اختباري ielts

[Brainiac]

الحمد لله على السلامة....
تقرير كافي ووافي .... ما قصرت بيض الله وجهك.

طيب أنا عندي 3 اسئلة:
1- الاختبار ما كان فيه جزء خاص بالقرامر؟
2- بخصوص جزء الاستماع ، تفريغ الاجابات يكون بنهاية كل مقطع والا بعد ما تنتهي كل المقاطع تبدأ تفرغ؟
3- أنا على خبري ان الاختبار ما فيه تظليل اجابات ، صح والا لا؟

بس بدري الاختبار مررة... دوامي اللي هو دوامي ما رحت له الساعه 8

الله يعطيك العافية.... وربي يوفقك بالمقابلة ... وتجيب سكور 9 وتكسر عينهم :)

[علاوي212]

المشاركة الأصلية كتبت بواسطة brainiac الحمد لله على السلامة.... تقرير كافي ووافي .... ما قصرت بيض الله وجهك. طيب أنا عندي 3 اسئلة: 1- الاختبار ما كان فيه جزء خاص بالقرامر؟

وجهك ابيض ياطويل العمر
اجابات اسئلتك
1- لايوجد جزء خاص بالقرامر لكن بحكم ان اكثر الاجابات كتابة 3 كلمات هنا لازم ننتبه
وفي كل الاقسام اذا كان زمن الفعل عندك خطأ تحسب لك الاجابة خطأ
بالاضافة الى جزء الكتابة واللي المفروض فيه ان المتقدم يستمر باستخدام زمن واحد للفعل
بشكل صحيح لان استخدام ازمنة مختلفة ياثر سلبا على الدرجة.

[علاوي212]

المشاركة الأصلية كتبت بواسطة Brainiac 2- بخصوص جزء الاستماع ، تفريغ الاجابات يكون بنهاية كل مقطع والا بعد ما تنتهي كل المقاطع تبدأ تفرغ؟ 3- أنا على خبري ان الاختبار ما فيه تظليل اجابات ، صح والا لا؟ بس بدري الاختبار مررة... دوامي اللي هو دوامي ما رحت له الساعه 8 الله يعطيك العافية.... وربي يوفقك بالمقابلة ... وتجيب سكور 9 وتكسر عينهم :)

2- تفريغ الاجابات في الاستماع له 10 دقايق بعد الانتهاء من كل المقاطع والتي تستغرق ما يقارب نص ساعة يعني المتقدم المفروض يجاوب على ورقة الاسئلة اثناء المقطع مو يستنى لين يخلص عشان ما تتراكم الاسئلة وينسى اي جزء منها. والشيء الممتاز في الاستماع هو ان الاسئلة بالتدرج مع المقاطع يعني اذا سمعت اجابة سؤال اجابة السؤال اللي بعد رح تكون بعدها بالترتيب بس تحتاج واحد شوي منتبه
3- الاختبار مافيه تضليل لا
فيه اختر مثلا مرتبين فقرات جزء القراءة بالحروف لكل براقراف حرف بعدين يقول لك
البراقراف يتكلم بشكل اساسي عن وفيه اختيارات. وهفيه اختر اللي يسأل سؤال وله 3 او 4 اجابات وفيه اكمل بالاضافة الى True or False.
اما زمن الاختبار فكان بدري صحيح جينا 8 لكن بدأ الاختبار فعليا حول 9 ونص وانتهينا 1 الا ربع. تعرف عدد المتقدمين كل واحد لازم يتاكدو من هويته ولازم تكون عنده سماعة مضبوطة وقلم رصاص ايضا تسليم واستلام اوراق الاسئلة والاجابات ياخذ وقت. وسلامتك
واي استفسار حاضر