اللي بيختبر بالدمام ياليت يدخل يفيدني

[أبو نايف 2009]

بالله ذا سؤال وش تلبس


لا يكون ناوي تلبس جنز وربي يتكدر خاطري وألخبط في الحل لو أشوف لابس جنز طفشنا منكم في الشارع بتلاحقونا حتى في الإمتحانات ألبس زين وأتسنع


عجزان تجيب ثوب للخبر ترى الدعوة قماش خفيف لا تفكر الثوب خيمة بتلبسها حتى تقول ثقيلة عليك

[سامي السليمان]

هههههههههههههههههههههههههههههه

وشفيكم على الرجال خلوه يلبس الى يبي حنا وقت اختبارات او ازياء ياعمي وسع صدرك بخصوص استفسارتك ؟؟؟

1- بخصوص الالة جيب اي اله ولكن يفضل الة casio موديل fx991es وتراها هي الى بتحل في الرياضيات مهوب ثوبك عفواً مهيب شطارتك وبتسهلك الاختبار اذا عرفت تستخدمها لأنه مخصصة للمعادلات وتوني شاريها ب 70 ريال وقالى اخوي لعبو عليك،،،

2- اما بخصوص القلم البنسل او الرصاص اتوقع اي قلم رصاص يفي بالقرض؟؟؟

3- على الطالب احضار قلم رصاص وقلم حبر والة حاسبة (ملطوش من تعليمات الجامعة)

4- حضور الطالب لمقر الاختبار قبل الموعد على الاقل بنصف ساعة (برضوا ملطوش)

5- لا يمكن دخول الطالب بدون اثبات هوية بالبطاقة الجامعية والجدول الدراسي للطالب (سيم سيم الي فوق)

6- بخصوص موقع الاختبار فا ابوصفلك مكانهم او حول مكانهم ونت على طريق الدمام الجبيل طبعاً جاي من الظهران او الاحساء متجة للجبيل يجيك شارع بن خلدون (سابقاً)روح معه يمين يعني ادخل على بن خلدون ومسك الخدمة على طول بتجيك اول اشاره روح من عندها يمين وبتل بتجيك اول اشاره خلها ومش شوي بتجيك لفة يمين روح معها الزبده او الى هنا حدي وبعدها مدري وين يكون الموقع؟؟؟

لاكن هذا رقم الشركة العالمية للتعليم والتدريب اتصل عليهم وهم بيعلمونك 8001243113

وبالتوفيق لي ولكم بالنجاح والتفوق والماجستير والدكتوره واعلا المناصب

[سقراط الغريب]

بالتوفيق لكم ..

بالنسبة الى الحاسبة عادي اي نوع ..

اي قلم رصاص عادي ..

راح تجيكم مع ورقة الامتحان مسوده..

ونصيحه مني المسودة اذا جاتك حاول تحل فيها المعادلات مع وضع القوانين الخاصه لها ..

وارفقها مع ورقة الامتحان اثناء التسليم ..

لأني سويتها الحقيقه واعتقد بعد فضل الله جبت درجة النجاح بسببها ..

الله يسهل عليكم ..

[أبو نايف 2009]

اي بالله ضحكوا عليك سامي



توني شاريها من الشارع التجاري ( شارع أبو بكر الصديق ) بـ 35 ريال من الأصمعي

[سامي السليمان]

المشاركة الأصلية كتبت بواسطة أبو نايف 2009 اي بالله ضحكوا عليك سامي توني شاريها من الشارع التجاري ( شارع أبو بكر الصديق ) بـ 35 ريال من الأصمعي

هلا بك الشكوى لله يابونايف خذيتها من فرحتي يوم لقيتها فريت كذا مكتبة ولا لقية عندهم الاله ذي وشريتها ونا مقمض ابي النجاح الله يوفقني وياكم...

وعلى قول المثل الى ما يدري ينام بدري