I Need Help Please

[gothica]

السلام عليكم ورحمة الله وبركاته
انا جديدة في هالمنتدى.... واول سنة ليا في هالجامعة (سنة التاهيلية)
وعندي المشكلة..
قبل اسبوع تقريبا طلعت الجدول من النت.. وشفت انو مكتوب Tba عند المباني والغرف.. وانا ماعرفت ايش معناتها..
واليوم لما رحت الجامعة .. سالت وحدة من البنات عن دالشي.. قالتلي لازم تراجعي عمادة شؤون الطالبات.. لانو الغرف ومدري ايش تغير.. فرحت هناك.. وقالولي لازم تشيكي النت وتطلعي الجدول من جديد.. المهم رحت وشفت انو الموقع موقف حاليا عشان تسجيل الجداول للانتساب.. فقلت خليني اروح كلية العلوم عند الادارة واسال.. لما سالتهم وكدا .. شافو انو الجدول مافيه ارقام الشعب.. فما قدرو يساعدوني... انا عبيطة وطبعت الجدول بدون ارقام الشعب.. فمن جد اتفشلت ومني عارفة ايش اسوي.. والموق مني عارفة متى راح يفتح.. وتاني شي مني عارفة ايش اسوي بكرة لما اروح الجامعة.. ولا ما اروح؟
ابغى مساعدة الله يخليكم..

[بحار]

الله يعينك ياشيخه كتبت تعليق علشانك موضوعك يجلس في الصدارة مايدحدر يعني
باي

[صدى الآمال]

مني عارفه كيف اجاوبك
بس شوفي اللي نفس خطتك ونفس شعبك حق المواد التانيه

وبتكوني يمكن معهم في باقي الشعب

[gothica]

المشاركة الأصلية كتبت بواسطة صدى الآمال مني عارفه كيف اجاوبك بس شوفي اللي نفس خطتك ونفس شعبك حق المواد التانيه وبتكوني يمكن معهم في باقي الشعب

ما هادي مشكلة تانية.. ما اعرف بنات في الجامعة وما عندي صحبات.. ما الادارة سالتني نفس السوال..
وانا دحين قاعدة ادعي انو الموقع تفتح مرة تانية.. ان شاء الله
وشكرا على الرد

[gothica]

المشاركة الأصلية كتبت بواسطة بحار الله يعينك ياشيخه كتبت تعليق علشانك موضوعك يجلس في الصدارة مايدحدر يعني باي

مشكورة والله.. ما قصرتي..
والله يعين الجميع ياشيخة
الشكوى لله

[صدى الآمال]

ياقلبي ربي يوفقك ان شاء الله

وتتسهل معاك لا تشيلي هم قلبوو
ان شاء الله تعرفي قريب

بين اذان واقامه ادعي لك من قلبي يااااااارب يعينك وتلاقي

[gothica]

باركووووووووووووووووووووولي.. فتح معاية الموقع.. وطلعت الجدول الجديد..
الحمد لله على كل شي..واخيرا...
يلا مشكورين على ردودكم.. والله يوفقكم :)

[neen]

توي بغيت ارد عليكي واقول انهـ فتح معاكي

بس ياللهـ بالنوفيق

[Golden]

TBA

To Be Arranged تعني سيتم تحديدها من قبل القسم المختص