لماذا يتزوج الخليجيون المغربيات ؟‎

[أحـمـد ظـافـر]

ياللي تقولون :

الزين عقب المغربيات ينعاف
غيد لهن بالزين ذكره و سيره
فيهن حلا طاغي ولين و تعطاف
وفيهن حنان يشعل القلب غيره
حلوات وصف وفاهمات بالاعراف
زيننات منطق صافيات السريره
بنات قوم طيبهم غصب ينشاف
اولاد مغرب بالليالي العسيره

الرد عليه يقول :

يابن الحلال ان طعتني خل الاسراف
واترك جمال الغيد لاهل البصيره
الزين موبس في الملامح والاوصاف
الزين روح وعفه وطيب سيره
مانيب من يهوى سريا وانصاف
انا هواي وبس بنت الجزيره
بنت الخليج اللي تماري بالاعراف
وحنا نماري باسمها كل ديره
اللي تحلاها الظبي حلو الاطراف
جمال في عفه ورقه وغيــــــــــــــره
واللي بها سحر مهو سحر عراف
ياعل عين ماتراها ضريره
عطف وحنان وذوق في لين الاعطاف
والى كشفت لثامها شفت أميـــــــــــــــــــــره
بس أنت دورلك على قدك لحاف
وان طعتني دور بدلنا عشيره