العياده النفسية لضحايا السنه التحضيرية (( خطة أ و ب ))

[صياد النسور]

المشاركة الأصلية كتبت بواسطة خالد9921 هاذي شعوب عمليه رغم إن دول زي الفلبين او بنقلاديش ما تعتبر من دول العالم الاول ! لكن الفرد فيها مؤسس على العمليه والعطاء هنا لما يجيك شاب يقولك اووه السياره اخذها اخويه والا خربانه قهررر ما اقدر اروح اي مكان يبان لك قد ايش الناس هنا غير عمليين .. ما يقدروا يدبرون انفسهم ويتحركوا يعني البعض هنا اذا ما كانت اموره بيرفكت على طول خلاص تحسي انو راح يموت وهذا لأن الفرد هنا مؤسس عالكسل والإتكالية بل للاسف ان البعض صار يشوف الكفاح عيب وفشيله مثل الشباب اللي يستحون يشتغلوا شغله بسيطه يكفي بيها نفسه عن طلب اهله والناس علشان بس انها شغله بسيطه ! او عنده استعداد يطلب اهله كل شويه فلوس عشان يشتري احسن جوال مع العلم انو بإمكانه يشتري جوال بسيييط بفلوس جيبه وبالاخير كلها جوالات !! ما راح اكثر كثير لانو السؤال الثاني تندرج فيه اجابة الاول بشكل اكبر القضية هاذي كبيرة للغايه ومتشعبه بشكل اكبر كثير محاور داخلها ابدأ واقول دوله اساسا مافيها ابسط اساسيات الحياه المتقدمة زي ما شفنا يوم الاربعاء كيف بالله تجي تتكلم عن تقنية النانو بؤتمرات ههههههههههههههههههه ؟!! يعني معليش الدرج يتم صعوده عتبه عتبه القفز من اول عتبه لعاشر درجه ما ينفع ! دائما الإصلاح يكون من أعلى الهرم لأسفل الهرم وراح ادلل عالعلومه هاذي لاحقا لأنه اذا كان شيمة رب البيت ضرب الدف فـ شيمة اهل البيت الرقص ! عموما راح الخّص اللي اشوف اننا نحتاجه في نقاط 1- نحن فاشلين بسبب غياب مبدأ المحاسبة والعقاب وأيضا التشهير بأكبر مجرمين إنت لما تجيني في بلد البعض فيه معصوم عن النقد او المحاسبة اذا اخطأ شي طبيعي ان مع السنوات راح ينقلب الوضع فوضى طالما فيه فئة فوق القانون !! انا اتذكر قبل كم سنه رئيس وزراء كوريا الجنوبيه اخفق في فساد مالي المهم على طووول انفضح قدام الشعب وقرروا انه يتحاكم ع طووول مافي لعب !! بعدها كم يوم وزير الوزراء هذا انتحر لانو ما عندهم إيمان والانسان عندهم اذا فشل ينفضح وخلاص ينتحر لانو الفشل عندهم يعني حط راسك في التراب زي النعامه ! نفس الشي صار بأمريكا ايام كيلنتون يمكن كلنا نعرف قضيته لما قام بتقبيل امرأه قدام الشعب رغم انه شعب منحل أخلاقيا هل سكت ؟! هل مشوها له ؟! ابدا شب عليه الاعلام بشكل ناااري ثاني يوم طلع يعتذر يبكي بخطاب مشهووور للشعب الامريكي كله مو بس لزوجته ! الناس شبت عليه مو لانهم مطاوعه والا ماشاءالله الامريكان اخلاق مررره ! شبوا عليه لانو انتا رئيس دوله الرجل رقم 1 بالبلد القدووه تقوم تخون وتسوي حركات مراهقين ؟! 2- مصادرة حرية الرأي جريمة أخرى ايضا حرية الرأي ابدا مالها اي حدود اذا كنت داخل إطار عدم الإساءة للآخريين وبالحملة الانتخابية الثانية لبوش في امريكا لما راح لولاية آلاسكا اهل آلآسكا ما يحبوه ما يبغوه قامو رموه بالثلج وهو يخطب بينهم ما خلوه يكمل خطابه حتى هههههههههههههه ! حرية رأي يا عمي الكل سواسية اصغر واحد واكبر واحد مو عاجبني اقولك مانت عاجبني ولا اخاف ! نحن نقبع في منظومة كارثية من حرية الرأي المدير يتم قمعه من الوزير ولازم يجلّه إجلال خرافي يا ويله ينتقده الموظف يتم قمعه من المدير ولازم يهابه مليون مره يا ويله ينتقده الابن والمرأه يتم قمعهم من الموظف الأب والمدرس الأب ويا ويلهم ينتقدوه والابن يقمع زملائه واخواته .. وهكذا سلسلة متواصلة من القمع والعنف والامراض الاجتماعية تأملوا بكلامي راح تعرفوا اننا فعلا عايشين كذا ولكم مثال في اصغر مؤسسة اجتماعية اللي هي المدرسة كيف ان النقد فيها للأكبر يُعتبر جريمة تثير الغضب والعقاب ! 3- حرية البحث العلمي لازم تكون مالها حدود وهي من اساسات النجاح ايش اللي لما يجي بحث معيّن تقولي خلاص هنا خط أحمر ممنوع تكمّل والا ينام البحث بين اسوار البيروقراطية التعيسة وراجعنا بكره وراجعنا بعد سنه ! بالذمه هذا كلام ناس تبغى تتطور ؟؟!! كلنا شايفين هالايام إيران كيف عامله صداع راس لأوروبا وامريكا ومترددين الف مره قبل ما يضربوها عسكريا ليش بالله ؟! لانهم فتحوا المجال قدّام مهندسيهم واهل الكيمياء عندهم في تخصيب اليورانيم وقطع شووط كبير في البحوث العلمية لين صارت دوله مليانه بالمفاعلات النوويه ومررعبه ! نفس الشي صار مع كوريا الشمالية ولا قدرت امريكا تسوي لها شي ! امم تنتصر لنفسها يا دكتورة وتعرف ان القوة العلمية عامل مهم للحماية تعال شوف كمان كيف ان حرية البحث العلمي كانت شي جبّار لبعض الامم هتلر النازي لما تولّى الحكم بعد إسقاط الامبراطورية الالمانية دعم العلم بشكل غير طبيعي لدرجة بعد كم سنه احتل باريس تخيلوا وصورته بالاستعراض العسكري بالشانزلزيه من اشهر الصور التاريخية ! ولا قدرو يطيحوه هو وحليفته اليابان الا بعد ما اتحدوا عليه امريكا وفرنسا وبريطانيا وضرب امريكا لليابان بالقنبلة النووية كآخر سلاح يا يصيب يا يخيب !! المفاجئة العظيمة لجنود امريكا وفرنسا لما اقتحموا المانيا واسقطوا هتلر انو لقوا في مقرات الحكومة الالمانيه ألوف الابحاث النوويه والعلميه المتطوره < كيميااااء تخيلو الكلام هذا كان في الاربعينات الميلاديه ملاحظين من متى يشتغلو بس ؟؟!!!! وكلنا نعرف انو مصانع مرسيدس و bmw من ذاك الوقت تنتج سيارات < فيزياء وهندسه وكلنا نعرف ان اساس حبوب الكبتاجون المخدرة المنشطة كانت ابحاث اطباء ألمان < طب واحياء يعني هتلر هذا قال لعلماء الكيمياء .. والفيزياء .. والطب .. انطلقووا انطلقوو نبغى نكون احسن ناس ! وبنفس الوقت اهل الاجتماع والنفس حاضرين وصارت فيه حرية رأي ورقي إجتماعي ! للاسف هذا اللي كان موجود عند المسلمين ايام الخوارزمي وابن حيّان والحسن البصري وبالروايات ان الخليفة كان يحترم ويجل الحسن البصري بشكل رهييب .. مو يقوله راجعنا بكره ! إنها حرية العلم لكي نكون الافضل ! طبعا فيه محاور كثيره عندي غير اللي قلته بس راح اكتفي لأن لما تصادر حرية الرأي او يكون هناك حصانة للمفسدين وعدم نقد تتوقع ان المواطن راح يحس بالمواطنة ويحترق بالعمل والارض اللي هو فيها ويحترق لاجلهم ؟! وهل تتوقع ان المواطن راح يعرف حقوقه كمواطن ويتم احترامها في ظل هالتغييب ؟ تتوقع إن المجتمع ما راح يعيش نفاق إجتماعي فضييع عايش بصدور الناس وكاتمينه ؟! تتوقع إن الفرد راح يكون عنده قوة فكرية وهو عايش حياته كلها قمع × قمع ؟! آخر شي اللاعب الاوربي صحيح ياخذ ملايين وملايين وهو اساسا لعبه لكرة القدم خيالي وإحترافي لكن في المقابل البلد يصرف اضعاف واضعااااف هالمبالغ للتطور والعلم وإنعاش المواطن ورقي الحضارة عندهم يعني سلّم متواصل بالتطور .. بلد - فمواطن - فـ علم - فـ رقي - فـ رياضة ناجحه ايضا لكن ان تقفز قفزه رهيبه ويصير لاعب اي كلام ينطق بالثمانية برا البلد وبالخمسه من اليابان ياخذلي ملايين .. في حين ان حريّة العلم صفر عالشمال .. الا دعم البلاعات بالشوارع لإنقاذ الناس ! فأكيد وقتها الميزان مختل بشكل كارثي ولا ترتجي من لاعبنا يحترق لأجل وطنه لأنه بداخله نفاق اجتماعي وعدم إنتماء حقيقي ... ! وعملية الشعوب تقدرو تفهموها من النقاط اللي فوق والفرق بين الكسل والجدية من اكبر مواطن لاصغر مواطن ولكن قد اتعمق بالوضع الاجتماعي بردود لاحقة وأبين كيف ان المواطنة الامريكية ما تجيب شغاله الا اذا موظفه وعندها عيال عفوا يسموها مربية اطفال ومدبرة شؤون منزل ! وكيف ان السعوديه نايمه في بيتها ولا عندها عيال بس لازم شغاله عشان الفشخره ! soory عالاطالة دكتورة .. لكن سؤالك وربي هذا اقل شي ارد عليه لو برد بذمه وضمير هههه ! شكرا لك

+++++++++++++++1

معاك حبيبي
روح والقلب داعيلك