مواد حره واخياريه سهله

[المحترف]

الله يعطيكم العافية جميعاً .

[اسم المستخدم:]

يالبى قلبك يابو فاتن قسم بالله حبيتك تصدق عاد : )

ياخي كلامك مثل التطلي في شهر رمضان الكريم خاصه مقطوعتك الأخيره

[ضلع طويق]

المشاركة الأصلية كتبت بواسطة أبو فاتن خذها مني وأنا أخوك ( لا تسمع كلام المنتديات ) نصيحة عانيت منها شخصياً بهالترم من ناس ماتخاف الله إن خذيت فيها خير وبركة وإن ماخذيتها أنت حر لاتخلي أحد يجي ويتفلسف على راسك هنا ويقولك أنا و أنا و أنا الأفضل إنك أنت اللي تقول كلمتك المواد الحرة الحين ماصارت مثل أول ,, المواد الحرة تغيرت سياستها كلياً والسبب هم الدكاترة أنفسهم تعرف ليش ..؟ لأنهم صاروا مايبون موادهم تكون ( كبري معدل ) الرجال يفحط بشهادة الدكتوراه ( هذا إن كان آخذها بجدارة وماجاء إسمه من ضمن الأسماء اللي أعلنت عنهم بعض الجامعات الأمريكية في وقت سابق أنهم لاينتمون لها ) ويجي الطالب ياخذها لسهولتها فتنبهوا لهالشي بهذا الترم ودخلوا تحدي مبطن مع الطلاب والحين راح أرفق لك عدة روابط لإثبات صحة ماأقول بس قبل الروابط حاب أقولك وأقول لغيرك من أخواننا الطلاب لا تاخذون بكلام أحد أتعبوا الله لايهينكم بالبحث عن المواد الحرة بشكل يخالف توقعات بعض الدكاترة لا يجي واحد ويقولك هذا الدكتور طيب وبن حلال والثاني يجي ويقولك المادة سهلة خذ المادة اللي أنت تشوف إنها تناسبك بعد ماتشتري كتابها الله لايهينك وأطلع عليها وعلى المفردات بعدين إسأل عن الدكتور وقبل كل هذا توكلك على الله الناس تقول الرأي العام دكتورها طيب زين طيب بس وش ينفعني طيبه وهو خاسف بدرجات الطلاب والكل متأكد إنه حل تمام أنا مستغرب أنتم على وش مبسوطين في نتائج (الرأي العام) ويجي البعض ويقولك لا لا مالك عن مادة تاريخ العلوم العربية مارايكم باختبار ماده تاريخ العلوم العربيه hist334 ويجيك واحد مسوي نفسه بن تيمية ويقولك التفسير ياهي مادة والله مافيه مثلها مع الكتشب للمعدل (إحذروا مادة التفسير sils 314 ) كمادة حرة أما عاد اللي مدرعم ومايدري عن السالفة ولا يدري من دكتور المادة الحرة اللي بياخذها تغير والا ماتغير أكيد بقولك مادة الإقناع ترها تيرمومتر بلس المعدل ( أقول ما أظنك بتاخذها عند هالدكتور لأن دكتورها الأول تغير اللي هو أنمار الله يذكره بالخير ) حل موضوع راكان حبيب زبدة الموضوع وأنا أخوك أعيد وأكرر لاتعتمد على كلام المنتديات أشكرك وآسف على الأطالة الظاهر إني بحط هالجملة بتوقيعي عشان خاطر عيون حضرة الإدارة اللي عاجبه كلامي حياه الله وعلى عيني وله مني كل إحترام وتقدير حتى لو أختلفنا أختلاف محترم بحدود الأدب أما اللي مو عاجبه كلامي ومو هاضمني يحترم نفسه ولا يرد لأنه مو مجبور إلا أن يكون ملقوف

كلاااام سليم ميه بالميه اصلا اللي يطيح المعدل المواد الاختياريه
قالو لنا isls 314 سهل وجت الاسئله صعبه . قالو اداره مبيعات 416 سهله مررره وطلعنا من الاختبار نقول يارب النجاح
لاتنغرون نصيحه يااخواني تركدوا قبل كل شئ

[أبو فاتن]

المشاركة الأصلية كتبت بواسطة نواف بن خالد صح لسانك ابو فاتن

صح بدنك وسنين عمرك ربي يحفظك

[أبو فاتن]

المشاركة الأصلية كتبت بواسطة zeezo:9 لو أخذتها عند الدكتور الرائع فؤاد برادة الله يطول عمره مارح تسمع الي يقولوا عنه وبالعكس رح تدعيلي وتدعيله وأنا مع أبو فاتن في ناس ما تخاف الله وتقول معلومات ما عندها أدنى خلفيه عنها بس ما يصير نعم على الناس كلها لأن كذا بنظلم الاغلبيه الي ينتظروا ولو دعوة في ظهر الغيب والانسان الذكي يعرف يمشي بمستقبله عدل وما يسأل إلا المجربين ويسأل مجموعه عشان يعرف أجمعوا على شي واحد مو ياخذ رأي واحد ما يدري وين الله حاطه ويتوكل على كلامه !!! وما يحتاج أحد يمشيه والسالفه كلها مشوره "وماخاب من استخار ولا ندم من استشار" واذا شايف انه مساعدتنا للي فاتح موضوع ومتعني ويبي يسأل ويطمن أنها فلسفه على راسه الله يعلم مافي القلوب وإنا كنا زيه ونبي المشورة والحمدلله بعد المشوره من أهل الخبرة مستوانا ارتفع اكثر مما كنا نمشي على عمى !! وبالله التوفيـــق

جزاك الله خير على كل كلمة كتبتها وعلى أسلوبك الراقي
وحاب أقولك الله يحفظك أنه سبحان الله يبان الأنسان اللي يبي الخير بكلامه واللي تكون سريرته نقية بنقاء الثلج الأبيض حتى لو قسى بألفاظه شوي وأنت كنت خير دليل على ذلك صدقني حتى لو أختلفنا مو مشكلة لأن الأختلاف المنطقي والمغلف بالأحترام لابد وأن تزهر أغصانه بشيء من الفائدة والمعرفه وهذا هو المطلوب

حبيت أقولك أني ماعممت وأني عارف أنه فيه ناس تبي الخير لأخوانها بس العكس هو الغالب وصدقني صعب هالأمر خاصة يكون موضع تجربة لأنها مادة وتعدي ومعدل وينزل وصعب التعويض خاصة في المراحل الأخيرة

عشان كذا حبيت أقول لصاحب الموضوع إنه يعتمد على نفسه لأن الشخص إذا كان صاحب الأختيار أحساسه بالمسؤولية راح يكون مضاعف

أما موضوع المواد الحرة يمكن أنت أخذتها وأستفدت منها بالأسلوب اللي ذكرته في وقت سابق ويمكن غاب عنك أني نبهت بأن سياسة الدكاترة تغيرت عما كانت عليه .. راجع ردي لتعرف قصدي

عموماً أشكرك وآسف إذا كلامي ضايقك وبالنهايه هي حرية تعبير وحرية مطلقة للشخص اللي يبي مادة حرة

[أبو فاتن]

المشاركة الأصلية كتبت بواسطة اسم المستخدم: يالبى قلبك يابو فاتن قسم بالله حبيتك تصدق عاد : ) ياخي كلامك مثل التطلي في شهر رمضان الكريم خاصه مقطوعتك الأخيره

وقلبك ياغالي

عاد تصدق سبحان الله فيه ناس كلامي عليهم مثل السم إذا هو عليك مثل التطلي ما أدري الماسية <<< تذكرها ..؟

يشوفون الموت ولا يشوفوني مدري ليه

والظاهر أني أكثر واحد أخذ كروت تنبيه بالمنتدى من أصغر واحد بالإدارة لين أكبر واحد وبالكيلو بعد مو بالنقطة والنقطتين

يعني عشان ماعندي أخو أكبر مني يفردون عضلاتهم علي خخخخخخخخخخ

[دكتوره طموحه]

والله الى الان وانا مازلت لاأعرف الفرق بين المواد الحره والاختياريه

فهمونا بليييييييييييييز؟؟

<<اعذرني ع المداخله اخوي

[Mona ALharbi]

وش رايكم بمادة النظام السياسي السعودي كماده إختياريه ؟

[aboodi70]

انا بعطيكم نصيحة تبونها ياسلام...
ماتبونها عادي جدآ خلوها محلها...

انا اخذت شخصيآ مادتين حرة هذا الترم اللي هي../
الاقناع والتفسير,
اما التفسير..:مادة ممتعة وسهلة ودكتورها عسل وقبل لا نبدأ الاختبار قال لنا العموم ناااااااجح والاسئلة مويه وفعلآ جات اسئلة حلوة وجبت فيها 92 وانا ماذاكرت زين وخويي جاب 96,ولله الحمد.
اما الاقناع..:مادة حلوة *ولكن دكتورها ظاااااالم*اسم الدكتور راكان الحبيب.
جاب اسئلة حلوة مرة وطلعنا كلنا من الاختبار ضامنين 100% مو 99% وهذا كلام ناس كثير مثلي وطلعت النتائج واعطاني 76% وخويي اعطاه 66% مع ان حلنا واحد,

[salem matare]

شكرا لكم ياشباب حبيت اسأل عن مادة القران الكريم من دكتورها ؟