استفسار هام و عاجل للأهمية

[طلال77]

اخواني و اخواتي المنتسبين و النتسبات
انا وضعي بالجامعه على كف عفريت

بقولكم بالتفصيل و ياليت احد يفيدني

قبل سنتين قدمت انتساب جديد و دفعت و اختبرت و عديت اول مستويين و انهيت السنه التحضيريه للآداب و بمعدل زين الحمدلله و اخترت تخصص انجليزي
السنه اللي بعدها لظروف العمل ما دفعت ولا دخلت الاختبارات للمستوى الثالث سويت عن طريق اديوس (اعتذار)
و المستوى الرابع كذلك لم ادفع و لم ادخل للاختبارات لظروف الزواج و سويت اعتذار
يعني صار عندي اعتذار لمستويين متتاليين
هل يعتبر هذا حذف او اعتذار ...؟

اليوم تصفحت اليوزر حقي بآديوس و تفاجأت بأنهم حاطيني ( طي قيد بسبب الانقطاع عن الدراسة )
وش الحل ... ؟
وش الطريقه اني اعود .... ؟
هل من الممكن ان اسدد بوقت السداد و و ينزل لي جدول و اكمل المستوى الثالث و خلاص ....؟
او ينبغي علي مراجعة الجامعه اول ... طبعا انا من الرياض
او يعتبر وضعي خلاص ؟

ارجوا الرد بأسرع ما يمكن انا ارغب بالمواصلة بعد ما ظهر لي بآوديوس (طي قيد)

[العلم والعالم]

الإعتذار هو الحذف لكن السؤال هل قدمت الإعتذار في وقته أم تأخرت

لكن على كل حال وضعك مطمن إن شاء الله ولا تقلق عادي إنك تحذف ترمين وراء بعض واللي عليك أن تسويه الآن هو أن ترسل للجامعة معاملة إلكترونية موجهه لعمادة القبول والتسجيل حيث يوجد خيار في المعاملات الإلكترونية إسمه طلب إعادة قيد أختر هذا الخيار أو إختر معاملة موجهه لعميد القبول والتسجيل وراح يردون عليك إن شاء الله تعالى ويفعلون اليوزر حقك إن شاء الله لكن من المحتمل ما يفعل إلأ في بداية الدراسة

لكن أحب أقول لك راح تكمل إن شاء الله تعالى وأمر إعادة القيد بسيط إن شاء الله لأنك لم تنقطع أكثر من 3 سنوات

[طلال77]

يعطيك العافية اخوي .. والله كلامك يطمن
بس المشكله انا قبل شوي كنت على الآوديوس و ما حصلت اي خيار بخصوص ( اعادة قيد ) او (معاملة موجهه لعميد القبول و التسجيل )
اتمنى اخوي بعد ما طمنتني انك تفيدني اكثر او تستفسر لي ولا عليك امر كيفة اعادة القيد

وشاكر لك

[خالد بن عبدالعزيز]

اسمع اخي رح للخدمات الاكاديميه راح تلاقي شي اسمه المعامله الاكتروينه اكتب مشكلتك مع رقمك الجامعي بعدين راح يعطون رقم طلب تابع معهم بعد 24ساعه وراح تلاقي الرد على موضوعك

[العلم والعالم]

المشاركة الأصلية كتبت بواسطة طلال77 يعطيك العافية اخوي .. والله كلامك يطمن بس المشكله انا قبل شوي كنت على الآوديوس و ما حصلت اي خيار بخصوص ( اعادة قيد ) او (معاملة موجهه لعميد القبول و التسجيل ) اتمنى اخوي بعد ما طمنتني انك تفيدني اكثر او تستفسر لي ولا عليك امر كيفة اعادة القيد وشاكر لك

المعاملات الإلكترونية ليست موجودة في الأودس لها رابط لوحده

وتفضل هذا الرابط

http://ers.kau.edu.sa:81/

والطريقة هي


أختر تقديم معاملة


وبعدها تطلع لك صفحة

الحالة الأساسية أختر أعادة قيد بعد الأنقطاع عن الدراسة

والحالة الفرعية كذلك أعادة قيد بعد الأنقطاع عن الدراسة


ثم أدخل رقمك الجامعي في خانة رقم الطالب


وفي موضوع المعاملة بإختصار إكتب شرح لوضعك بشكل مختصر لا يتجاوز 240 حرف

ومن ثم إرسال الطلب وأحفظ رقم المعاملة إذا رغبت أو ما يحتاج بعد تحفظه

وبعد كل فتره شيك على طلبك من نفس الرابط الذي ذكرت لك لكن لا تختار تقديم معاملة أختر إستعلام عن معاملة وبدل رقم المعاملة أختر رقم الطالب في المربع الذي تحت أستعلام وأدخل رقمك الجامعي في المربع الذي بجواره

[عبدالله السالم]

اخواني الله يعطيكم العافيه انا الترم هذا عندي انذار اخير بالفصل لان معدلي تحت 2 والدرجات طلعت والمعدل نزل حبه والى الآن مستمر مع انذار اخير بالفصل اخليهم لمايفصلوني والا اقدم عن طريق المعاملات الاكترونيه من الحين ولاايش اسوي افيدوني الله يعطيكم العافيه واذاكان اقدم من الحين على المعاملات قولولي الطريقه في الحالات الاساسيه والفرعيه وخاصة موضوع المعامله باختصار ارجو الرد في اسرع وقت ...وشكرا لكم