أتمنى افادتي (طلاب الهندسة الصناعية)..الكرام التفضل

[rakan]

المشاركة الأصلية كتبت بواسطة جنتل الصناعية والله يا rakan انا كنت ادور عليك لاني كنت محتاج افادتك بحكم اني من المتابعين لردودك واحس انك قريب لكل الموجودين بالهندسة الصناعية فانا اتمنى التواصل بيننا موجود .... يعني 322 برايك كيف اتعامل معاها بشكل سليم واقدر اخذ درجة كويسه؟

هلا أخ جنتل

حياك الله معنا

بالنسبة لمادة ال 322 ... فزي ماذكرت سابقا اني أخذتها لما كانت C++ ..وطبعا هناك فرق كبير بينها وبين ال C# التي تدرس حاليا

وأهم شيء في مواد البرمجة عموما .. انك تبدأ تطبق مادرسته على طول أول ماتخلص المحاضرة ... لأنه زي على قولة واحد ... البرمجة زي سواقة السيارات .. لو علموك كل شي نظري في السواقة .. ماراح تتعلم الا بعد ماتسوق فعليا وبنفسك

واذا واجهت أي صعوبة .. على طول روح للدكتور منظور .. وهو أكيد ماراح يقصر معاك أبدا .. حتى لو تطفشه أسئلة ماراح يكون عنده مانع ... أهم شي انك تفهم وتتعلم

ووقتها إن شاء الله راح تاخد درجة مناسبة على قدر جهدك وفهمك في أمور البرمجة

اسمع عن شباب ياخدوا دروس خصوصية في المادة .. مع اني ما أحبذ الدروس الخصوصية ... خصوصا اذا كانت مادة برمجة ... يعني مافي قوانين أو قواعد معينة وثابتة زي الرياضيات والفيزياء

ونصيحة مهمة .. حاول انك ماتغيب ولا محاضرة ... لأنه مواد البرمجة محاضراتها ودروسها تعتمد على بعضها .. فاذا غبت محاضرة .. فمن الصعب جدا تستوعب المحاضرة اللي بعدها

وبالتوفيق إن شاء الله .. وحياك