أوبرا تتحدث عن السعوديات

[قلب البحار]

المشاركة الأصلية كتبت بواسطة soma al7elwa طبعا محد طلب اننا نتخلى عن الحجاباو اامعتقدات والافعال الدينية عشان نرضيهم بس خاطبوا الناس على قد عقولهم يعني العادات هنا غير اللي هناك نحاول نجيب شي وسط يتماشى مع ديننا في نفس الوقت ما ينفرهم مننا لاننا محتاجين الصور تتحسن في العالم كلو ومحتاجين انو يسلم احد بسببنا ومحتاجين حسنات فممكن كدا تعطي اي واحد يشوفك برا دافع انو يبحث عن دينك بدل ما احنا ننفر المسلمين عن التمسك بالدين فما بالك باللي برا

بالنسبة لعاداتنا وتقاليدنا لو تطلع براسك نخلة انتي واللي مو عاجبه عاداة السعوديين وتقاليدهم
ماراح نتركها شخصيتنا اسلامية وعمرنا ماراح نتأثر فيهم
ناخد منهم العلم والتقنية ونطورها ونعمل عليها
لكن ثوابتنا , أخلاقنا ,
مستحيل نتخلى عنها أو حتى نتخلى عن شعرة منها عشان غيرنا يقتنع فينا اللي يبغانا يبغانا زي ماأحنا
اللي يبغى الاسلام لازم ياخد الاسلام كما انزل ولكل واحد عقل يفكر فيه يعرف فيه الخير من الشر والخير والشر موجود بكل مكان وفي كل زمان
وكل انسان معرض للصواب والخطأ ,

أتمنى من الادارة انها تضع حدا للمهاترات والمجادلات على قيمنا وتقاليدنا وعاداتنا ممن بوقدون
في كل رد من ردودهم شرارة نحن في غنى عنها وعنهم

[عاشق الفهد]

المشاركة الأصلية كتبت بواسطة soma al7elwa طبعا محد طلب اننا نتخلى عن الحجاباو اامعتقدات والافعال الدينية عشان نرضيهم بس خاطبوا الناس على قد عقولهم يعني العادات هنا غير اللي هناك نحاول نجيب شي وسط يتماشى مع ديننا في نفس الوقت ما ينفرهم مننا لاننا محتاجين الصور تتحسن في العالم كلو ومحتاجين انو يسلم احد بسببنا ومحتاجين حسنات فممكن كدا تعطي اي واحد يشوفك برا دافع انو يبحث عن دينك بدل ما احنا ننفر المسلمين عن التمسك بالدين فما بالك باللي برا

خلاص فهمت انا من اليوم ورايح بترك العلماء وبترك كتب ابن باز وابن عثيمين ورايح استقي ثقافتي من قناة اقرأ بصراحة قناة يفتخر كل مسلم بها فهي قناة تجمع بين الدين والدنيا وخاصة قنوات السينما والاغاني وبصراحة فهمت من الشخص المنفعل هذا انه يقول سوي معاصي زي ماتبغى ترى الله غفور رحيم تبرجو يانساء المسلمين ترى الله غفور رحيم يامريكان قتلو ابناء المسلمين واغتصبو نساءهم ترى نحن مسالمين ونحبكم بعد
لعنة الله على كل فاسق منافق ووالله لو اي شخص من هؤلاء اصحاب الكلمات الرنانة عاش يوم من ايام بغداد الحزين لشعر بالماسأة التي يعانونها اخواننا هناك

[soma al7elwa]

اخي قلب البحار

عاشق الفهد

نعم الاسلوب في الدعوة الى الدين

فعلا تفتخر الامة بوجود دعاة من امثالك يمثلون الدين الاسلامي

بارك الله فيك اخي العزيز


عرفتوا ليش اوبرا تقول عننا دا الكلام

اهي امثلة حية على ارض الواقع

الحمدلله ربنا ارسلنا هم عشان تدعم بالوقائع

[قلب البحار]

.................................................. ......

[*Casper*]

المشاركة الأصلية كتبت بواسطة سوار العسل أوبرا امرأة عظيمة و يا ليتها بس تقول لا إله إلا الله

معليـــــــــــــــش !!!
ممكن تخبرينا على أيه شايفتها عظيمه ..؟؟
الشباب يقولوا عكس كذا ...

ياليت تخبرينهم ...

[قلب البحار]

المشاركة الأصلية كتبت بواسطة soma al7elwa اخي قلب البحار عاشق الفهد نعم الاسلوب في الدعوة الى الدين فعلا تفتخر الامة بوجود دعاة من امثالك يمثلون الدين الاسلامي بارك الله فيك اخي العزيز عرفتوا ليش اوبرا تقول عننا دا الكلام اهي امثلة حية على ارض الواقع الحمدلله ربنا ارسلنا هم عشان تدعم بالوقائع

أي أسلوب وأي خرابيط أنا الان ما بدعوا للدين أنا بدافع عن تقاليدي وديني وثقاففتي ( أرجو انك تستوعبي كلامي )

الحمدلله أعرف ماذا أقول وأنا أختلط بالأجانب في عملي بكل جنسياتهم والحمدلله كلهم يحبوني ويثنون علي
ومو محتاج شهادتك
لكن لم أكن يوما من الأيام لأتنازل عن ثقافتي وعاداتي هم نفسهم أعجبو بتقاليدي وعاداتي وانتي تجي تقولي
أوبرا عظيمة ومدري ايش , أنا ماغلطت عليكي بكلمة انتي او غيرك بكلمة لكن لما تجي تذمي طباعنا وثقافتنا انتي والاخت سوار وتعمموا الشر في الشعب السعودي

مو لازم أتنازل عن ثقافتي وعاداتي وتقاليدي وديني عشان أرضي ناس ثانية
ترا انتي أو غيرك مهما قلتو او اتكلمتو
ربنا من فوق سبع سماوات قال (ولن ترضى عنك اليهود ولا النصارى حتى تتبع ملتهم)
ومهما اتنازلتي ماراح يعجبهم
ولما تبي تدعيهم للاسلام لازم تتمسكي بالاسلام الحقيقي مو اني اتنازل عن اي شي من ثوابتي عشان ارضيهم
مو طول عمرنا أمهاتنا واباءنا عايشين قبل عشر سنوات واكثر وكانو متمسكين بتقاليدنا وثاقافتنا ودينا أكثر من الوقت الحاضر مع ذلك كانو لما يسافروا ويشوف الاجنبي ان اللي امامه سعودي يرفعله قبعته احتراما له ,, ولاكانو زي ماتقولي مثل الان الواحدة في بلدها متحجبة ولما تسافر ترمي العباية
او شاب هنا متمسك بدينه يسافر عندهم ويسوي الهوايل ,, مو مين سبب هذا الشي اللي بيصير مو جماعة
اوبرا اللي جالسين يقتلو في المسلمين , طيب اوبرا ليش ماتكلمت عنهم شعوب تباد وعادي
ولما تصير مشكلة هنا صارت طامة وعمموها على الكل ,, طيب ماأمس بقرأ جريدة أمريكي قتل أفراد عائلته كلهم ترا والله يا أختي كل مكان فيه الخير والشر السعيد من اتعظ بماا يحصل لغيره ويتعلم من اخطائه واخطاء الاخرين
أختي لازم نراجع حساباتنا في اشياء كثير فكري بعقلك انتي وغيرك ,,
واسف ان اخطأت في التعبير في حقك أو في حق غيرك

ماأقول غير الله يهديكم ويهدينا

[soma al7elwa]

طيب يا اخي الكريم انا معاك في اللي قلته

لا تتنازل عن عاداتنا وتقاليدنا بس نروح عندهم

بس ياليت كمان ما نطلب منهم يتنازلوا عن عاداتهم وتقاليدهم عندنا

يعني ياليت ما نطلب منهم انهم يلبسوا العبايات وهم يكونوا من غير المسلمين لانو احنا ما ما نرضى احد يتخلى عن عاداته وتقاليده

واوبرا احسن وحدة تعرف كيف تجيب مساوئ الشعب الامريكي

لاحظ عن ايش اتكلمت

اتكلمت عن المخدرات في اوساط المراهقين

اتكلمت عن العنف الاسري

اتكلمت عن الاغتصاب

اتكلمت عن السجون الامريكية

اتكلمت عن جرائم الامريكين

اتكلمت عن الصحة

كل مساوئ الشعب الامريكي عرفناها علنا بسبب برنامجها

كل مجتمع في خير وفي شر

بس كمان تجيب الافلام والممثلين والمغنيين تجيب اهتمامات المجتمع الامريكي

انا ما قلت اخرجوا بالكيني هناك وروحوا انسوا دينكم وانسوا عقيدتكم

بس برضو فكروا بعقلكم

واليهود والنصارى اللي تتكلم عنهم ربنا يتكلم عن فئة معينة منهم

ولا هم بشر زينا زيهم صح ولا لا؟

ممكن يجوا بالطكلام الطيب واللين والتفاهم؟؟

حتى القساوسة ورجال الدين عندهم ممكن يجوا باللين والكلام الطيب

واكبر دليل يوسف استس

اسلم بسبب رجل مصري عادي راح لتجارة في امريكا

واسلم على يد الشيخ يوسف الوف مؤلفة كل اجورهم راح توجد في ميزان حسنات المصري اللي راح للتجارة وما جا فبالو ولا واحد في المية انو ممكن يصير كل دا بسببه

يعني الدين مو عصبية قبلية

الدين مو شي اجباري

والقول اللين يغلب الحق البين

ومعز مسعود اللي يستهزأ فيه الاخ عاشق الفهد ويدعوا عليه باللعن ويتهمه بالفسق هو وقناة اقرأ اشهر من نار على علم في العالم الغربي

هو من اروع المسلمين في الخارج اللي يحاولوا انهم يحسنوا نظرة الغرب للاسلام

وعلى الاقل ما قال للمخطئين انتم كفرة وجلس يلومهم على ذنوبهم


قال انو مهما الانسان غلط ربنا يفرح بتوبته

وهم بيستهدفوا الشباب العاديين ما بيستهدفوا اهل العلم

وبعدين الشباب كدا ولا كدا سامعين موسيقى وبيتفرجوا عالنساء العاريات

ما يشوفوا وحدة لابسه لبس محتشم

ويسمعوا برنامج هادف احسن من انهم يفضلوا على عماهم وعلى اللي هم فيه

وقناة اقرأ من اروع القنوات الموجودة عالتلفزيون

محد ضربك وقال لك اتفرج عليها

عجبتك اتفرج عليها ما عجبتك اقلب القناة وحط اللي تبغاه

كل واحد حر باللي يشوفه ويسمعه ويقتنع فيه

بس لا تجلس تتهمهم بالنفاق والفسق والله وحده اعلم باللي في النفوس

[Str8_Slj]

المشاركة الأصلية كتبت بواسطة soma al7elwa هدا هو اللي مو داخل مزاجكم عشانها عشان هي امرأة غامقة اللون وليست جميلة بالدرجة الاولى لكن شخصيتها هي اجمل شخصية مذيعه غربية او عربية عرفتها في يوم من الايام حليمة بولند ومذيعات قنواتنا العربيات هدول ما عليهم كلام صح؟؟؟ لاننا عمرنا ما اهتمينا بثقافة ذيعاتنا قد ما اهتمينا بمنظرهم الخارجي والعقلاء عمرهم ما راح تكون دي ردة فعلهم على رمز امريكي له شعبية كبيرة عند العالم كلو والعاقل راح يعرف انو احنا السبب في دي الصورة وما راح يلومها عالكلام اللي اتقال عننا

اللهم إني أسألك العفو والعافية
ياأختي غامقة مين والناس نايمين إنتي حتسويلي مارتين لوثر !!!
إش دخل السمار في الحكم على وحدة منحطة زي دي علينا كمسلمين تجنب أفكارها
والله ما راح توقفي السماع لها إلين تسب رسول الله ولا ترميه بأنه أياً كان وتحدث ضجة

المشاركة الأصلية كتبت بواسطة soma al7elwa حليمة بولند ومذيعات قنواتنا العربيات هدول ما عليهم كلام صح؟؟؟

لا ياقلبي أنا مافكرت ولا أصلا أعرف عن المذيعات العرب شي لأن التقليد الأعمى خلاهم كلهم شبه بعض كما في الآية ( إن البقر تشابه علينا ) !!!

على العموم ماكان من ثقافتنا أن تتمسخر النساء في قنواتنا , شوفو البنات الهبل إللي في قناة السعودية الإنجليزية صارت قناة البنات ويجيبوا القرف وهم بيدلعو على الشباب

أنا ماني ضد أن تمشي المرأة عريانة في أي مدينة بس على شرط مايكون فيها سكان - يمكن تفهمو كدا
أنا لا أعارض خروجها على الشاشات ولكن بأدب مو بكيلو ميكاب !!! إلين المخرج يعطس !!!

والكلام في الأول والأخير لي ولكي وللكل - لا أحد يزعل

[Str8_Slj]

المشاركة الأصلية كتبت بواسطة *Casper* معليـــــــــــــــش !!! ممكن تخبرينا على أيه شايفتها عظيمه ..؟؟ الشباب يقولوا عكس كذا ... ياليت تخبرينهم ...

ممتاز هنا الكلام الصح ياريت تحددلنا يا سوار الالعسل نقاط العظمة الغريبة في سيرتها الفنية

والله الموضوع ليس إلا بغبغاوات كلوحة الموناليزا , قالو الصورة تعبر عن فن عظيم وأنا لا أرى فيها أي شي لأني بعقلي الغير مغزو فكريا من تراهاتهم , طيب اللوحة عمرها 50.000 سنة بس لمن رسمها الشاذ لم تكن لها قيمة فإذا كان عندي سروال - الله يكرمكم - وصار عمره 50.000 سنة هل سيكون بقيمة لوحة الموناليزا !!!!!!!

والله الناس دخلوا جحر الضب كما قال الرسول

ولو قالو الإنسان كان قرد وتطور لإنسان وصار آدم تجدهم يقولون , لم لا

لا حول ولا قوة إلا بالله

[شــفــافـــة]

المشاركة الأصلية كتبت بواسطة عاشق الفهد اوبرا امرأة عظيمة بما ان الخطاب صار علني ووالله وتالله وبالله انها لاغباء مخلوقة وجدت على الارض ومن دعاة الرذيلة ومن يؤيد افكار هذه المرأة وحربها على الاسلام ياكافر او غبي لايفقه شي ( ان احسن الناس احسنت وان اسأو اسأت )

أولا أغبى كذا تنكتب مو اغباء

ثانيا ياخي الكريم من وين تعرفها عشان عشان تحدد هي ذكية ولا غبية؟
والي تقول عنها من دعاة الرذيلة ... تحارب الفساد في موطنها وتصحح أغلاط مجتمعها بـ اللي تقدر عليه
وهي تكلمت كذا عن الاسلام لأنها ماتعرفه وهذا الي وصلها عننا
بس ترى الشرهه مو عليها على السعودية الي راحتت ترززت جنبها عشان تحكيلها
عن معاناتها ومعاناة الحريم في السعودية رفعت ضغطي الرانيا هذي

انت حط نفسك مكان اوبرا وجاك واحد من جزر الواق واق
(الي مدري اين تقع)
وقالك ترى احنا عندنا ناكل لحوم البشر وماناكل اي اكل نباتي
وهذي عاداتنا .... حتستنكر وتستغرب بس ماتقدر تكذبه لانه انت ماتعرف عن هذا البلد غير هالشي


اما بخصوص مؤيديها ترى محد يؤيد حربها ع الاسلام نهائياً
ممكن نعجب في جرأتها بطرح القضايا واسلوبها الساخر
في حل مشاكل مجتمعها
ومايصير ياخوك تقول عن كل شخص يؤيدها
اما كافر او غبي او لايفقه شيئاً
احترم الي يتحاوروا معاك
اتمنى مايزعلك كلامي (لاتصير حساس)

ودمتم بود