الي اختباره اساليب وطرق عمل وتاجل ـ همسه ـ

[شانزليزيه]

سلام عليكم جميعا

الف حمد لله على سلامتكم

والف لاباس عليكم من شده الاعصاب الي عشناها

ياشباب من باب حب الخير للغير والله كتبت هالحروف

انا بكلم دوامي وماني مسافر وباذن الله بختبر هالماده

ولا راح ااجلها واخذها اختبار بديل بالترم الجاي

والسبب في ذلك

الدكتور بالدوره التاهيليه قال كلام يطمن جدا

وذكر بالحرف الوااحد الاسئله لا تشيلون همها باذن الله واضحه وسلسه ومحد يرسب بالماده عندي تقريبا بالدفعه من الطلاب كلهم الا 5% او اقل وهم الي مافتحو الكتاب او فتحو الكتاب قبل الاختبار بيوم ,, وانا سالت كذا واحد من الشباب عن الدكتور قالولي اسئلته سلسه وواضحه ولا فيها لف ودوران ومفهومه

الزبده من هالكلام

خوفكم نقول اختبار بديل وتنزل عند دكتور ثاني ويلغي الي حدده لنا من اول وتالي

وتجي الماده عند واحد يرصنا باسئله تعدمنا ولا فيني اراجع الماده مره ثانيه والله

و الدوام بكلمه وخلهم يخصمونها من اجازتي حسبي الله عليهم

والله مادفعني لها الكلام الا محبه لاخواني الي معاي

اسئل الله يوفقنا ويوفقكم ويردكم لاهاليكم سالمين غانمين

اخوكم

[صقر الشمال]

يعطيك العاافيه اخوي كلاام جميل جداا ويثلج الصدر

لاكن
اخوي سبق وجانا نفس الكلاام من دكتور ووعدنا بنفس الكلاام علما وضع لنا اسئله معقده جداا

وزد ع ذلك اخطاء من قبل الدكتور الماده ووعدنا اما م الجميع وقلنا خير وصبرنا وبعد النتائج طلع العكس

نسبه الرسوب كثير وهذا يخوفني الكلاام التخدير ؟

نسئل الله لنا ولكم النجاح ويكون كلاموو صادق من قلب

[yaa wr3]

السؤال هو كالتالي :
هل الاسئلة مقاليه ولا اختيارات وصح وخطا ؟
جوابي تكفوووووووووووووووووووون

[D. ADEL]

والله اني دايخ ومحتار ولاندري من نصدق نسافر وتنحسب اختبار بديل واخاف بكرى يقولون مافيه بديل وانت حامل الماده وخذ نزول يا معدل ...ولا نروح نشوي ونوسع الصدر على الكورنيش ونحتري الاثنين ونختبر >>>> بديت اسولف مع نفسي من كثر الهواجيس

[صقر الشمال]

المشاركة الأصلية كتبت بواسطة d. Adel والله اني دايخ ومحتار ولاندري من نصدق نسافر وتنحسب اختبار بديل واخاف بكرى يقولون مافيه بديل وانت حامل الماده وخذ نزول يا معدل ...ولا نروح نشوي ونوسع الصدر على الكورنيش ونحتري الاثنين ونختبر >>>> بديت اسولف مع نفسي من كثر الهواجيس

اقول انثبر نفسي عندك كان انواع الجلد وسع صدرك وفلها وستاانس ولا خذ لك عمره ابرك لك
وخل عن الخرطي ولاتسولف مع نفسك ولا شي مالومك الضاهر الي معاك مش ولابد خلي صدرك شمااالي

[القناص06]

اخ يالشانزليزيه ماقريت كلامك الرائع الا بعد مارحت للمطار وقصيت البوردينق لكن ان شاء الله راجع وبحضرها اذا الله يسر
بصراحه انا متابع لك ولكتاباتك في المنتدى اكثر من رائعه وروحك العاليه وحرصك الشديد على زملائك وتواصلك قبل الاختبار وكذلك بعده اقف لك احتراما اخي وارفع لك القبعه فانت دائما تتحفنا بارائك النيره بارك الله جهودك ووفقك لما يحبه ويرضاه ورحم والديك ووالدينا اجمعين
تقبل مروري
اخووووووووووووووووووووك

[طـــالـــب]

اما من ناحيتي راجع للرياض الحبيبه
راح آخذ عمره بعد الفجر بإذن الله وعلى طوووول للرياض
وعشان الكلام الزين من اخونا شـانــزلـيـزيـه
راح ارجع لجده يوم الاثنين واختبر المادة هذي ومعها مادة نظم معلومات إدارية
وترى لعلمكم انه راح يكون فيه مطر يوم الاحد القاااااادم على جده والله العالم

[شانزليزيه]

الله يوفقكم جميعا

اسعدني تواجدكم

والله يجعلني عند حسن ظنكم

وباذن الله مختبرين هالماده وبحول الله وقوته

وراح نجيب اعلى الدرجات باذن الله

اخوي عادل طالما انت محتار

استخير وانا اخوك

والخيره فيما اختارها الله

وشد الهمه يا بطل

[شانزليزيه]

المشاركة الأصلية كتبت بواسطة yaa wr3 السؤال هو كالتالي : هل الاسئلة مقاليه ولا اختيارات وصح وخطا ؟ جوابي تكفوووووووووووووووووووون

عزيزي بس عشان تكون بالصوره

هالكلام كررناه كثييييييييييير

والله سالت الدكتور بنفسي وقلت يا دكتور هل بتكون الاسئله مقاليه؟؟

قالي بالحرف الواحد وابيض قلب متواجد معاي

قال ماقدر احط مقالي لان مافي وقت بالتصحيح

شباب هذا مو معناته تتخدرون وما تدرسون!!

شدو الهمه وسوو الي تقدرون عليه وحرصو بعد

يعني انا مابي هالكلام يبردكم عن الدراسه

والله بغيت اكتبه من اول بس خفت اني ابردكم ولاحد يدرس وتجي على راسي

شدو الهمه وباذن الله باذن الله ان الله يفرحني بارائكم عقب الاختبار

[ممدوح حائل]

موفق أخوي شانز أنت وبقية الاخوة

والله قلوبنا معاكم والوضع فعلا مزعج لكن الله بيعينكم ويوفقكم

أخوك مخلص الاختبارات من اسبوع لكن الدعوات لكم بان الله يسهل اموركم جميعا ويوفقكم ،،،

أخوووووووووووووووووووووووك