سوال في ch1في الاحصاء

[!..RahoOofa..!]

احاول اشرحلك ممكن تفهمي علياا ..
يعني الراندوم سامبل
انتي تختاري دي العينة من مجتمع بالصدفة يعني مثلا تدخلي فصل تختاري اي خمسة طلاب زي كدا
تاني شي ال سيستماتك

دي مثلا يقولك من كل 10 اشخاص في الشارع اخترنا واحد .. يعني كل 10 اشخاص يجيكي واحد
ودي في الاختبار يجيكي نفس الصيغة
every tenth person you select 5

لاحظي على كلمة من كل 10 وماتفرقق كل خمسة كل ستة .. الخ
وهنا اللي يحقق معنى الانتظام
-------------------
stratified sample

هادي دحين تتكلم لو كان عندك قروبات او انتي قسمتي قروبات تاخدي من كل القروب عندك عينة بسيطة ومو شرط عدد العينة في القروب دا يساوي التاني
يعني مثلا تخصصات الجامعة
تاخدي طالبتين من الطب وطالبة من العلوم .. الخ يعني تاخدي عينة من كل التخصصات .

---------------
الكلستر
دي مثلا تكون في الاماكن الواسعة زي المدرسة المستشفى
خلينا في المدرسة
يكون مقسم عندك .. موجهات وكيلات كاتبات .. الخ
دي تختاري جزء من القروبات يعني مثلا بس الموجهات والوكيلات وتدرسسي كلللللللل اللي تحت دا القروب
لاحظي انو الستراتفايد سامبل انك تاخدي عينة من كل قروب عندك
بس الكلستر انوو تختاري قروب أو اكتر معيين تدرسي كل اللي تحتهم
عشان اوضح اكتر مثلا تخصصات الجامعة .. طب هندسة .. علوم .. اقتصاد منزلي .. ادارة

حتختاري منهم طب وعلوم
تقومي تاخدي كل كل طالبات الطب وطالبات العلوم وتدرسيهم
ان شاء الله تكوني فهمتي