طريقة مراجعة ورقة الإجابة

[حربي مسالم]

سلام عليكم
ياشباب انا حطولي بالإقتصاد dn وتعرفون معناها اني ما حضرت الإختبار وهذا قمة الإستخفاف والتهميش
كيف ما حضرت وعندكم ورقة اجابتي وعندكم سجل توقيعي بالحضور !!!

وانا نويت اروح لجدة بشوف وش بروسهم ابشوف وش هالنظام اللي هم يعرفونه واحنا ما نعرفه

بس ابي اعرف وش طرؤقة طلب ورقة الإجابة او كيفية التأكد من أني مسلم ورقتي واسمي موجوود بالكشف
اخاف من اراجعهم يقولون يابو الشباب انت ما حضرت كيف ندور ورقتك وانت ما حضرت !!!

ووقتها بجد بحط حرتي بأقرب موظف عندي..

هل ارفعها شكوى لمكتب مدير الجامعة او بس اراجع الكلية ؟؟

ياليت تشيرون علي بالرأي السديد
وقالوها قبل

ما ندم من استشاااااار

[| •_• | ḎồỢốḏξ]

يمكن غلطت برقم الجامعي او ماظللته

الله يوفقك

[ترٍكي الزهرآني]

ممكن افادتنا بطريقة مراجعة ورقة الاختبار ..

[حربي مسالم]

لو لو فرضنا جدلا اني غلطت او ما كتبته صح
معا اني حريص بقووووة واراجع اكثر من مرة والله
هل فعلا خلاص اكون رسبت لأني غلطت ما فيه حل مافيه اي طريقة للمراجعة وين ورقة الأسئلة انا حال فيها والا وش الفايدة يسحبونها مننا والا علشان ما نفضحهم ونفضح اغلاطهم بوضع الأسئلة ؟؟؟

[وائل الشهراني]

انا حصلي قبل ترم نفس الشى ورحت ادارة الكليه وتعدلة لاني ما ظللت زين

[حربي مسالم]

الله يوفقك يا وائل ويوسع صدرك بالعافية

تطول الشغلة والا بسيطة لاني بجي من الرياض علشان هالموضوع وتعرف دوامات

[وائل الشهراني]

انت تجي وتسجل اسمك ورقمك الجامعي عند المسئول في كلية الاداره ويعطيك رقم تلفون للمتابعه وانت الح عليه يعطيك رقم جواله وتتعدل خلال اسبوعين الله يعينك

[ابو سيف 11]

الله يعطيك العافية معنى الدن واحصلت لاخوي اول بنفس الجامعه\

معناها انك اخطيت في التظليل رقمك او في ورقة الاجابه وعادي جدا

تواصل معاهم وراح يرصدون لك الدرجة

طريقة التواصل بالجوال ويفضل ان تحضر بنفسك

آمل اني افدتك

[رعد السعودية]

أخي الكريم
انا حصلت لي نفس المشكلة ولا حطيت حرتي بحد لن في كل رجل قسمه من الرجوله و الشجاعة انا مقدر وضعك بس الوضع السليم هو ان تعمل مثل ما عملت .
وهو بسيط جداً وهو ان تكتب معروض وتحط اسم المادة ورمزها ورقمها وتشوف تابعة لأي قسم و ترسله لنفس مدير الكلية سواء كان اقتصاد او علوم إنسانية

والله يحفظك ويرعاك أخوك رعد السعودية

[حربي مسالم]

ابمشي بشوركم

جزاكم الله خير

وبيض الله وجيهكم