طلاب وطالبات كلية رابغ - ملاحظاتكم على الإختبارات ليتم إيصالها إلى المسئولين بالكلية-

[هدوٍء~]

السلام عليكم ورحمة الله وبركاته
بالنسبه لي :
1_ أول شي يسألون الدكتور اللي حط أسئلة الموآرد البشريه وش يحس فيه يوم وضع هالأسئله .. وهل يعقل إنه اختبآر موآرد بشريه يكون أصعب من اختبآر المحآسبه !!
2_ ياليت انه بعد ماتصدر النتآئج مباشرة ومع بدآية الترم الثآني يحطون لنا المواد اللي بندرسهآ والمفردآت والكتب .. لأن سبب من أسباب الاخفاق هالترم التأخر في وضع المفردات واسماء الكتب .. وساعه يحطو الجدول بدون مانسدد وساعه يشيلوه وحوسه مالها اول من اخر ..!! يعني بعد ماعرفنا جدولنا وعبال مانزلت المفردات كامله واسماء الكتب كان راح نص او ثلاث ارباع الترم واختباراتنا في شهر 2 يعني يبغونا نذاكر الـ 6 مواد في شهرين !! لا مو كذا بس والاسئله اللهم ياكافي كأنهم حالفين ماحد يجيب معدل !!
3_ ياليت يرسونا على بر ونعرف ايش التخصصات المتاحه للإنتساب عشان الواحد لايقعد يدرس عالفاضي ويحدد ايش بيسوي وهل بينقل انتظام او لا او بيطلع من الكليه اساسا مو يخلونا بعد ماندرس الترم الرابع ويقولو لنا مافي للانتساب الا موارد وتسويق !! وبعد الترم الرابع انتو عارفين الان لو نزلت لنا 6 مواد مثل الترم الاول كذا حنكون قفلنا 60 ساعه ووقتها لو قالو لنا مافي الا موارد وتسويق لانقدر ننقل انتظام ولا شي !! ولانقدر نطلع من الجامعه ؟؟ وهل يعقل اني اطلع من الجامعه وباقي لي سنتين بس !! لكن من بدري قولو لنا في تخصصات اخرى للإنتساب او لا !! عشان لاتعيشونا على امل انه فيه تخصصات ولاتخلونا نروح ونشوف حالنا في كليات والا حتى معهد والا حتى نقعد في البيت ولاندفع 3000 على تخصصات مانبغاها رسونا على بر ولاتقولو بعد الترم الرابع !!
4_ وحرام جدا يكون مصيرنا موارد بشريه وتسويق وفي مننا ناس كثير علمي ومختبرين قدرات كمان وداخلين على امل يختارو مسارهم بكيفك يعني رميتونا في اخر الدنيا قلنا مو مشكله اجبرتونا ناخذ 6 مواد قلنا على راسنا والله والاسئله صعبه قلنا لجل عين تكرم مداين هالمره خلوها عليكم وافتحو لنا التخصصات حرام كذا !!! خلونا نختار مستقبلنا بكيفنا مو يعني انتساب يعني تسلبونا عقولنا وشخصيتنا وتختارو عنا تخصصاتنا طيب بالمره كان جيتو اختبرتو عنا وشلتو هم الاسئله الصعبه اللي كل دكتور يتحدا الثاني من يخلي الطلاب يطلعو يبكو اكثر !!!