الى د.عماد الحسن مع التحيه

[معيدة ان شاء الله]

السلام عليكم ورحمة الله
انا حابه ان شاء الله اقدم على ترجمه مهنيه وجبت في الستيب 84 اي مايعادل 400 توفل واعتقد ان شرط اللغه 97 جدا متعسف وصعب علينا ياليت تساعدنا في هذا الموضوع او ترشدنا لطريقه نطلب من عمادة الدراسات العليا التفاهم بالنسبه لشرط اللغه خصوصا انه مايمثل الا 10% وكذا ماهيه تخصصات اللغة الانجليزية اللي بتنزل؟ شاكرة ومقدرة جهودك في هذا المنتدى واللي حاب يبدي رايه في هذا الموضوع يشارك او يرفع الموضوع الى ان يتم الرد شكرا

[Brainiac]

هلا بك..

هذا رابط فيه اقتراح مشرفنا الاستاذ عماد الحسن واختنا "شتاء يختزن الرعود" بخصوص نفس الموضوع http://www.skaau.ws/vb/showthread.php?t=307849

بس انا اقترح انك تختبرين توفل أو ايلتس لان تحقيق الدرجة المطلوبة راح يكون أسهل مقارنة بالدرجة الخرافية في الكفايات.

بالتوفيق ان شاء الله... ويا رب تكوني من المقبولات...وتكوني معيدة بعد!

[معيدة ان شاء الله]

المشاركة الأصلية كتبت بواسطة brainiac هلا بك.. هذا رابط فيه اقتراح مشرفنا الاستاذ عماد الحسن واختنا "شتاء يختزن الرعود" بخصوص نفس الموضوع خطاب لإدارة الجامعة عن مشكلة التوفل للماجستير العام وماجستير الترجمة بس انا اقترح انك تختبرين توفل أو ايلتس لان تحقيق الدرجة المطلوبة راح يكون أسهل مقارنة بالدرجة الخرافية في الكفايات. بالتوفيق ان شاء الله... ويا رب تكوني من المقبولات...وتكوني معيدة بعد!

مشكورة عزيزتي على اهتمامك هل معنى كلامك انه التوفل والاليتس اسهل من الستيب ما ادري دخلت الستيب حسيته سهل بس بالنسبه للمحادثات كان بعضها مستحيل بسبب الصوت والباقي كان سهل وما عمري دخلت التوفل ولا الاليتس وحاسه انهم اصعب ..... طيب اختبار الستيب الجاي بيقبلوني فيه ولا لازم يعدي سنه سووووري على الاطاله

[Brainiac]

أنا اخوك :)...

أنا بأقولك كلامي كنصيحة... والقرار بالنهاية يرجع لك.

لما تجيبين 97% بالكفايات ، هذا معناه انك راح تجاوبي على سؤال او سؤالين بشكل خاطئ وباقي الاجابات تكون صحيحة ... واختبار زي كذا ، لازم يحطون tricky questions.

التوفل والايلتس بشكل عام أصعب من الكفايات ..... بس فيه امكانية اكبر انك تجيبين الدرجة المطلوبة ... وللمعلومية ، لما اختبرت التوفل جبت تقريباً 80 من 120 ... وانا داخل كمعلومات عامة ومن غير اي مراجعه.... وبجزء الاستماع تحطين سماعات على اذنك وتسمعين المحادثات... يعني الصوت حيكون جداً واضح وانتي اللي تتحكمين فيه.

لكن بالتوفل والايلتس في جزء محادثة اسمه speaking .... في التوفل يسأل سؤال.. وانتي تجاوبي من خلال المايك اللي بالسماعة .. وبعدين يقيمون جوابك ويحطون الدرجة...... اما في الايلتس لا ، تجلسين قدام وحده زي المقابلة... وتسألك مجموعة اسئله وانتي تجاوبي عليها بالانجليزي... وبعدها هي اللي تقيم مستواك.

بجميع الاحوال ، راح تقدرين تدخلين اختبار الكفايات الجاي.... وممكن عشان تكوني في ال safe side ، تختبرين كفايات وبرضو توفل... عشان ان شاء الله اذا ما قدرتي تجيبين الدرجة المطلوبة بواحد من الاختبارات ، تقدرين تجيبينه بالاختبار الثاني.

بالتوفيق ان شاء الله

[عماد الحسن]

عليكم السلام ورحمة الله ونرحب بالأخت الكريمة مع الشكر لأخينا المبدع http://www.skaau.com/vb/member.php?u=115868 لتفضله بالإجابة،

درجتكم ماشاء الله رائعة جداً في ستيب وهي تساوي 500 في التوفل وليس 400، وبهذا المستوى المميز أعتقد أنك ممكن تحصلي على 95% وأعلى في الاختبار القادم بحول الله.، وعلى أي حال الخطاب موجود وسأقدمه إدارة الجامعة في الأسبوع القادم والله يسهل عليكم شروط القبول لماجستير الترجمة، أما المال الآخر لكم فهو ماجستير الانجليزية العام.
وفي شهر 3 يفتح التقديم ونعرف كل المجالات الممكنة إن شاء الله.