ضائقة وتبغى من يساعدها براي ناصح

[فاقدة أبوها]

أنا أيضاً لاأؤيد ابداً الزواج من خارج السعودية فمتاعب هذا الزواج أكثر من فوائده ,

حبيبتي يمكن صعب شوية تحصلون له بنت صغيرة لكن لو يتزوج بنت كبيرة شوي يعني فوق الثلاثين أو مطلقة مثلاً بدون أطفال او أرملة فهذا اعتقد مو شي صعب أبداً خاصة ان أخوكِ انسان مستقيم ولايعيبه شي وعلى راي المثل بنات منصور ملي القصور والحين الوضع تغير والعنوسة انتشرت يعني مااعتقد ان الإختيار حيكون بالصعوبة اللي قلتي عليها لكن هو ممكن يكون حاط شروط صعبة مثل السن والجمال والقبيلة والمستوى التعليمي وهذا لايتوفر في اي بنت واي بنت تتوافر فيها هذي الصفات من الصعب انها ترتبط بمطلق يعني خليه يتنازل شوي في الشروط واكيد حيلاقي بدل الواحدة عشرة!

تصدقي كان أخوي نفس التفكير بس مو مطلق لكن كان يبغى يتزوج سورية والثاني كمان يبغى اردنية لأنهن يصبرن مع الرجل ع الحلوة والمرة وستات بيوت من جد وماعندهم دلع بنات هاليومين لكن الماما رفضت رفض قاطع والحمدلله الأول تزوج من بنت جيراننا ومبسوووط معها والحمدلله ماباقي غير الذرية الصالحة لتكتمل سعادته,

والثاني للحين اقوله تحللللللللم مالك غير بنات بلدك :)

طبعاً هذا الرأي ليس عنصرية أو تحيزاً فكلنا مسلمين لكن اقتناعي جاء من تجربة لابن عمي فقد تزوج من مصرية وانجب منها ولد وبنت ولما كانت حامل بالثالث صار عليه حادث وتوفى رحمه الله وهي تركت أولادها وسافرت لبلدها والحين اولاده ايتام وعايشين عند اعمامهم وهم كبروا الحين ماشاءالله بس يكرهوا أمهم لأنها حرمتهم من حنانها وهي على قيد الحياة لدرجة انهم يقولوا تمنينا انها ماتت مع ابونا ولاتركتنا كذا بدون أب ولاأم تعوضهم غياب ابوهم!

فنصيحة مني حلاة الثوب رقعته منه فيه ومااشوف مبرر لزواجه من الخارج,
وسامحيني طولت عليكِ,

ربي يوفقه ويوفق جميع شباب وبنات المسلمين ويزرقهم الزوجات والأزواج الصالحين والذرية الصالحة انه ولي ذلك والقادر عليه وهو على كل شيء قدير.