سؤال يسدح نفسه...( عن المعدل)

[мαѕooяy]

االاحصاء اللي مايفهمشي بالانقلش مايعرفشي يحللل
لانووو يعتمد اعتماااد شبه كلي على فهم المسأله

[!..RahoOofa..!]

الاحصاء صح لازم تكوني فاهمة السؤال لانو كلو انجليزي وحالات وشرح ..
انا عن نفسي احل نماذج وبروبلمز واكسرسايزز < وشوفت كل اختبار اسهل من اللي قبلو وتقريبا كلو كامل .
الاحياء تست بانك بس صدقوني مو سهل نصيحتي ذاكروه قبل الاختبار بفتتتررررررة
الكيمياء . مهما حليتي امثلة وحليتي نماذج وانتي فهمك يعتمد على الخطوات مو على الفكرة نفسهاا ماحتعدي
اناا لمن ادرس اشوف دا المثال وافكر ليش سوينا كدا وليش كدا .. الخ يعني لازم بالعربي ( فهم تام )
والدوري مانزلت عن 28 والنهائي الاغلب شافوه صعب وانا شوفتو سهل وعندي غلطة ليش ؟ عشان شي قولت انو دا سهل ومازاكرتو
والله لو كنتي فاهمة الكيمياء تدخلي الاختبار وتشوفي انو مافي شي جابوه من برا .. لانك فاهمة
بسسس هادا اللي اقدر اقولو ولا تستهينو 3 مواد
انا كل اللي درسو التحضيري قالولي ب اصعب .. فماادري .

[حلا الحلوه]

^
^
رهوفه << اتمنى اكون كتبته صح

حبيبتي مرررره شكرًا على كلامك الحلو وبصراحه ابغى استفيد من خبراتك في دي خطه ب

يعني قوليلي مين استاذاتك ؟؟ كيف كنتي تذاكري ؟؟ تذاكري قبل الاختبار بقديش( الفتره يعني)

اسفه كثرتها عليكي بس كلامك اعطني حماس

[محمد الشلوي]

المشاركة الأصلية كتبت بواسطة الحياة 07 انا طالب خطه ب وربي يالموووووواد انها صعبه موقصة تخويف بس ورب الكعبه يالكيميا انها اصعب من الفيزيا بمليووون مره والاحصا انه صعب وانتبهو تطيحو بالمقلب حقنا الي اكلناه الي هو سعيد الغاامدي نزل نمادج وقال ان الاساله نفسه بس اغير الارقام وبالاخير يحقدو المصاريه ويشكوه ويروووووحو يغيرو الاساله ويسويها واحد اسمه عكاشه ربي يجعلها في عياله ولايهنيه بحياته وصعبها كل العالم خبصت واكلت هوى اما الاحيا ادا بتحفظ قبل الاختبارات بشهر انشا اللله تمشي فيها اما قبل الاختبار باسبوع تقدر اما تجي قبل يومها بيوم وتقول بتحفظ فوق 500 سوال والله لو انة نيوتن ولا فيثاغورس الحين الي يقرا كلامي يدعي لي بالتوفيق والنجاح والشي المهم لاينزل من قيمة الماده وياخذ الحيطه والحذر وربي الامور سهاله بس مو تنزلو من قيمتها والي يقولك انه درس بخليص وبعسفان قوله ادرس بالمركز الرئيس وربي رح تعرف قيمة الدراسه بس الدف عندكم ماشي سوقه لا وزين ادا مايدوكم الاساله الله يسر لي ولجميع الطلاب وحقق امنية كل طالب وطالبه اسف ع الاطاله بس والله اتكلم من جوات قلبي مابي الي ظرني يضركم والله يوفكم

والله انا بخليص معطينا كل مادة تست بانك الفيزياء حوالي 90 سؤال وبيجي منها في الأختبار 30 سؤال
والرياضيات 120سؤال يجي منها في الأحتبار 40سؤال و25 % من الأسئلة يغير منها الأرقام

بس يعطونا اسئلة مو محلولة واحنا نحلها ولا الكمياء ولأحصاء والأحياء نفس الهرجة

بس احنا اللي طرح المعدل عندنا معامل الكمياء والفيزياء والأحياء واختبارات عملية وعليها 20 درجة

تحياتي لك ...

[fatoom sweety]

لازم تفرحوا لانه الفشل هو بداية النجاح يعني اللي فشل يقدر يتعلم من اخطاءه وينتبه المرة الجاية ويغير طريقة مذاكرته ....اما الناجح ناجح بس ما اخذ درس كيف يتفادى الفشل.
وعن خطة ب لاتسمعوا اراء الناس لان القدرات تتفاوت منهم من يحب الحفظ ومنهم من يحب الفهم ولاتسمعوا كلامهم.
وانا برايي ممكن تكون اصعب لانها كلها مواد علمية اما خطة أ فيها مادتين علمية والباقي تمخمخ فيها ......

[!..RahoOofa..!]

المشاركة الأصلية كتبت بواسطة حلا الحلوه ^ ^ رهوفه << اتمنى اكون كتبته صح حبيبتي مرررره شكرًا على كلامك الحلو وبصراحه ابغى استفيد من خبراتك في دي خطه ب يعني قوليلي مين استاذاتك ؟؟ كيف كنتي تذاكري ؟؟ تذاكري قبل الاختبار بقديش( الفتره يعني) اسفه كثرتها عليكي بس كلامك اعطني حماس

حلا انا الاحصاء كانت عندي استاذة ود ماشاء الله عليها مرا تفهم
بس انا الاحصاء اللي ركز عليا المعلومات اني كنت جداً احب احل نماذج الاولاد كمان
يعني يمكن عندي دحين 12 ولا 13 نموذج ..
فممهما جا سؤال عادي كنت احلو ..
وكنت ما افتحو قبلو باسبوع
-----
الكيميا كانت تدرسني استاذة مافهمت منها الا اول الدروس صصوتها واصي وشرحها مو مفهوم فماصرت اتعب نفسي معاها ..
الكيمياء انا اول دوري كنت افهم الخطووات واقول اني فاهمة .. جات ممكن تلاتة اربعة اسئلة ماعرفت احلها مع اني جبت فيه 28
الدوري التاني كان اسهل بس مرا غيرت طريقتي يعني كنت اقول انو انا لازم لازم لمن اقرا المثال
افهم ليش سوينا كدا وليش وليش لازم افهم
فصرت والله حتى لمن يجي سؤال اخترع طريقة غير طريققة الحل ويطلع حلي صح
وكنت اذاكرها قبلو باسبوع
--------------
النهائي ذاكرت في الاسبوعين اللي قبلها
والحمدلله جدا سهل كان يارب مايكون عندي اكتر من غلطة قولي آمين :p
بس نصيحة مني لاتسوي كدا لانو انا كل ما اقابل وحدا خطة ب تقولي اهم شي المداكرة اول باول
يعني يمكن ماينفع معاكي كدا .
فمادري

[حلا الحلوه]

^
^
مرررره شكرًا حبيبتي وان شاء الله تلاقي الي يرضيكي


وترى انا من النوع الي ما يذاكر اول باول ( يمكن زيك)

يعني استراتيجيتك في المذاكره دخلت راسي

[محمد الشلوي]

والله انا الله لايوريكم

اطلع من البيت الساعة 7الصبح وامسك خط للخليص ولا ارجع الا اذن المغرب تعبان هلكان يادوووب ارتاح

والنفسية زفت لا اكل ولا شرب والايام ذي محشوووور طبعا احنا هنااك متأخرين عنكم اختبارتنا تبداء بكرة فيزياء عملي تخيلو انتم ما تخذو عملي ولا تعرفو شي اسمه معامل احنا بالعكس معامل واختبارات عملية لكن مسهلين علينا معطيني بنك اسئلة لكل مادة بس مهي محلولة ولا اعطوناه في وقت ضيق يوم الثلاثاء الماضي وحالتنا حاله

وصابر ومتصبر على اني اجيب معدل واحول ادارة واقتصاد قسم قانون

والله يوفقنا وياكم اجمعين ...