سؤال في الرياضيات والفيزياء>> اتمنى خطة (أ) يدخلون

[ABADI10]

اولا:الرياضيات فين احسن مدرس جمال السعدي ولا اشرف بركات ولا في احسن منهم
ثانيا:الفيزياء سمعت عن يوسف زويل يقولو كويس هل تنصحوني اروح عنده ولا في احد ثاني احسن منه
ياليت تجاوبوني اجابه مبنيه على (الدرجات حقتكم اذا كانت عاليه وشرح المدرس والملخصات والمراجعه والاختبارات اللي يعيطيكم المدرس << اقصد الخصوصي طبعا)
وفي النهايه تقبلوا تحياتي وياليت تفيدوني وشكرا

[Classic Player]

اهلين اخوي ..

نصيحتي لكـ الفيزياء ملخصات اشرف بركات ... الرياضيات جمال السعدي ..

وبالنسبه للشرح حاول تفهم مع المدرس وتكتب المحاضرات لو قدرت ..

واعتقد انها كافيه لكن اذا حاس انك مو فاهم فخذ لك مدرس خصوصي ..

وبالتوفيق

[BoOoDi =D]

و الله انا جربت استاذ يوسف زويل ملخصات و الحمد لله تمام

انت خطه ب ؟

اذا كنت خطه ب فيدنا كمان بالكيميا و الاحصاء بالله

[ُزمرد]

السلام عليكم ورحمة الله وبركــــاتــة ...

أهلين خيو ..

ب النسبة للرياضيات .. أشرف بركات لا يُعلى عليه في نظري!!
يوسف زويل وجمال السعدي حلو تنسيقهم وترتيبهم .. والتست بانك تبعهم جيييد للمراجعة لا كثر
اما كـ مذاكرة وإعتماد كلي فـ أشرف بركات طبعا ! خاصة انه افكاره اللي يحطها تجي مشااابهه للاختبار .. يعني ذاكر من اشرف بركات وحل تدريباته وليلة الاختبار حل تست بانك جمال السعدي :)

..

ألفيزيا نفس الشي اشرف بركات !! بصراحة وااااافي يعني لو جينا قارنا تشابتر 9 تبع اشرف بركات 21 ورقة !! بـ يوسف زويل 3 ورقات ؟؟ وطلعت سالم 3 ورقات !! ؟؟ ولو انه انتو ب الفيزيا ماعندكم تشابتر 9 بس برضو دا يدل على ان اشرف ملخصاته شامله وافكاره مرة مرة متنوعة وكويسة .. والتيست بانك تبع طلعت سالم للفيزيا مرررة جيييد يجي منه الجزء النظري كتير ب الاختبار !!


اممم دي وجهة نظري وطبعا في ناس ترتاح ل يوسف زويل .. والسعدي ، عشان ملخصاتهم مرتبة وتفتح النفس ...

ب التوفيييق ^ـ^

[ABADI10]

المشاركة الأصلية كتبت بواسطة booodi =d و الله انا جربت استاذ يوسف زويل ملخصات و الحمد لله تمام انت خطه ب ؟ اذا كنت خطه ب فيدنا كمان بالكيميا و الاحصاء بالله

بالنسبه لي ما اخذت اي مدرس عشان كدا ابغى اصحح غلطي في الترم التاني

لكن في الاحصاء اذاكر من ملخصات اشرف بركات لانها مفهومة وامثلة الدروس مرة حلوة وشبيهه للي تجي في الاختبار

والكيمياء درجاتي مررة سيئة لان ولا اختبار سهل خصوصا النهائي بس في ناس يمدحون يوسف زويل يقولو كويس

واتمنى انك تسأل ناس اخذوا مدرسين اكيد هم اعلم مني
اسف عالاطاله وشكرا

[BoOoDi =D]

و الله ياخي شوف اختبار الرياضيات الاخير صراحة اللي بمدرس و اللي من دون خبص فيه

أنصحك الترم الثاني الدور الأول و الثاني تشد حيلك بزياده لانهم يعتبرو و لا شي بالنسبه للنهائي

و في ناس تمدح بركات و ناس تمدح السعدي

طيب انت قلي في مدرس اسمه سيد اعتقد كيميا .. ؟!