طالب متوهق .. ارجوو المساعدة ..؟

[همس الوفا]

السلام عليكم ورحمة الله وبركاته


انا طالب انتهيت من السنه التحضيريه بعدين تم قبولي في كلية ادارة الاعمال برابغ

لكن ولظروفي الخاصه ماتابعت وش صار ولا سددت الرسوم .. والمشكله ابي ادخل على صفحتي

في الايدوس ومايقبل معي .. مدري وش المشكله ..

الحين ابي الحل وابي اغير من كلية ادارة الاعمال الى اداره عامه .. وش الطريقه

اتمنى تفيدوني بكل التفاصيل ..وآسف على الاطاله

[ناصر الرويلي]

الله يهديك بس المفروض انك متابع التقويم الجامعي وتهتم بالامور الدراسية حتى مايضيع عليك الترم

وحاليا اعتقد راح عليك الترم هذا لانك ماسددت واذا انك موجود في جدة روح للجامعة وبلغهم ضروفك وسدد وإن شاء الله يمشونها لك

وبالنسبة لدخولك للاودس مافي شي يمنع انك تدخل الا اذا انك مضيع الرقم الجامعي والباسورد

بالنسبة لتغيير التخصص روح للشئون التعليمية بالجامعة وقدم طلب تغيير او ارسل معاملة الكترونية بهذا ا الخصوص

وبالتوفيق لك

[read candl]

وعليكم السلام ورحمه الله وبركاته

لسع باقي وقت لتحديد المسار وايقونه التخصص فالاوديس موجوده الى اليوم مع انك متأخر كثيير بس الظروف ظروف

اللي عليك تسدد وتلحق تتخصص وتشوف جدول اختبارك

والله يوفقك يارب

[همس الوفا]

.

مشكور اخووي ناصر على التوضيح .. ظروف عملي ما خلتني اقدر اتابع

وانا حاليا في جده كورس للعمل

واذا بروح للجامعه اي قسم تنصحني اروح له .. والله يبيض وجهك

* اذا راح علي الترم هذا هل اقدر اواصل الترم الجآي من حيث انتهيت .. او بيخلوني ادرس سنه تحضيريه مره ثانية ؟؟؟

[همس الوفا]

.
الاوديس ماقدرت ادخل له .. مع اني متاكد من الرقم السري .. يطلع اسمي بالانجليزي فوق يمين بس صفحه خاليه من اي معلومات او ايقونات .. عدا

خروج
تغيير كلمة المرور
تحديث البيانات

مدري وش المشكله ..؟؟

[ناصر الرويلي]

المشاركة الأصلية كتبت بواسطة همس الوفا . مشكور اخووي ناصر على التوضيح .. ظروف عملي ما خلتني اقدر اتابع وانا حاليا في جده كورس للعمل واذا بروح للجامعه اي قسم تنصحني اروح له .. والله يبيض وجهك * اذا راح علي الترم هذا هل اقدر اواصل الترم الجآي من حيث انتهيت .. او بيخلوني ادرس سنه تحضيريه مره ثانية ؟؟؟

الله يعين إن شاء الله حلو دامك في جدة روح للشئون التعليمية التابعة لكلية الادارة والاقتصاد اللي بجانب مبنى 125 وروح مشرف شئون الانتساب وبلغه بالمشكلة والحين برسل لك رقم جوال موظف على الخاص من الموظفين المسئولين عن الامور هذي

وبالنسبة للترم هذا اذا حبيت انك تاجل مايمنع من ذلك والترم القادم تبدأ من اخر مابديت

وبلغني وش يصير معك

وبالتوفيق لك

[read candl]

طـيب سوتحديث لبياناتك يمكن يمشي الوضع ويرجع طبيعي

واذا تقدر تعطيني رقمك والباس واشوفه لك التخصص وبعدين انت غير الرقم السري

اذا تقدر

[read candl]

او تعطيه الاخ ناصر ويشوفلك اياه

[همس الوفا]

مشكووووور اخوي ناصر ومشكوووره اختي ريييد

بيني وبينك انا ابي ااجل الى الترم الجآي . لأني مشغوول حدي ولا ودي اغامر وادخل الاختبار وانا ما استعديت له

الله يوفقكم ومشكورين على التوضيحات ..


* سويت تحديث بيانات للاوديس ومانفع ....!

[ناصر الرويلي]

اعتقد المشكله من عندك اخوي انا الحين جربت وفتح معاي الاودس

واي خدمة ثانية انا حاضر وروح شوف الخاص حقك لاني ارسلت لك رسالة