طفشت وتعبت من المذاكره

[عبير العسيري]

يا ناس انتو مثلي ؟؟؟

تجيني طلعات غريبه ايام الامتحانات

اشياء ماعمري سويتها وايام الاختبارات صارت تعجبني

زي الجرايد اللي عمري ماقريتها صار لها طعم الحين

وقناة العربيه اللي اكرهها صرت اتابعها

وتجيني حالات اقوم اطبخ باوقات مالها داعي

توني مسويه قدر مضغوط ومافيه الا انا اللي باكله

واحيانا اجلس اقول بهيء كل شي عشان اذاكر

واروح اخذ دش واغير لبسي واجهز الشاهي وازبط القعده واحط المركى واجهز القلم والدفتر الييييييين يروح علي ساعتين

وفي الاخير اجلس ارسم عين ورموش على الورقه

والا ادق على الطاوله بيديني واغني انا يابويه انا

يعني ماتجيني هذا التناحه الا وقت الامتحانات ويضيع الوقت

وشوي شوي الا وانا على منتديات طبخ وازياء ومقاطع امريكان بست تالنت ع اليوتوب

الله يفرجها بس