أســـــــــئلة إختبار إدارة موارد بشريه (bus 231) د.وفاء اليافي

[نووونه]

كلنا خايفين
ووممكن انها تجيب نفس الاسئله ليه لا مع تغير كم فقره

والله ماخلصت المنهج مع اني مذاكرته من اول بس اللحين احس كل شي جديد وماادري بيكفيني الوقت اخلص ولا لا

بس توكلت على الحي القيوم

[زهرة تشرين]

المشاركة الأصلية كتبت بواسطة tooty اهلين زهره كيفك ماقصرتي الله يعطيك العافية الله يخليك زهره ابغا اعرف الاسئلة موحده والا لا ؟؟؟لاني مع استاذة سامية عشان عندي مادتين في نفس اليوم ومره حايسة .. ابغا اعرف اركز على اسئلة استاذة وفاء والا لا ؟؟ الله يخليك ردي علي بسرعه ضرررروررري.

والله أختي كل شعبه اختبرت لوحدها ,, اعتقد إنه الاســــــــئله غيرموحده والله العالم ..

أنا كتبت لكم الاسئله عشان تاخدو فـــــــكره وماتتوترو وقت الاختبار..

د. ساميه مااعرف تكون أسئلتها زي د.وفاء اولا ..

الله يعينك يارب ويسهل عليك بإذن الله ,,دعواتي لك بالتوفيق في المادتين ^_^

المشاركة الأصلية كتبت بواسطة ألف باء تاء حسبي الله , أنا ما أدري إيش سووا البنات أمس وهم يشوفوا الأسئله, مع إعتبار إني مخلصه الكتاب وقاعده أراجعه حاليا, الأسئله مو عارفه أحلها, قاعده أدور إجاباتها!!! إيش فيهم هذيلا يتفننوا في أساليب تعذيبنا وإحنا لا حول لنا ولا قوه, نتعذب في شراء الكتب, نتعذب في الغربه, نتعذب وإحنا نحفظ كتب ما تنشرح لنا, نتعذب إن إحنا نذاكر كتب خطأ وهذي وحده من المواد إللي خلصتها قبل بمذاكرة كتاب خطأ وبعدين إكتشفت هالموضوع!!! الله لا يسامحهم,! من جد الله يعينكم ياللي إختبرتوا أمس ويسهل علينا وعليكم ياكريم, إذا كانت الإجابات إختياري وإحنا نحتار كيف كذا رمونا في وسط البحر من غير تيوب ويقولوا إطلعوا من وسط المويه!

ألف باء تاء صباحك سكر ^_^

عزيزتي ..شوفي الاسئله امس أول مره اختبرمقالي بهذا الشكل لكن والله كلمة حق ..

د.وفاء من أرقى دكاترة الجامعه تعاملاً مع الطالبات , شوفي بعد الاختبار فكرت شوي لقيت

انه هي اعطتنا اسئله كثير مثلي من المحاضرات +ذكرت لنا المقارنات مهمه ..كتبتها لكم في الملف

لكن انا برضو مااتخيلت الاختبار راح يكون بهادي الطريقه ..وأمانه عن نفسي أقول موصعب

بس أنا اتفاجئت منه ..

الشي الي صحيح غيرمرضي توزيع الدرجات .. لكن فوضت أمــــري لله اجتهدت بكل مافي وســعي

الحمدلله من قبل ومن بعد ..

بالنسبه لاجوبة الاسئله عشان ماتتعبو ودورو كتبت لكم ارقام الصفحات من مذكرة هاني عرب ..

إن شاءالله اليوم تحلي كلوو صح وتجي تبشرينا ياعسل "تفائلو بالخير تجدوه "

المشاركة الأصلية كتبت بواسطة سهاام الليل بنات ممكن تجي نفس الاسالة ولا مستحيل كل التعريفات السهلة راحت ايش بقا وكل شي ممكن نحله راح في النموذج الول بنات ادعولي والله اني شايلة همممممممممممممممممم المادة وخاااااااايفة الله يستر

سهام موتررره نفسك مررررررره ليه كدا ,,اهدي شوي ..

ممكن تجي الاسئله متشابهه وكمان فقرات معاده .. بس أنتي ذاكرتي خلاص الحمدلله واخدت فكره

عن طريقة الاسئله خلاص وكلي أمـــــرك لله ,استودعيه علمك وإن شاءالله ربي يوفقك

ويلهمك الصواب في حل الاختبار , ماراح كل شي في النموذج الاول لاتخافي باقي تعاريف سهله

والله نصيحة أخت هدي نفسك وروقي أعصابك الحمدلله ذاكرتي الماده خلاص صلي ركعتين وربي

يطمن قلبك , كله إختبار في الدنيا ..اليوم أنا منتظرتك تجي تفرحينا وتخبرينا موتنسي ^_^

المشاركة الأصلية كتبت بواسطة نووونه كلنا خايفين ووممكن انها تجيب نفس الاسئله ليه لا مع تغير كم فقره والله ماخلصت المنهج مع اني مذاكرته من اول بس اللحين احس كل شي جديد وماادري بيكفيني الوقت اخلص ولا لا بس توكلت على الحي القيوم

يابنات ترى تنشرو الخوف بزياده بينكم ..لاعاد تقولو خايفين

ماشاءالله عليك دام وكلت أمرك بإذن تجدي مايسرك

الله يـــــــوفـــــــــق الجـــــميع ..