ألف مبرووك ياطلاب تم تأجيل اختبار البرمجة 202 النهائي ..

[مهموم والله]

السلام عليكم ورحمة الله وبركاته ..

مساء الخير حبايبي ..

ياشباب الحمدلله تم تأجيل اختبار البرمجة 202 النهائي اليوم الصباح وانا امس ذكرت انه راح يكون يوم الإثنين وبالفعل كان هذا يلي راح يصير لكن اليوم الدكتور عبدالرحمن الطلحي غير رأيه بعد ما تم تأجيل جميع الاختبارات حتى يلي يوم الأحد وبقية الأيام يعني الآن الجامعة مافيها أبدا اختبارات ..

وعلى فكرة كان ممكن نختبر رغم تأجيل جميع الاختبارات لكن الدكتور عبدالرحمن الطلحي فضل نكون أيضا مع بقية الطلاب وتقديرا أيضا لظروف بعض الطلاب يلي ما يستطيعوا الحضور ..

وترى ياشباب رسائلكم لها دور كبير أيضا لانه الكلية كانت محتارة لكن يوم شافت رسائل أمس يبدو انها كان لها أثر في قرار حسم التأجيل ..

عالعموم الف مبرووك ويالله استمتعوا بالإجازة

دُمتم بخير ..

[mgm]

من ناحيتناا خلصناا يعني مستمتعين بالاجازه طلاب عسفاان <<

ع العموم اخوي الله يوفقكم ان شاء الله وعساهاا خيره استمتعوا بالاجازة

.....بالتوفيق

[abodidream]

طيب كيف راح نتخصص

[abdo921]

بصراحة انت جبت لي الكآبة امس

خلاص لا تكتب في المنتدى الين بعد الاجازة

[مهموم والله]

المشاركة الأصلية كتبت بواسطة abdo921 بصراحة انت جبت لي الكآبة امس خلاص لا تكتب في المنتدى الين بعد الاجازة

ههههههه والله ياعبدو مو بيدي هذا الخبر وصل لي وانا مثلك بس قلت لازم افيد الشباب ولو تبغى تتأكد ارسل رسالة للدكتور الطلحي وراح يقولك انه حتى صباح اليوم والاختبار كان راح يكون الإثنين هذا ولو قال لك كلام غير هذا أنا مستعد ما ادخل المنتدى خير شر للأبد إن شاء الله ..

دُمت بخير

[مهموم والله]

المشاركة الأصلية كتبت بواسطة abodidream طيب كيف راح نتخصص

التخصص ماراح يتم الآن لكن راح يكون في الأسبوع الأول مع بداية الفصل القادم بعد مانختبر البرمجة 202 إن شاء الله ..

لاتشيل هم التخصص الآن لانه ماراح يصير شيء لانه متعلق باختبار البرمجة 202 لانه لها تأثير كبير في مجال التخصص فراح يتم كل شيء بعد الرجوع من الإجازة إن شاء الله ..

دُمت بخير

[The.Eagle]

لا حول ولا قوة إلا بالله

[مهموم والله]

المشاركة الأصلية كتبت بواسطة the.eagle لا حول ولا قوة إلا بالله

ونعم بالله يالنسر بس وش فيك كأنه فيه شيء مو عاجبك ^^

دُمت بخير

[The.Eagle]

لا بس

لأني ابغى اختبر بسرعة علشان عندي اشياء .....

ما علينا أهم شيء الجميع مبسوطين وعاجبهم الموعد الجديد

[مهموم والله]

المشاركة الأصلية كتبت بواسطة the.eagle لا بس لأني ابغى اختبر بسرعة علشان عندي اشياء ..... ما علينا أهم شيء الجميع مبسوطين وعاجبهم الموعد الجديد

حبيبي لعلها خير وكل تأخيرة فيها خيرة إن شاء الله وانا والله مثلك ودي اختبر واغلق واريح دماغي بس خلاص مانقول الا اللهم لك الحمد على كل حال ..

وعلى فكرة يالنسر الاختبار كان مقرر له يوم الإثنين هذا وتصدق حتى اليوم الصباح الكلية كانت مترددة جدا رغم انه صدر خبر تأجيل جميع الاختبارات بالجامعة لكن بعد عدة مشاورات قرروا انهم يأجلوها خصوصا انه عدد كبير من الطلاب اشتكوا على الموعد الجديد وطلبوا التأجيل ..

دُمت بخير