ومعآنــاهـ ..

[حربية طيوبة]

السلام عليكم ورحمة الله وبركاته / ويسعد صباح الجميع بالخيرات والاخبار الحلوة

المعآناة باختصار : لاااااا للتوصية الا للي متخرجين بمرتبة الشرف !!!
- هل يجوز هذا الكلام وهذا القرار ؟!
- والحل من فين أجيب توصية ؟ وكل الطاقم اللي درسني اترحل !
....
>> المعاناة بالتفصيل للرايقين على هالصبآح

اتخيلو / بعد قطع اكثر من 200 كيلو انا والوالد من النجمة واحنا ماسكين خط اخرتها تقولي رئيسة القسم آسفة انا مااعرف مستواك الدراسي واللي اعلا منك درجات مااعطيتهم توصية ..!!
هو الواحد يفتكر شو عشاهـ عشان يفتكر مستوى طالبة اتخرجت من ثمان سنوات وماكنت هالدكتورة موجودة ..
طيب اش ذنبي لو الطاقم اتغير واترحل .. اروح ادور عليهم في مصر يعني ؟!
طيب وكشف الدرجات اللي ماسكته بااطراف اصابيعك وشهولة تقلبين فيه يمين ويسار اذا اخرتها تقولين مااعرف مستواك ؟! > والله فكرت اعطيها معقم ديتول من شنطتي بعد مااخدت الكشف منها مدري هو من طول المدى صارت فيه جراثيم والا من الدوائر الحمرا اللي ع بعض المواد
فيه مواد تخصص تقديري فيها ممتاز لو الدكتور تبعها موجود اداني توصية عليها , وبعضها جيد جدا مرتفع وجيد ولايهون المقبول والضعيف
هيه التوصية ع مادتين اكون فيها متفوقة .. وشهولة تطالعين في الدوائر الحمرا ! ليييييش التعقيد والنفسية
"ارحمو من في الارض يرحمكم من في السمااااااء "
- ومن فين اجيب مرتبة شرف وانا بعد الثانوي واحتواء العائلة الصغيرة يتغير عليه النظام لمجتمع مفتوح وطريقة تدريس جديدة وغربة واحمل مسؤلية نفسي وانا مو عارفة فين الله حاطني مثل الطير اللي طالع من بيضته ههه
هذا غير السكن الجامعي ومئات الطالبات مثل خليه النحل .. وعندي في الغرفة خمس بنات والزائرات من الغرف المجاورة للاستجمام والسوالف والاسمتاع بااجواء الغرفة والطقوس اللي اعملها قبل مااذاكر >>> شكلها مشروع مشعوذة في المستقبل ههه
-اتخيلو اخر سنة قضيتها مشاوير رايحة جاية كل يوم اكثر من 300 كيلو بس عشان انجح بدون مااحمل مواد واهرب من زحمة السكن

تعجب/ اش فيها لو كل السعوديات حصلو على الماجستير والدكتوراة بدون مايحطون لنا عقبات؟!

حكمة / ترا بعض العقبات تكسر رجول الطموح يجلس يدور على نفسة لحد مايموت >> اووم الحكم .. خذ الحكمة من أفواهـ المعانين

انا و الرقم اربعه / بعد اربع سنوات جامعة قضيتها في شقة اربعه في السكن الجامعي , اربع سنوات تعاقد في مجال التدريس , بعدها اربع سنوات زواج وشكلي حقضيها اربع سنوات وانا اجري ورا هالماستر هههه

نرجع لـ مروحة حديثنا >> موضوعي مثل المروحة لفت لفت ورجعت لنقطة بدايتها ..
كيف احصل ع توصية ورئيسة القسم سعودية للآسف نفسية > شايفة نفسها وربي لو كانت اجنبية ماغلبت

الله يوفق الجميع ويسهلها عليكم دنيا وآخره يارب
تحياتي

[جنون الطفولة]

هههههههههههههههههههههههههههههههههههه لاحول ولا قوة الا بالله ,. اجل مروحة هاه ؟؟؟
انتي بس قولي يارب تعلق على الرقم 4 ومايصير مضاعفات للرقم وتضطري تستني 8 سنوات

\
\
\


حربية ؟ تخصصك رياضيات ؟؟؟

مين رئيسة القسم الحالية ؟؟ وانتي ليش رحتي لها اصصصصصلا ؟؟؟

اذا استاذة المادة مش موجودة روحي لاستاذة مادة تانية ,. حتى لو كانت درجتك فيها مش ولا بد ,.

[بسمة الفجر 2004]

كان الله في العون

الصعوبة انك تدرسين وتكرفين بأمانة ومن ثم تتخرجين بمرتبة الشرف وامتياز كمان من جامعة اجنبية كان لها وجود منذ 5 سنوات

والان تقفلت ...... والمشكلة هالشرط طلع من سنة بس اللي هو التوصية .. حتى الشروط الثانية طلعت من سنتين تقريبا فقط

المهم الجامعة تقفلت والمدرسات الله العالم وينهم هل هنّ احياء او اموات

يعني تعجيز مع مرتبة الشرف

خليها على الله

ربي فوق كل هالانظمة والقوانين ... الله اكبر



ماادري تشكيلي وابكي لك .... الله يعين

صدق الدراسة في دول ثانية مافيه هذا التعقيد ... بس غربة البنت في مجتمعاتنا صعبة جداً

الله يعين ويهديهم ليسهلوا على الطلاب والطالبات ويلغو كل هالشروط التعجيزية في نظري ونظر الكثيرين

ماأدري وش يستفيدوا من التعقيد هذا وش يحسون ؟؟؟ الله يعين

[حربية طيوبة]

المشاركة الأصلية كتبت بواسطة جنون الطفولة هههههههههههههههههههههههههههههههههههه لاحول ولا قوة الا بالله ,. اجل مروحة هاه ؟؟؟ انتي بس قولي يارب تعلق على الرقم 4 ومايصير مضاعفات للرقم وتضطري تستني 8 سنوات \ \ \ حربية ؟ تخصصك رياضيات ؟؟؟ مين رئيسة القسم الحالية ؟؟ وانتي ليش رحتي لها اصصصصصلا ؟؟؟ اذا استاذة المادة مش موجودة روحي لاستاذة مادة تانية ,. حتى لو كانت درجتك فيها مش ولا بد ,.

ياجعل هالضحة دوم

يختي مافكرت في مضاعفات الاربعة, لو بعد ثمان سنوات راح اقدم على دار العجزة بس ياخوفي يطلبون شروط لغة وقدرات ههههههههههههههه
رئيسة القسم الحالية هيه رئيسة قسم الرياضيات في جامعة طيبة بالمدينة المنورة ههههه> وفسر الماء بالماء
اقولك الاساتذة اللي درسوني رحلوهم من بعدي , طاف عليهم طائف من ربك هههههههههه
اتبدل طاقم المصريات بطاقم نفسيات .. اقصد سعوديات
ولعبو فيني كورة على الصباح من وحدة لوحدة ورسيت على رئيسة القسم اللي ادتني كلمة شاتتني فيها لبرات الجامعة ههههه
مو هاين عليها تديني توصية وهيه ماتعرف مستواي .. وربي حالة
رحت لااستاذة ثانية تقولي هما قرر مايدو التوصية الا للي معاهم مرتبة الشرف
الرازق في السما والحاسد في الارض ..

[حربية طيوبة]

المشاركة الأصلية كتبت بواسطة بسمة الفجر 2004 كان الله في العون الصعوبة انك تدرسين وتكرفين بأمانة ومن ثم تتخرجين بمرتبة الشرف وامتياز كمان من جامعة اجنبية كان لها وجود منذ 5 سنوات والان تقفلت ...... والمشكلة هالشرط طلع من سنة بس اللي هو التوصية .. حتى الشروط الثانية طلعت من سنتين تقريبا فقط المهم الجامعة تقفلت والمدرسات الله العالم وينهم هل هنّ احياء او اموات يعني تعجيز مع مرتبة الشرف خليها على الله ربي فوق كل هالانظمة والقوانين ... الله اكبر ماادري تشكيلي وابكي لك .... الله يعين صدق الدراسة في دول ثانية مافيه هذا التعقيد ... بس غربة البنت في مجتمعاتنا صعبة جداً الله يعين ويهديهم ليسهلوا على الطلاب والطالبات ويلغو كل هالشروط التعجيزية في نظري ونظر الكثيرين ماأدري وش يستفيدوا من التعقيد هذا وش يحسون ؟؟؟ الله يعين

ونعم بالله ... الله يفرجها عليك وعلينا
" لاتقنطو من رحمة الله "
حزنتيني نسيت همي وحسيت اني ابي اخفف عنك
وبجد شو يستفيدون من التعقيد ؟! شو فيها لو كان مجتمعنا مثقف ,خاصة ان اللي يبي يكمل الماستر بيكون رغبة منه في العلم .!
لابد ربك يفرجها

[جنون الطفولة]

المشاركة الأصلية كتبت بواسطة حربية طيوبة;3328693[color=dimgray رئيسة القسم الحالية هيه رئيسة قسم الرياضيات في جامعة طيبة بالمدينة المنورة ههههه> وفسر الماء بالماء [/color]

اوف اوف اوف ,. لاتقولي ؟؟
<ترا ماعرفتها .. بس مصدومة انها ماسكة جامعتين ,.
يعني من قلة العالم اللي تبغى الوظايف

انا اخر عهدي بالسنة الماضية كانت سلمى الطويرقي
بس هادي الادمية ذوق ,. معقول كدة قالت ؟؟؟

المشاركة الأصلية كتبت بواسطة حربية طيوبة;[color=dimgray رحت لااستاذة ثانية تقولي هما قرر مايدو التوصية الا للي معاهم مرتبة الشرف الرازق في السما والحاسد في الارض .. [/color]

شكلي راح امسك بالتوصيات اللي عندي بيدي واسناني
وما اقدمها الا لو ضامنه الوظيفة او الماستر ,.


ياشيخة حسبي الله عليهم ,. والله والله والله اخويا يحكيني حكاوي ,.
شطر الطالبات هذا زي العصابة كله على بعضه محد قدر يدخلهم من الرجال فشطر الطلاب حتى ,. سيئات لابعد درجة ,.
وقسمآ بالله حتى المعيدات اول ما يعلنوا ويفتحوا باب التقديم يكونوا محددين مين اللي حياخذوهم ويقبلوهم ,. الكلام هذا على لسان اخويا اللي سمعه بآذنه ,.

وبإذني سمعت فمكتب من المكاتب بالجامعة فترم تخرجي
وحدة تقول لزميلتها (يافلانة بنعلن عن وظيفة اذا عندك احد تبغي توظفيه قوليلي قبل ما انزل الاعلان)


مابالك عقد الرياضيات ؟؟ اللي ماخلتهم يشوفوا لابعد من اصابيع رجلهم الصغيره
ومافيه اتصال بين عقولهم واجسادهم ,. فيه نقاط حرجة بالهبل

ما اعرف ايش نعمل يعني ؟؟؟ نقبل الوظايف والمعيدية بالطرق الملتوية ؟؟
والله اقدر اخذها بغمضة عين وقبول بتوقيع اخويا بس والله لا هو ولا انا نقبل نعمل الشي دا

ما اعرف كيف يقبلوا ياكلوا حرام ,. والله يعتبر حرام لانه فيه ناس اولى بالوظايف هاذي

<تتنهد تنهيدات كسرب حمام من بغداد الى الصينـ ـي

[طموحهـ ولكنـ]

الله المستعان ..

ماهذا التصرفات التي لاتليق بمسلم ؟؟

كان الله في عونك .

[حربية طيوبة]

بس هادي الادمية ذوق ,. معقول كدة قالت ؟؟؟

هذا اللي قالته لي للأسف .. شكلها معصبة وفرغت شحنتها فيني .. ياحرامها وربي اني طيوبة كسرت بخاطري

شكلي راح امسك بالتوصيات اللي عندي بيدي واسناني وما اقدمها الا لو ضامنه الوظيفة او الماستر ,.

ولو تودعيها في البنك يكون اضمن هههههههه

تسلمي ياجنون ربي يسهل كل امورك دنيا واخره يارب (f)

[حربية طيوبة]

المشاركة الأصلية كتبت بواسطة طموحهـ ولكنـ الله المستعان .. ماهذا التصرفات التي لاتليق بمسلم ؟؟ كان الله في عونك .

كان الله في عون الجميع يارب .. بعض الخطوات سهلة لكن تصعب مع الموكلين عليها

تسلمي طموحة على المرور و الدعوة ..