الزواج في المرحلة الجامعية ... بين مؤيد ومعارض

[ليدر أستوديو هبقات]

يإخوة ويأخوات اللي مو مفكر بالموضوع أو يخجل يكتب عادي

[bent mankoosha]

1- لساتني في بيت اهلي
ادعولي انتوا بس

2- اذا جات عليا عادي لو ما كملت دراستي, بس افضل اني اخلص عشان افضى لبيتي
بالنسبة لزوجي ما أأيد انه يكون بيدرس

3- مدري بس ما ابغى واحد ما اشتغل
حتى لو كانوا اهله مبسوطين انا ما اقدر استحمل بابت زوجي يصرف عليا

مني مادية بس افضل كدا

[نضال]

1 . ماهي حالتك الإجتماعية ؟
اعزب

2 . هل تؤيد الزواج خلال الدراسة الجامعية أم لا ؟
حسب ارادة الشخص ,, اذا كان عشقان زواج , اكيد بيكون الزواج شي مفروض عليه , اما اذا كان زي حالتي .. شاري عقله و راسه و ما يبغى يتزوج .. طبعا مافي احد يجبره على الزواج

3 . ما هي أسباب تأييدك أو معارضتك للزواج خلال المرحلة الجامعية ؟
انا أأيد الزواج في فترة الجامعه بسبب بسيط , و هي ان الطالب فينا بياخد مكافأة شهرية , و لو تزوج الواحد فينا طالبه جامعيه بتكون مكافأتين ...

اذا كان دا الشخص ساكن في بيت اهله و عنده ملحق خاص بيه هوا و زوجته .. تتوقعوا انها ما بتكون كافيه ؟؟

اذا افترضت ان السكن و الاكل و الشرب متوفر ,, بتبقى حوالي 2000 ريال كل شهر و حتكون خاصة بالخرجات و مصاريف الجيب


معظم الشباب و البنات مكافاتهم ضايعه في فواتير الجوالات , و اكيد السبب معروف ..

تلفونات اخر الليل هيا اللي بتنسف الفاتورة و توصلها لمبلغ عالي

[ليدر أستوديو هبقات]

شكرا للجميع

الأخت بنت منكوشة أسأل الله أن ييسر لك إبن الحلال وويوفقك في دراستك


أما الأخ نضال لدي بعض الملاحظات إذا تسمح
الفقرة الثالثة
( انا أأيد الزواج في فترة الجامعه بسبب بسيط , و هي ان الطالب فينا بياخد مكافأة شهرية , و لو تزوج الواحد فينا طالبه جامعيه بتكون مكافأتين ... )

الأن الطالب ما يجيه أخر الشهر إلا وهو منتف فكيف لو تزوج
بعدين المشكلة أيضا ً في تكاليف الزواج والتأثيث مو بس العيش .. أيش رأيك؟!؟!

بعدين إنت تقول ساكن ببيت أهله آكل شارب مو كل البنات يرضوا إنهم يسكنوا مع أهالي الأزواج فهي تتوقع أنها رايحة لبيت زوجها وكأنها ذاهبه إلى جنة ...




هذه مجرد أراء وأتمنى أن أرى ردودك مع كامل الشكر والإحترام

[نضال]

اتفق معاك في الكلام لكن في حالات معينة البنت بتكون راضية و موافقه و بعنف كمان

خصوصا لو كانوا اولاد عمومة او قرايب


او في حالات تانيه لو كان يجمعهم اعجاب او علاقة صادقة

اكيد حيكون الزواج بمثابة حلم لهم

[ليدر أستوديو هبقات]

أشكرك أخي نضال هلى إبدء رأيك بكل صراحة

[Taurus]

1. ماهي حالتك الإجتماعية ؟

عزباء

2 . هل تؤيد الزواج خلال الدراسة الجامعية أم لا ؟

على حسب ظروف كل من البنت و الولد يعني أتفق مع نضال ...
مثلا في بنات يقدروا يوفقوا بي الدراسة و الزواج و في تانيين ما يقدروا أو ما يبغوا..
و على حسب إذا كان الشاب قادر يتحمل مسؤولية و لا لسه و مو شرط العمر..
أما إذا كانوا بيحبوا بعض أحسن يجوزوهم أو بالقليل ينخطبوا الين ما يخلصوا..

3 . ما هي أسباب تأييدك أو معارضتك للزواج خلال المرحلة الجامعية ؟

ممكن يكون الولد يبغى يتجوز و الزواج هنا يسير واجب عليه, فالزواج في هادي الحالة صيانة للبنت و الولد من الوقوع في الغلط..
لكن أرفضه لأنو صعب التوفيق بين البيت و الدراسة خاصةً للبنات, احنا في بيت أهالينا و مافي وقت كيف لو اتجوزنا, و أرفضه كمان لأنو ممكن البعض ما يكون نضج كفاية عشان يختار شريك أو شريكة حياته ..
شكرًا..

[ليدر أستوديو هبقات]

Taurus أشكر لكي إبداء رأيك لكن أتمنى أن تتحدثي عن حالتكي الشخصية شاكر لكي إهتمامك

[Taurus]

2 . هل تؤيد الزواج خلال الدراسة الجامعية أم لا ؟

لا ..بس ممكن خطوبة..

3 . ما هي أسباب تأييدك أو معارضتك للزواج خلال المرحلة الجامعية ؟

لأنو ما أقدر أوفق بين دراستي و الزواج لأنها تاخد أغلب وقتي...
يعني أنا مشغولة على طول..

و شكرًا مرة تانية..

[ليدر أستوديو هبقات]

مشكورة والله يوفقك في دراستك