تنمية موارد بشريه مع طلق السواط اللي مدري وش يبي

[أبو إبراهيم الرياض]

شوفي أختي أنا عندي موارد بشريه أخر يوم بالمواد عندي وهو الأسبوع الجاي يوم الثلاثاء وعندي ملخصات لها قد أختبروها زملاء أعرفهم وأخذت منهم الملخصات وما فتحتهم ألين الحين لاكن الماده مبين أنها دسمه ومن ناحيت الكتب مستحيل أذاكر من كتاب خصوصاً بهالوقت لأن الكتاب يبيله أقل شي شهر قبل الأختبار تراجعين فيه على شوي شوي أما ما بقى الا أسبوع وبذاكر بالكتاب عز الله أني ما خلصت ،،،

وأغلب الدكاتره ما يمدحون ولا يوصون ويحذرون من الكتب علشان أغلبهم هم ألي مألفين الكتب فهو يبي مبيعاته تمشي أو له نسبه ما أدري وش طريقتهم بس يبيك تشتري الكتاب ولا تعتمد على الملخصات المشكله أن الكتاب محشو حشو والملخص أغلب ألي ملخصينه ما شاء الله عليهم عارفين وفاهمين ومطلعين المهم من الكتاب بس بأختصار ،،،

وبالأخير هذا شي راجع لك من ناحيت المذاكره من الكتاب أو الملخص بس أنا أذاكر من الملخص أختصاراً للوقت والجهد والمطلب واحد وهو النجاح بالماده ،،،

وبالتوفيق لك وللجميع ،،، مع أني دايم أتسائل هل جميع المواد نفس بعض من ناحيت الطلاب والطالبات يعني لو طبعت أي ملخص من أحد الطالبات هنا بالمنتدى هو للطلاب والطالبات والا تختلف المناهج ...

وأسف للإطاله والله يوفقنا ويوفق الجميع ...