ودي بمساحة امسح هالقسم

[اما عاد انا بدرس]

من جد انقلب راسي من المواضيع العشوائية

ليش مايصيري فيه قسمين سنه تحضيريه !
قسم تحضيري خطه أ وقسم تحضيري خطه ب
علشان الواحد اول مايدخل ينصى قسم الخطه حقته على طول وماينقلب راسه .

بعد تسذا يثبت في كل قسم ملخصات الخطه ويغلق .. يعني :
في قسم الخطه أ
يثبت موضوع بأسم ( ملخص مادة كذا )
وبنفس الطريقه تثبت جميع مواد الخطه أ
ثم يتم اغلاق المواضيع علشان ماتصير حوسه بسبب كثرة الردود
وبكذا تصير هالمواضيع مرجع لطللاب والطالبات .
ونفس الشي في قسم الخطة ب .

بعد تسذا لو يجي احد جديد يسأل عن ملخص ماده
اول واحد يرد يحط له رابط الماده المثبته في نفس القسم .. وهو يروح لها دايركت
واصلن نادرن راح يسأل احد لان كل شي واضح ومرتب
اول مايدخل الطالب او الطالبه المنتدى راح يبحث عن السنه التحضيريه
ثمن راح يختار قسم الخطه الي هو فيها ثمن راح يشوف المواضيع المثبته الي هي الملخصات وهذا اهم شي بالنسبه له ..

طبعن المواضيع المثبته يتم تحديثها اولن بأول من قبل الاداره او المشرفين حسب التغيرات الي تصير في المواد

اتمنى ان الفكره وصلت لان لو ماوصلت الفكره مستحيل اشرح اكثر من تسذا

[Master Sword]

ليش حنا دايم عجازين ونبي كل شيء نحصله قدامنا ؟؟ ليش مانتعب شوي من أجل مصلحتنا ؟!

وياهلا فيك وبالتوفيق لك في دراستك

[اما عاد انا بدرس]

ياشين الي سهران للفجر وقايمن الظهر ومتغدي رز على طول

ياخي هذا مايسمى عجز هذا يوسما ترتيب
يعني انت الحين تخيل دخلت غرفتك تدور مفتاح السياره
اي اسهل لك لتدوير (غرفه مرتبه ولا محيوسه ) ؟ << لعد تجيب امثله الله يرحم والديك

ليش حنا دايم عجازين ونبي كل شيء نحصله قدامنا ؟؟ ليش مانتعب شوي من أجل مصلحتنا ؟!

يعني اذا لقينا الشي على طول معناته مهوب من مصلحتنا !!

على العمومز اذا انت تحب تلف وتدور وينقلب راسك الين تلقى الشي
ويقولون لك ماشالله دافور ذا هذا شي راجع لك:)

حنا نبي شي مرتب وجاهز ومفهوم للجميع
وهذا الشي يريح للجميع خاصتن الي منقطعين عن الدراسه منذومبطي

:)

[المسافر!!!]

صدقت اخي الكريم
هذا ترتيب وتنظيم فقط لا غير لسهولة الوصول للمعلومة المحددة ، ومن يقول غير ذلك فليس لدية علم بمفهوم التنظيم والترتيب ..
على العموم انت كمن ينفخ في قربة مشلوعه
تخيل نحن طلاب التعليم عن بعد المتخصصين لا يوجد لنا قسم فرعي !! مواضيعنا مع الانتساب العادي و الانتظام !! الدعوة مخلوطة ولا تدري وين تكتب ولا وين تقراء !!!!وسبق وطالبت بذلك ولكن لا حياااااة لمن تنادي ..

الظاهر اهم شي الدعايات


وسلامتك

[اما عاد انا بدرس]

المشاركة الأصلية كتبت بواسطة المسافر!!! صدقت اخي الكريم هذا ترتيب وتنظيم فقط لا غير لسهولة الوصول للمعلومة المحددة ، ومن يقول غير ذلك فليس لدية علم بمفهوم التنظيم والترتيب .. على العموم انت كمن ينفخ في قربة مشلوعه تخيل نحن طلاب التعليم عن بعد المتخصصين لا يوجد لنا قسم فرعي !! مواضيعنا مع الانتساب العادي و الانتظام !! الدعوة مخلوطة ولا تدري وين تكتب ولا وين تقراء !!!!وسبق وطالبت بذلك ولكن لا حياااااة لمن تنادي .. الظاهر اهم شي الدعايات وسلامتك

الله يرضى عليك اخوي المسافر
دام الدعوه فيها قربه مشقوقه اجل ننسى الموضوع ونقعد نخرخر معهم

شاكر لك

[عساف]

فيه قسم خاص للسنة التحضيرية وبوسطه قسم فرعي للملخصات وكل ماتبي :)

بينما قسم طلاب الرياض اتوقع ان الغرض منه ثانوي وفقط للتجمع والمشورات والاخبار الي تخص طلاب الرياض

بالتوفيق ياصاحبي

[فهد100]

المشاركة الأصلية كتبت بواسطة عساف فيه قسم خاص للسنة التحضيرية وبوسطه قسم فرعي للملخصات وكل ماتبي :) بينما قسم طلاب الرياض اتوقع ان الغرض منه ثانوي وفقط للتجمع والمشورات والاخبار الي تخص طلاب الرياض بالتوفيق ياصاحبي

وفيييييييييت