دفعة 10 وتخصص إدراة أعمال ( نظم معلومات إدارية )

[It's Easy]

اول شي بالنسبة لتخصص نظم معلومات ادارية هذا سار تخصص لوحده ( يعني مو من ضمن مسارات تخصص ادارة اعمال) .. وادارة اعمال سار مسار عام ,, يعني خرجوا منه النظم والدولية وكل حاجة كانت فيه .. وكل مسار سار تخصص لوحده (( بس الدولية هوا الوحيد الي انحذف تماما من الكلية )) ...
ثاني شي عشان تدخلي كلية ادارة واقتصاد ياخذوا بالنسبة الموزونة مو بالمعدل واقل نسبة موزونة قبلوها 76 .. وبعد ماتنقبلي في الكلية ان شالله .. المرحلة الثانية حتختاري التخصص وبعدين يحطوكي على حسب معدلك والمعدل المطلوب لنظم معلومات 4.00 وما فوق .. " في بنات كان معدلهم اربعة وماانقبلوا لانو مرررة كثييرين الي معدلهم فوق الاربعة مااشالله وكثيرين الي طلبوا هالتخصص" " فاكتفت الكلية " >> ترا هذا كله على اساس الترم الي فات ماادري اذا نظامهم تغير الحين ولا لأ,, لانو امكن مو كثيرين الي يبغوا نظم هذا الترم فاحتمال ينزلوا المعدل المطلووب ... وبالنسبة للجدول عادي تحذفي وتضيفي فيه بس الافضل تاخذي زي مايحطولك (في البداية عشان ماتتأخري بعدين في مواد التخصص ) والجدول ينزلوه طبعا بعد ماتتخصصي و فيه مواد عامة حقت الكلية زي مادة احصاء اعمال وو..الخ واصلا لازم فاي كلية تاخذي عام بعدين تبدأي بالتدرج بمواد التخصص .... وطبعا تخصصات ادارة واقتصاد كلها سارت بالانجلش ماعدا الادراة العامة والقانوون .. وفي بعضها نص عربي ونص انجلش اعتقد زي الاقتصاد والمحاسبة .. اما نظم معلومات وموارد بشرية وادراة اعمال كل المواد بالانجلش ..

الله يخترلك الي فيه الخير ^^ وبالتوفيييق :)