إنذار اخير بالفصل

[سلوم2009]

يسعد مساكم جميعا


ولد عمي عنده انذار اخير بالفصل الترم الماضي وكان معدله 1.81 والترم هذا معدله 1.98 مع العلم انه نجح بمواده الترم هذا بس باقيله 5 درجات ولاكن قدر الله وما شاء فعل

فهل يعني انو (جاب العيد وزحلطوه من الجامعة ) والا فيه امل وياليت توضحون كيف الطريقة لان الرجال حالته النفسية صعبة ارجوووكم افزعوله

[زهرة الأورنج]

و الله ماعندي خلفية عن نسبة الزحلطه

لكن بإذن الله أنه لا زال طالب بالجامعه و يتخطى الصعوبات يارب

أما إذا فصلوه ماله غير الانتساب لو كان حاب يكمل فعلا

و الله يوفقه و يعينه

[سلوم2009]

المشاركة الأصلية كتبت بواسطة زهرة الأورنج و الله ماعندي خلفية عن نسبة الزحلطه لكن بإذن الله أنه لا زال طالب بالجامعه و يتخطى الصعوبات يارب أما إذا فصلوه ماله غير الانتساب لو كان حاب يكمل فعلا و الله يوفقه و يعينه

يعطيك العافية اختي بس هو الحين انتساب
ومن ناحية انة حاب يكمل اكيد بس انو دلخ شوي وماتحمس الا بالوقت بدل الضايع

[سـامـي]

اذا حصل على ثلاث انذارات بالفصل وهذا الرابع يتابع حالته الدراسه في الاودس

اذا مكتوب مستمر يسكت ويكمل بدون اي شي

اذا مكتوب اي شي ثاني مطوي قيد او مفصول او اي شي يراجع العمادة ويكلمهم عشان يعطونه فرصه

اعتقد يعطونه فرصه لترم واحد ويسوي تعهد عندهم

وان شاء الله ما يحتاج هالشي ما تتغير حالته وتبقى مستمر

[سلوم2009]

المشاركة الأصلية كتبت بواسطة سـامـي اذا حصل على ثلاث انذارات بالفصل وهذا الرابع يتابع حالته الدراسه في الاودس اذا مكتوب مستمر يسكت ويكمل بدون اي شي اذا مكتوب اي شي ثاني مطوي قيد او مفصول او اي شي يراجع العمادة ويكلمهم عشان يعطونه فرصه اعتقد يعطونه فرصه لترم واحد ويسوي تعهد عندهم وان شاء الله ما يحتاج هالشي ما تتغير حالته وتبقى مستمر

مشكور اخوي
بس ماخذ 4 إنذارات واحد منهن ماخذه بالصيفي هل يفرق
ومتى يغيرون حالته

[البندري2011]

انا كان معدلي1.74
والحين معدلي1.70<<لان بصراحه كان عندي ظروف صعبه..وحابه اكمل الجامعة بس هل يعطوني فرصه؟؟
ساعدوني تكفون

[المميــــز]

الكلام للجميع اخوي صاحب الموضوع
واختي البندري
الانذارات 3عن كل فصل الفصل الرابع اذا الطالب غير معدله اكثر من 2 تروح الانذارات
اذا استمر بعد طلوع نتايج الفصل الرابع اقل من 2 نظام الجامعه يفصل لتدني مستواه
ولكن مثل ماقال اخوي سامي كل واحد يشيك على الاوديس اذا مكتوب مستمر بالدراسه يسكت
واذا مفصول يرسل معامله الكترونيه والافضل يروح للجامعه عمادة القبول والتسجيل
ويعطونه فرصه اخيره
الشي المهم في رفع المعدل يااخوان
على الطالب اولا الاهتمام بالدراسه فهي ليست ترفيه
واول ما تفتحت الحذف والاضافه يختار الطالب مواد تساعده في رفع المعدل اي يختار مواد سهله
ويضيف ماده حره برضو
ولاينسى اسما الدكاتره حقين المواد اللي هو مختارهم لايركز على الماده وينسى الدكتور
ترا الدكتور انا اشوفه اهم من الماده
والمنتدى موجود والاخوان والاخوات موجودين يساعدون بكل صغيره وكبيره
اتمنى التوفيق للجميع

[سالم الأكلبي]

اسئل مجرب ولا تسئل طبيب
3مرات ماقدرة اتجاوز المعدل لان الساعات المسجله كثير
والان ثالث مره ابشركم عديت معدلي فوق 2 وزياده روح ويعطونك ورقه تسويها خلال دقيقه ويقولون شيك على ملفك وترجع
اذا انت مثلي ما احب الانتضار قول بكلم العميد بيقولك اخر مره هز راسك على طول وبيوقع وبعدها ودها لواحد مدري كم رقم الغرفه شوفها في الدور الثاني في عمادة القبول والتسجيل
لو سمح الله تعثرت مره اخرى سوى الفلم من جديد وترجع هاذي بفلوسك والجامعه محتاجه دراهم
اتمنى التوفيق للجميع

[سلوم2009]

الف شكر للاخوان والخوات ماقصرتو والله يكتب اللي فيه
الخير للجميع

[goood man]

بارك الله فيكم جميعا على هذه الروح العالية والتعاون

مميزين بحق وفقكم الله جميعا