو ,, بس انا مو قدهآ مرررآ,, فحرآم أسير زي بعض الدكآترهـ ما يعرفو يشرحو ×_× !

الأشياء اللي تتعلق بالحآسب مآ أحبهآ مرآ و لآ أعرفلهآ خخ,,


*
اقتصاد مآ تدبير هذا بالنسبهـ ليآ يدخل في الهوايات أكثر ,, اوكي أعرف أرسم بس مو درآسهـ
لمن يكون عمل اضافي أحسن =) ,,

::

انا اخترت علوم طبيع تطبيقيهـ ( علآج طبيعي ) ,,
و هنآ حقابل المعاقين p= و اللي بعد العمليآت ,,
رحت زيارآت لهم و مرآ حبيتهمـ ,, و شفت دكآترهـ معاملتهم شويآ مو كويسهـ
و أنقهرت و لسآ في نفسي ×_× !

هامـ : في شي اسمو تربيهـ خاصهـ اللي تعرف عنو شي تقول

^
^
^

ما علينآ


::

ان شا الله انــآ و الكل ينقبل في اللي (قدو ) و يبغآهـ مرآ ,,


بالتووووووفيق

و سوري ع الكلآمـ الكثير اللي يطفش شويآ << مو بس شويآ


::

[BshoOr]

اهللللن ^^
كيففكم وكييف الاجازه لوول ..
ممم بصرراحه موضووع حلوو ..
اناا مررره نفسيي ادخخل علوم تطبيقيه > علاج طبيعيي >> رنونه ههههـ
ونفسيي بجدد ادددخل اي تخصص طبيي لأنو مررره احووب اسااعد النااس واقدد م خددمه تففيد النااس كولهااا ..
واحسسس انس دخللت فررح ع قللب كل انساان خدمتوو ...
كلناا لناا امنياات كتتير ونفسناا نحققهاا .. نقول ياررب <3
اناا سمععت عن ترربيه خااصه بررضوو وعجبنني وقللت دي رغبتي التانيه اممكن بععد الطب <3 لاككن ربنا يسههل ويوفقناا كولناا وندخخل التخصص الحلوو الي ننجز فييه ..
ابا اطللب طللب ..>> اي احدد دخخل طب اتمنى يفيدناا بصرااحه بالزاات بناات العاام كم تقرريبن نججيب عشااان ندخلوو ؟؟ وهلل الدراسه صعببه ولألأ بأماانه ؟؟ ..
وثاننكسسس اكتتر شيي ..

[rano00nah]

^
^

ههههههههههههههـ ان شا الله نتقابل هنآكـ ,, مس يو مرررآ

<<< لآ نكثر كلآمـ صاحب الموضوع بيعصب خخخ ,,

[M7mmd]

الله يعطيك العافية عالـ معلومات كل اللي قلته هو اللي اعرفه

الخلاصة ان الطب استعد انك تدرس 10 سنين أو اكثر كمان

عشان كدا لا احد يدخل طب الا وهو مقتنع فيه تمام الاقتناع ولا مارح يقدر يستحمل

بالنسبة لي مررة بعدني عن الطب ما حـ اقدرلو

المشاركة الأصلية كتبت بواسطة د. هدّولا لأني أصلا أنا كنت حاطة في بالي شي عن الصيدلة وطلع شي ثااني مرة من ناحية الدراسة والوظيفة اللي في الاخير اتخرج بيها والمسمى الوظيفي يعني أتخيلو ادرس 6 سنوات عشان اتخرج دكتورة صيدلية وفي النهاية اشتغل زيي زي أي طالب يحمل بكالوريوس صيدلة لييش !

اللي اعرفو انك تتخرجي بكالوريوس لكن في المسمى الوظيفي والراتب شهادتك تعادل الماستر؟

هذا اللي عرفتو من واحد في الصيدلة ..

انا نفس طريقتك كل يوم بتخصص ولكن ادور وادور وارجع للصيدلة والهندسة .. حايس ومني عارف ايش اسوي

الله ييسرلنا اللي فيه الخير

[طالب طب في المستقبل]

وعليكم السلام ورحمة الله وبركاته

بحكم انكم تتكلموا عن كلية الطب والكليات الصحية بشكل عام

انا راح اتكلم عن التخصص اللي انا فيه اللي هوه الطب

اولا نحن ندرس طب بنظام البلكات واللي هوه عبارة عن سنوات اساسية وسنوات اكلينكية

السنوات الاساسية : سنة تحضيرية -سنه ثاني طب -سنة ثالث

وتكون الدراسة فيها في الفصول المعامل ...

المواد اللي ندرسها في السنوات الاساسية :مواد السنة التحضيرية , علم التشريح ,علم الانسجة , علم الاجنه , علم الامراض , الكيمياء الحيوية , بالاضافة الى المصطلحات الطبية , وعلم الطفيليات , وعلم الاحياء الدقيقة , وعلم الامراض ,والجينات .

هذي المواد ندرسها في السنوات الاساسية في الترم الاول من سنه ثاني وثالث

بالنسبة للترم الثاني من السنوات الاساسية : ندرس الجهاز العظمي العضلي , والجهاز الدوري الدموي , والجهاز التنفسي , والجهاز المناعي , الجهاز البولي , الجهاز العصبي , الجهاز الهظمي , الجهاز التناسلي الذكري والانثوي
الجهاز ,Endocrine system , الجهاز الحسي

هذي السنوات الاساسية بشكل عام

اما السنوات الاكلينيكية

فهي سنوات :رابع طب - وخامس طب - وسادس طب

واخيرا : سنة الامتياز

بالنسبه لمواد السنوات الاكلينكية الخطة الدراسية ضاعت

وإن شاء الله لي عودة للموضوع

اخوكم Dr.D7oomi

[fatoom sweety]

وحتى لواخذت صيفي يمديك تخش كلية العلوم وتجيب معدل عالي وتحول بعد سنة للكيات الصحية >>> يعني الامور سهالة في سهالة

انا راح اخذ صيفي ونفسي ادخل تغذية اكلينكية ايش التخصص اللي في كلية العلوم تاهلني اني احول لكلية العلوم الطبية مثلا ايش التخصص اللي اختاره كيمياء او احياء او .....الخ واذا جبت معدل عالي مضمون اني ادخلها ولا بعدين اتورط واسحب ويصير لخبطة؟؟؟؟؟؟!!!!

[ميعاد]

هدولا ابا اعلق على حااجه ..

السبب الثاني .. أنه الكلية حفظ × حفظ × حفظ

مااحتقدري تحفظي اذا ماافهمتي صدقييني .

اي مااده كذا لازم تفهميها , لو حفظ بس ماحتمشي ..

ممكن المقصد من الحفظ مو المواد الكيميا وغيرها اللي منجججد بتحتااج فهههههههههههههههم

ممكن كورس الادويه اللي بتحفظي اسماائها وووو

هذا المقصد لككن اذا انتي حااباااه بتقدري تحفظيها ان شاءالله

..

بالتوفييق للجميع وان شاءالله كل وااحد حيدخل التخصص اللي يفييد فيه بلده ..